ދެކުނަށް ބޯވާރޭ: މެޓް އޮފީހުން ހުދު ސަމާލު ނެރެފި

ދެކުނުގެ އަތޮޅުތަކަށް ގުގުރުމާއެކު ބޯކޮށް ވާރޭވެހިދާނެ ކަމަށް ލަފާކޮށް، މޫސުމާބެހޭ ޤައުމީ އިދާރާއިން ހުދު ސަމާލު ނެރެފިއެވެ.

މި ސަމާލުގައި ހިމެނެނީ ގއ.އަތޮޅާއި އައްޑޫ ސިޓީއާ ދެމެދުގެ ސަރަހައްދެވެ. ސަމާލު ނެރުނީ މިއަދު މެންދުރު 13:15 ގައި ކަމަށާއި، އެއީ މިރޭ 19:00 އާ ހަމައަށް ދެމިއޮންނާނެ ސަމާލެއް ކަމަށް މެޓް އޮފީހުން ބުނެއެވެ.

ކުރިއަށް އޮތް 24 ގަޑިއިރުގެ ތެރޭގައި ރާއްޖޭގެ ގިނަ ސަރަހައްދުތަކަށް ވާރޭވެހި، ބައެއް ރަށްރަށަށް ގުގުރާނެ ކަމަށްވެސް ލަފާކުރެވެއެވެ. ވައިޖެހޭނީ ހުޅަނގުއުތުރާއި އުތުރުން، ގަޑިއަކު 5 އިން 15 މޭލުގެ ބާރުމިނުގައި ކަމަށާއި، ވިލާގަނޑުތަކުގައި ގަޑިއަކު 30 މޭލާ ހަމައަށް ވައިގަދަވެދާނެއެވެ.

ކަނޑު އާދައިގެ ވަރަކަށް މަޑުވާނެ ނަމަވެސް ވިލާގަނޑުތަކުގައި ކަނޑު ގަދަވެދާނެ ކަމަށާއި، ރާޅުގެ އުސްމިން 2 ފޫޓާއި 5 ފޫޓާ ދެމެދުގައި ހުންނާނެ ކަމަށް މެޓް އޮފީހުން ލަފާކުރެއެވެ.