ހުޅުމާލޭ ކޮވިޑް ފެސިލިޓީގައި ކޯވިޑް19އަށް ފަރުވާ ހޯދަމުން ދިޔަ މީހަކު ނިޔާވެއްޖެއެވެ.
ނިޔާވި މީހާއަކީ ކޯވިޑަށް ފަރުވާ ހޯދަމުންދިޔަ ފިރިހެނެއްކަމަށް ވަނީ މައުލޫމާތު ލިބިފައެވެ. އެހެންނަމަވެސް މިކަމާއި ގުޅުންހުރި އިތުރު މައުލޫމާތު އަދި ސާފުވެފައެއް ނުވެއެވެ.
ހުޅުމާލޭ ކޮވިޑް ފެސިލިޓީގައި ކޮވިޑަށް ޕޮޒިޓިވް ވެފައިވާ މީހުންނަށް މިހާރުވެސް ދަނީ ފަރުވާދެމުންނެވެ.
ކޮވިޑްގެ އާ ވޭރިއަންޓެއް ރާއްޖޭގައި ފެތުރެމުންދާތީ އެކަމަށް ސަމާލުވެ ރައްކާތެރިވުމަށް ހެލްތް ޕްރޮޓެކްޝަން އެޖެންސީ (އެޗްޕީއޭ)އިން މިދިޔަ ޑިސެމްބަރު މަހު ވަނީ އިލްތިމާސްކޮށްފައެވެ.
އެޗްޕީއޭއިން ބުނެފައިވަނީ ކޮވިޑްގެ އާ ވޭރިއަންޓެއް ކަމަށްވާ JN.1 ދުނިޔޭގެ ވަރަށް ގިނަ ގައުމުތަކަކުން ފެނިވައިވާ ކަމަށާއި، މި ބަލި ފެތުރުން އިތުރުވެފައިވާ ކަމަށެވެ.
