ހުނާން ކޮންސްޓްރަކްޝަން އިންވެސްޓްމަންޓް ގްރޫޕްގެ މެނޭޖިން ޑިރެކްޓަރ ސައި ދިއާންވެއި ރައީސުލްޖުމްހޫރިއްޔާ ޑރ.މުޙައްމަދު މުއިއްޒުގެ އަރިހަށް އިހުތިރާމް ގެ ޒިޔާރަތެއް ކުރައްވައިފިއެވެ. މި ޒިޔާރަތުގައި ހުނާން ކޮންސްޓްރަކްޝަން އިންވެސްޓްމަންޓް ގްރޫޕްގެ މެނޭޖިން ޑިރެކްޓަރ ސައި ދިއާންވެއިގެ އަރިހުގައި އެކުންފުނީގެ އިސްވެރިންވެސް ވަނީ ބައިވެރިވެފައެވެ.
މި ބައްދަލުވުމުގައި ހުނާން ކޮންސްޓްރަކްޝަން އިންވެސްޓްމަންޓް ގްރޫޕްގެ މެނޭޖިންގ ޑިރެކްޓަރު ވަނީ އެ ކުންފުންޏާ ބެހޭ ތަޢާރަފެއްގެ އިތުރުން، ނާން ކޮންސްޓްރަކްޝަން އިންވެސްޓްމަންޓް ގްރޫޕުން ކުރިއަށް ގެންދާ މަޝްރޫޢުތަކާ ބެހޭ މައުލޫމާތު ރައީސަށް އަރުވާފައެވެ.
އަދި އޭގެ އިތުރުން ދިވެހިރައްޖެއާއެކު ގާތް ގުޅުމެއް ބާއްވަން ބޭނުންވާކަމަށްވެސް ހުނާން ކޮންސްޓްރަކްޝަން އިންވެސްޓްމަންޓް ގްރޫޕްގެ މެނޭޖިން ޑިރެކްޓަރ ސައި ދިއާންވެއި ވިދާޅުވެފައެވެ.
މި ބައްދަލު ކުރެއްވުމުގައި ރައީސް މުއިއްޒު ދެއްކެވި ވާހަކަފުޅުގައި ވިދާޅުވީ ޗައިނާއާއެކީ ގާތް ގުޅުމެއް ބޭއްވުމަކީ އެމަނިކުފާނުގެ އުއްމީދެއްކަމުގައި ވިދާޅުވިއެވެ. އަދި މި ގުޅުން ބަދަހިކުރުމަށް ދިވެހި ސަރުކާރުން ފުރިހަމަ އެއްބާރުލުން ދެއްވާނެކަމަށްވެސް ރައީސް ވިދާޅުވިއެވެ.
ޗައިނާ ކޮމިއުނިކޭޝަންސް ކޮންސްޓްރަކްޝަން ކޮމްޕެނީ ލިމިޓެޑްގެ އިސްވެރިންވެސް ވަނީ އިއްޔެ ރައީސް ޑރ.މުއިއްޒު ގެ އަރިހަށް އިހުތިރާމް ގެ ޒިޔާރަތެއް ކުރައްވާފައެވެ.
މި ބައްދަލުކުރެއްވުމުގައި އެމަނިކުފާނު ވަނީ ރާއްޖޭގެ ތަރައްޤީއަށްކުރާ ދަތުރުގައި ޗައިނާއަކީ މުހިންމު ބައިވެރިއެއްކަން ފާހަގަކުރައްވާ، ދެގައުމުންވެސް އިސްކަންދޭ މުހިންމު ދާއިރާތަކުން އިތުރަށް ގުޅުން ބަދަހިކުރުމާ ގުޅޭގޮތުން ޝައުގުވެރިކަން ފާޅުކުރައްވާފައެވެ.
ރައީސުލްޖުމްހޫރިއްޔާގެ ދެކަނބަލުން މިހާރު ޗައިނާއަށް ކުރައްވަމުން ގެންދަވާ ދަތުރުފުޅަކީ ޗައިނާގެ ރައީސް ގެ ދައުވަތަކަށް ކުރައްވަމުންގެންދަވާ ފުރަމާނަ ދަތުރުފުޅެކެވެ. މި ދަތުރުފުޅުގައި އެ ދެކަނބަލުންގެ އަރިހުގައި ދިވެހި ސަރުކާރުގެ މަތީފަންތީގެ ވަފުދެއް ބައިވެރިވެވަޑައިގަންނަވައެވެ.
