މި ސަރުކާރު ޖަވާބުދާރީ ކުރުވައިގެން ގެންނާންޖެހޭ ބަދަލު ގެންނާނޭ ކަމުގައި އެމްޑީޕީގެ ރައީސް އަދި ކުރީގެ ރައީސް ސާލިހު ވިދާޅުވެއްޖެއެވެ.
ރައީސް ސާލިހު މިހެން ވިދާޅުވީ މާލޭގެ މޭޔަރ ބައި އިލެކްޝަންގައި މޭޔަކަށް އެމްޑީޕީގެ ކެނޑިޑޭޓް އިންތިޚާބުވުމުގައި އުފަލުގައި ސަލްޓަން ޕާކުގައި ބޭއްވި ޚާއްސަ ޖަލްސާގައި ވާހަކަ ދައްކަވަމުންނެވެ.
ރޭގެ ޖަލްސާގައި ވާހަކަ ދައްކަވަމުން ރައީސް ސޯލިހް ވިދާޅުވީ ރައީސް މުއިއްޒު ކުރައްވާ ކަމަކީ ދޮގު ހެދުމާއި އޮޅުވާލުމާއި ނަފްރަތާއި ގަދަ ބަސް ވިދާޅުވުން ކަމުގައެވެ.
އެހެންނަމަވެސް، އެކަމުން ކާމިޔާބު ނުވާނެ ކަމަށް ވިދާޅުވަމުން ރައީސް ސާލިހު ވިދާޅުވީ މި ސަރުކާރަކީ މަޑުމައިތިރިކަމާއެކު ރައްޔިތުން ބޭނުންވާ ގޮތަށް ވެރިކަން ކުރަން އައި ސަރުކާރެއް ކަމަށެވެ.
ގޮތަށް އެކަން ނުކުރާ ނަމަ، ސަރުކާރު ޖަވާބުދާރީ ކުރުވައި ގެންނަން ޖެހޭ ބަދަލު ގެންނާނެ.
ރޭގެ ޖަލްސާގައި ވާހަކަ ދައްކަވަމުން ރައީސް ސާލުހު ވިދާޅުވިއެވެ.
ރޭގެ ޖަލްސާގައި ރައީސް ސޯލިހް އިތުރަސް ވިދާޅުވީ އާޒިމްގެ މޭޔަރު ކަމުގައި މާލޭގެ ރައްޔިތުން މާޔޫސް ނުކުރައްވާނެ ކަމުގައެވެ. އާޒިމް ނުކުންނަވަނީ ތަސައްވަރަކާއި މެނިފެސްޓޯއަކާ އެކީގައި ކަމަށާއި އާޒިމްގެ ވިސްނުމަކީ ސަރުކާރެއް ހަދައިގެން މަސައްކަތް ކުރުން ނޫން ކަމަށް ރައީސް ސާލިހު ވިދާޅުވިއެވެ. އެގޮތުން ރައީސް ސާލިހު ވިދާޅުވީ އާޒިމް ވަޑައިގަންނަވަނީ ގާނޫނީ ގޮތުން މަތިކޮށްފައިވާ މަސްއޫލިއްޔަތު އަދާކުރައްވައި މާލޭގެ ރައްޔިތުން އެދޭ ގޮތަށް މާލެ ބަދަލު ކުރަން ކަމަށެވެ.
މި ފުނި ޖެހިފައި އޮތް ދަތި، އުނދަގޫ މާލެއަށް ހައްލެއް ހޯދުމަށް ޓްރެފިކަށް ހައްލެއް ހޯދައި ދިނުމަށް. ކުނިވެފައި އޮތް މާލެ ސާފު ކުރުމަށް. އެ ކަން ކުރުމުގައި އާޒިމްއާ އެކުގައި އަޅުގަނޑުމެން އެމްޑީޕީ އެކުގައި އޮންނާނެ ކަމުގެ ޔަގީންކަން އަޅުގަނޑު އަރުވަން.
އާދަމް އާޒިމް މާލޭގެ މޭޔަރުކަން ކާމިޔާބު ކުރެއްވީ އިނދިކޮޅު ކެނޑިޑޭޓް އާޒިމާ ޝަކޫރުގެ މައްޗަށް 2590 ވޯޓުން ކުރި ހޯއްދަވައިގެންނެވެ.
ކޮމެންޓު ފޮނުވާ