ގއ. ވިލިގިލިން އެމަރޖެންސީކޮށް މާލެ ގެނައި ބަލި ކުއްޖަލު ފަރުވާ ދެމުން ދަނިކޮށް މިއަދު އައިޖީއެމްޗްގައި ނިޔާވި ކުއްޖާ މާލެ ގެނައުން ލަސްވާން މެދުވެރިވީ ސަބަބު އާސަންދަ ކުންފުނިން އޮޅުން ފިލުވައި ދީފިއެވެ.
ބަލިކުއްޖާ ނިޔާވުމާއި ގުޅިގެން ބައެއް ފަރާތްތަކުގެ ފާޑުކިއުން ސަރުކާރަށް އަމާޒުވެފައި ވަނިކޮށް އާސަންދައިން މިރޭ ނެރުނު ބަޔާނުގައި ބުނެފައިވަނީ، 2024 ވަނަ އަހަރުގެ ޖެނުއަރީ މަހުގެ 18 ވަނަ ދުވަހު ގއ.ވިލިނގިލިން ހިނގި އިމަރޖެންސީ މެޑިކަލް އިވެކުއޭޝަން ހާދިސާގައި، މާލެ ގެނެވުނު ކުއްޖާ ނިޔާވެފައިވާތީ އެކުންފުނިން ހިތާމަކުރާ ކަމުގަރަމެވެ. އަދި އާސަންދަ ކުންފުނީގެ މުޅި މެނޭޖްމަންޓާއި މުވައްޒަފުން މި ހާދިސާގައި ނިޔާވި ކުއްޖާގެ އާއިލާއަށް ތައުޒިޔާ ދަންނަވާ ކަމަށްވެސް އެ ބަޔާނުގައި ބުނެގައި ވެއެވެ.
ބަލި ކުއްޖާ އިވޭޓް ކުރުން ލަސްވި ސަބަބެއްގެ ގޮތުގައި މި ބަޔާނުގައި ބުނެފައިވަނީ، 18 ޖެނުއަރީ 2024 ވަނަ ދުވަހުގެ ފަތިހު 05:03 ގައި އާސަންދައަށް އިމަޖެންސީ އިވެކުއޭޝަން (އީއީވީ) ގައި އެދުނީ ގއ ވިލިނގިލި އަތޮޅު ހޮސްޕިޓަލުން އިންދިރާ ގާންދީ މެމޯރިއަލް ހޮސްޕިޓަލަށް ބަލި މީހާ ބަދަލުކުރުމަށް ކަމުގައެވެ.
ފާހަގަކޮށްލެވޭ ގޮތުގައި، އަޅުގަނޑުމެންގެ މެޑިކަލް ސެކްޝަނުން 12 މިނެޓުގެ ތެރޭގައި މި މައްސަލަ ޕްރޮސެސްކޮށް އެޕްރޫވްކޮށް، ފަތިހު 05:19 ހާއިރު، އަޅުގަނޑުމެންގެ ކަސްޓަމާ ސަރވިސަސް ސްޓާފުން ވަނީ އެއެޕްރޫވަލް ހޮސްޕިޓަލަށް އަންގާ، ފްލައިޓް ލިބެން ހުރިތޯ ބެލުމަށް އަންގާފައި.
ބަޔާނުގައި ބުނެފައި ވެއެވެ.
ބަޔާނުގައި އިތުރަށް ބުނެފައިވަނީ، ކޫއްޑޫ (ޖީކޭކޭ) އެއާޕޯޓުން އެންމެ އަވަހަށް ޝެޑިއުލް ފްލައިޓް 19 ޖެނުއަރީ 2024 ގައި، ޖެހިގެން އައި ދުވަހު ފަތިހު 05:55 ގައި އޮތަސް، ވަގުތުން ޗާޓާޑް ފްލައިޓެއްގެ އިންތިޒާމް ތައް ފަށައިގެންފައިވާ ކަމުގައެވެ.
އެގޮތުން، ހެނދުނު 08:57 ގައި މޯލްޑިވިއަންއިން ޗާޓަރު ފްލައިޓް ގަޑިތައް މޯލްޑިވިއަންއިން ލިބިފައިވާ ކަމަށާއި، ޗާޓަރޑް ފްލައިޓް ކޫއްޑޫ އެއަރޕޯޓަށް ޖެއްސުމުގެ އިންތިޒާމް ހަމަޖައްސާފައިވަނީ 14:55 ގައި ކަމަށާއި އެނބުރި މާލެއަށް އައުމަށް ހަމަޖެހިފައިވަނީ 18 ޖެނުއަރީ 2024 ވާ ބުރާސްފަތި ދުވަހުގެ 16:20 ގައި ކަމަށް ބަޔާނުގައި ބުނެފައި ވެއެވެ.
އެގޮތުން، ހޮސްޕިޓަލުގެ އެދުމަށް ހަމަ އެދުވަހުގެ ހެނދުނު 11:18 ގައި އިޖާބަދީ، 14:45 ގައި ގއ. ވިލިނގިލިން ކޫއްޑޫއަށް ބަލި މީހާ ގެންދިއުމަށް އެމްއެންޑީއެފް ސީ އެމްބިއުލާންސްގެ އިންތިޒާމް ހަމަޖެއްސި ކަމަށާއި، ހަމައެއާއެކު، ކޫއްޑޫ އެއަރޕޯޓުން އެކުންފުންޏަށް، ހެނދުނު 11:40 ގައި އަންގާފައި އޮތީ މާލެއިން ކައްދޫއަށް ޝެޑިއުލް ފްލައިޓެއް، ލިބެން ހުރި ގޮނޑިތަކާއެކު، ކޫއްޑޫއަށް ޑައިވާޓް ކުރެވިދާނެ ކަމަށާއި، އެ ފްލައިޓުން 13:50 ގެ ކުރިން ބަލިމީހާ ޓްރާންސްފަރ ކުރެވޭނެކަމަށް ކަމަށެވެ.
ހިތާމައަކީ އެންމެ ފަހު ވަގުތު ފްލައިޓަށް ދިމާވި ޓެކްނިކަލް މައްސަލައަކާ ގުޅިގެން ރާވާފައިވާ ގޮތަށް ޑައިވާޝަން ނުކުރެވުނެވެ. ނަތީޖާއެއްގެ ގޮތުން އަނެއްކާވެސް ޗާޓާޑް ފްލައިޓެއް އިންތިޒާމުކޮށް، 18 ޖެނުއަރީ 2024 ގައި ކޭކޭ އެއާޕޯޓުން (16:35) ހުޅުލޭ އެއާޕޯޓަށް (17:15) ބަލި މީހާ ބަދަލުކުރި އެވެ.
ބަޔާނުގައި ބުނެފައި ވެއެވެ.
އާސަންދަ ކުންފުނިން ބުނެފައިވަނީ، މައުލޫމާތު ފެތުރުމުގެ ކުރިން މި ނާޒުކު ހާދިސާގައި ޝާމިލުވާ ޢާއިލާއާއި އެހެން ހުރިހާ ފަރާތްތަކެއްގެ އިހުސާސްތަކާމެދު ވިސްނުމަށް، މީޑިއާއަށާއި ޢާންމުންނަށް އިލްތިމާސް ކުރާ ކަމުގައެވެ. އަދޮ ދޮގު މަޢުލޫމާތު ފެތުރުނަ ނުދިނުމަށް އެންމެހާ ބޭފުޅުން ދެއްވާ އެއްބާރުލެއްވުން ފާހަގަކުރާކަމަށްވެސް ބަޔާނުގައި ބުނެފައި ވެއެވެ.
