އައްޑޫގައި އަޅާ ބުރިޖަށް ޗައިނާގެ ކުންފުންޏަކުން ޝައުގުވެރިކަން ފާޅުކޮށްފައިވާ ކަމުގައެވެ. އަދި ކުންފުންޏަކުން މިހާރުވެސް އެ ބުރިޖަށް ޕްރޮޕޯސަލް ހުށަހަޅާފައިވާކަމުގައި އިންފްރާސްޓަރަކްޗަ މިނިސްޓަރު ޑރ. މުއްތަލިބު ވިދާޅުވެއްޖެއެވެ.
އޭނާ މިކަން ހާމަކޮށްފައިވަނީ، ރައީސް މުއިއްޒު ޗައިނާއަށް މިހާރު ކުރައްވަމުން ގެންދަވާ ދަތުރުފުޅާއި ދިމާކޮށް ޗައިނާގައި ބޭއްވި ރާއްޖޭގެ "އިންވެސްޓް މޯލްޑިވްސް ފޯރަމް" ގެ ހަވާސާގައި އިންފްރާސްޓަރަކްޗަ މިނިސްޓަރު ޑރ. މުއްތަލިބު ދައުލަތުގެ މީޑިއާ ޕީއެސްއެމްއަށް ދެއްވި އިންޓަރވިއުއެއްގައެވެ.
މި އިންޓަވިއުގައި މުއްތަލިބު ވިދާޅުވީ ވިދާޅުވީ "އިންވެސްޓް މޯލްޑިވްސް ފޯރަމް"އަށް ރައީސް ހުށަހެޅުއްވި ކަންތައްތަކުގެ ތެރޭގައި އައްޑޫ އަދި ތިނަދޫގައި އަޅަން އެމަނިކުފާނު ވައުދުވެފައިވާ ބްރިޖް މަޝްރޫއަށް އިންވެސްޓަރުން ހޯދުން ހިމެނޭ ކަމުގައެވެ. އަދި އޭނާ ވިދާޅުވީ އައްޑޫގައި އަޅާ ބުރިޖަށް ޗައިނާގެ ކުންފުންޏަކުން ޝައުގުވެރިކަން ފާޅުކޮށްފައިވާ ކަމުގައެވެ. އަދި ކުންފުންޏަކުން މިހާރުވެސް އެ ބުރިޖަށް ޕްރޮޕޯސަލް ހުށަހަޅާފައިވާކަމުގައެވެ.
މިހާރު އެ ޕްރޮޕޯސަލް އިވެލުއޭޓްކުރަމުން މި ގެންދަނީ އަޅުގަނޑުމެންނަށް އެންމެ ރަނގަޅު އަދި ކުރިއަށްގެން ދެވޭނެ ގޮތެއް ބަލަން، ހަމައެއާއެކީ މިކަމަށް ޗައިނާގެ ބޮޑެތި ކުންފުނިތަކުން އެބަހުރި ޝައުގުވެރިކަން ފާޅުކޮށްފައި.
މުއްތަލިބު ވިދާޅުވިއެވެ.
ފާއިތުވި ރިޔާސީ އިންތިޚާބުގައި ރައީސް މުއިއްޒު ވަނީ މި ފަސްއަހަރުގެ ތެރޭގައި އައްޑޫ ހިތަދޫއިން ހުޅުމީދޫއަށް އަދި ތިނަދޫއިން ކާޑެއްދޫއަށް ބުރިޖަކުން ގުޅުވާލާނެ ކަމުގައެވެ.
އެގޮތުން ހިތަދޫ އާއި ހުޅުމީދޫ ގުޅުވާލާ ބުރިޖުގައި 23 ކިލޯމީޓަރު ހުރެއެވެ. އަދި ތިނަދޫ އާއި ކާޑެއްދުއާ ދެމެދު 4.4 ކިލޯމީޓަރު ހުރެއެވެ.
ހިތަދޫ އާއި ހުޅުމީދޫ ގުޅުވާލާ ބުރިޖުގެ ޕްލޭނިން މަސައްކަތް ހަފްތާ 14ގައި ވަނީ ހިމަނާފައެވެ. އަދި އެމަސައްކަތަށް ބަޖެޓުގައި 30 މިލިއަން ހިމަނާފައި ވެއެވެ.
