އެކްޓަރ ރާޖް ކުމާރް ރާއޯ ދަނީ އޭނާގެ ކުރިއަށް އޮތް މަޖާ ފިލްމު "ބަދާއި ދޯ"ގެ ތައްޔާރީތަކުގައި ވަރަށް ބުރަކޮށް މަސައްކަތް ކުރަމުންނެވެ. އޭނާ ބުނެފައިވަނީ އޭނާ މަސައްކަތް ކުރަނީ މި ފިލްމުގައި އާ ހަށިގަޑެއް ދައްކާލެވޭތޯކަމަށެވެ.
ރާޖް އިއްޔެ ވަނީ އޭނާގެ އިންސްޓަގުރާމު އެކައުންޓުގައި، ބަރު އުފުލަނިކޮށް ފެންނަ ފޮޓޯއެއް ހިއްސާކޮށްފައެވެ. މި ފޮޓޯގައި އޭނާގެ ހަށިގަނޑަށް އައިސްފައިވާ ބަދަލުފެނެއެވެ. ރާޖްކުމާރް ބުނިގޮތުގައި އޭނާގެ ހަށިގަނޑަށް އެހާ ބޮޑު ބަދަލެއް ގެންނަނީ ބަދާއި ދޯ ގައި އޭނާ ކުޅެން ހަމަޖެހިފައިވާ ރޯލަކީ ޕޮލިސް އޮފިސަރެއްގެ ރޯލު ކަމަށް ވާތީ ކަމަށެވެ.
View this post on Instagram
"ބަދާއި ދޯ" އަކީ އަޔުޝްމަން ކުރާނާއާއި ސަންޔާ މަލްހޯތްރާގެ "ބަދާއި ހޯ"ގެ ސީކުއަލް އެކެވެ. "ބަދާއި ދޯ" ގައި ރާޖްކުމާރް ރާއޯއާ އެކު ފެނިގެންދާނީ ބޫމީ ޕަޑްނޭކާއެވެ.
ދުވަސްކޮޅެއް ކުރިން ފިލްމް ފެއާ އަށް ދިން އިންޓަވިއުއެއްގައި ރާޖްކުމާރް ވަނީ ލޮކްޑައުންގައި ކަންތައްތައް ވީ ގޮތް ކިޔާދީފައެވެ. އޭނާ ބުނީ މިދިޔަ އަހަރުގެ ޑިސެމްބަރު ގައި ފިލްމު "ވައިޓް ޓައިގާ" ގެ ޝޫޓިން ނިންމާލުމަށްފަހު، އޭނާގެ ލޯބިވެރިޔާ ޕަޓްރާލޭކާ އާއެކު ޗުއްޓީ ހޭދަކޮށްލުމަށް ދިޔަކަމަށެވެ. އަދި އެއަށްފަހު 3 މަސް ދުވަހުގެ ބުރޭކް އެއް ނެގުމަށް ނިންމި ކަމާއި، ނަމަވެސް ޗުއްޓީ ނުނަގައި ހުއްޓާ ކޯވިޑު އައުޓް ބުރޭކްއާއި ގުޅިގެން މަސައްކަތް ހުއްޓާލަންޖެހުނީ ކަމަށެވެ.
ކޯވިޑުގެ ލޮކްޑައުން އާއެކު، ތިންމަސް ދިޔަގޮތްވެސް ނޭނގޭ ކަމަށްވެސް އިންޓަވިއުގައި ބުނެފައިވެއެވެ. އަދި މި ދިޔަ 3 އަހަރު ދުވަހުގެ ތެރޭގައި މެދުކެނޑުމެއް ނެތި މަސައްކަތްކުރި އިރު މި 3 މަސް ޗުއްޓީއެއް ގޮތުގައި ލިބުނީކަމަށް ގަބޫލުކުރާ ކަމަށްވެސް ބުނެފައިވެއެވެ.
ރާޖްކުމާރް ބުނީ އޭނާގެ ލޯބިވެރިޔާއާއެކު އެހާ ގިނަ ދުވަސްވަންދެން އެކުގައި އުޅުމަށް ލިބުނީމައި ވަރަށް އުފާވި ކަމަށެވެ. އެކުގައި 9 އަހަރު ދުވަހު އުޅުމަށްފަހު ދެމީހުން ވަރަށް ގާތް ދެ ރަހުމަތްތެރިންނަށްވެސް ވެފައި ވާކަމަށާއި ފިލްމީ މަސައްކަތްތަކާ ގުޅޭގޮތުން ވެސް މަޝްވަރާ ކުރާކަމަށް ރާޖްކުމާރު ބުޏެވެ.
