މާލެއަށް ބޯކޮށް ވާރޭވެހެމުންދާތީ، ފެން ހިންދުމުގެ މަސައްކަތް އެމްއެންޑީއެފް ފަޔަރ އެންޑް ރެސްކިޔު ސަރވިސްއިން ފަށައިފިއެވެ.
މިކަން ހާމަ ކޮށްފައިވަނީ އެމްއެންޑީއެފްއިން ކުރި އެކްސް ޕޯސްޓެއްގައެވެ.
މެޓް އޮފީހުންވެސް ވަނީ ދާދިދެންމެއަކު ކ. އަތޮޅުން ފެށިގެން މ. އަތޮޅާއި ހަމައަށް ރީނދޫ ސަމާލު ނެރެފައެވެ. މި އަތޮޅުތަކަށް ބޯކަށް ވާރޭވެހި ގުރުމުގެ އިތުރުން ވިލާގަޑުގައި 45މޭލަށް ވައިގަދަވެ އަދި ކަނޑުވެސް ގަދަވާނެކަމަށް ވަނީ ލަފާކޮށްފައެވެ.
އަދި މިއަދު ހެނދުނު ވަނީ ރ. އަތޮޅުން ފެށިގެން ލ. އަތޮޅާއި ހަމައަށް ހުދު ސަމާލުވެސް ނެރެފައެވެ.
މި އަތޮޅުތަކަށްވެސް ބޯކަށް ވާރޭވެހި ގުރުމުގެ އިތުރުން ވިލާގަޑުގައި 22 މޭލާއި 27 މޭލަށް ވައިގަދަވެ އަދި ވިލާގަޑުގައި 40 މޭލަށް ވައިގަދަވެ އަދި ކަނޑުވެސް ގަދަވާނެކަމަށް ވަނީ ލަފާކޮށްފައެވެ.
ކޮމެންޓު ފޮނުވާ