ބަންގްލަދޭޝްގެ ބޮޑުވަޒީރުކަމަށް ފަސްވަނަ ދައުރަކަށް ޝައިޚް ހަސީނާ އިންތިޚާބު އިންތިޚާބުވެވަޑައިގެންފިއެވެ.
މި އިންތިޚާބުގައި އަމިއްލަ ގޮތުން ވާދަކުރި ކެންޑިޑޭޓުންނަށް ޖުމްލަ 63 ގޮނޑި ލިބުނެވެ. މިއީ ހަސީނާގެ އަވާމީ ލީގު އަށް ލިބުނު 222 ގޮނޑިއަށްފަހު ދެވަނައަށް އެންމެ ގިނަ ގޮނޑި ފަރާތްތަކެވެ.
އިންތިޚާބުގައި އިދިކޮޅު ޕާޓީއެއްގެ ގޮތުގައި ވާދަކުރި ޖާތިޔާ ޕާޓީއަށް ރައްޔިތުންގެ މަޖިލީހުގެ 300 ގޮނޑީގެ ތެރެއިން ކާމިޔާބު ކުރެވުނީ އެންމެ 11 ގޮނޑި ކަމަށް އިލެކްޝަންސް ކޮމިޝަނުން ބުނެއެވެ.
އަމިއްލަ ގޮތުން ވާދަކުރި ގާތްގަނޑަކަށް ހުރިހާ ކެންޑިޑޭޓުންނަކީވެސް ޝެއިޚް ހަސީނާގެ އަވާމި ލީގުންގެ ފަރާތުން ވާދަކުރުމުގެ ފުރުސަތު ނުދީ، އިންތިޚާބަކީ ވާދަވެރި އިންތިޚާބެއްކަމަށް ދުނިޔެއަށް ދެއްކުމަށް، މިނިވަން ކެނޑިޑޭޓުންގެ ގޮތުގައި ވާދަކުވުމަށް އެޕާޓީގެ ލީޑަރޝިޕުން އެންގި ކެނޑިޑޭޓުންނެވެ. އެހެންކަމުން އިންތިޚާބު ވެގެންދިޔަ މަޖިލިސް ބެލެވެނީ އިދިކޮޅު ޕާޓީއެއް ނެތް މަޖިލީހެއްގެ ގޮތުގައެވެ.
ބަންގްލަދޭޝްގެ މަޝްހޫރު އިންސާނީ ހައްގުތަކަށް މަސައްކަތް ކުރާ އެކްޓިވިސްޓެއް އަދި ފޮޓޯގްރާފަރެއް ކަމަށްވާ ޝާހިދުލް އާލަމް އަލްޖަޒީރާއަށް ވިދާޅުވި ގޮތުގައި މިއީ އާދަޔާ ހިލާފު އިންތިހާބެއްގެ އާދަޔާ ހިލާފު ނަތީޖާއެއް ކަމުގައެވެ. "ޑަމީ (ރަމްޒީ) އިންތިހާބެއްގައި ޑަމީ ކެނޑިޑޭޓުން މިހާރު ދާނީ ޑަމީ ޕާލަމެންޓަކަށް."
ހަސީނާގެ ވެރިކަމުގެ ބަދަލުގައި އެއްވެސް ފަރާތަކަށް ނުޖެހޭ މުއައްސަސާއެއްގެ ދަށުގައި ވޯޓުލުން ބާއްވަން ބޭނުންވި އިދިކޮޅު ޕާޓީ، ބަންގްލަދޭޝް ނޭޝަނަލިސްޓް ޕާޓީ (ބީއެންޕީ) އިން ބޮއިކޮޓްކުރި، "އިންސޭފެއް ނެތް އިންތިހާބަކީ" ހަސީނާ އަލުން ވެރިކަމަށް ގެނައުމަށް ކުރިޔަށް ގެންދިޔަ "ހަމައެކަނި ފޯމަލިޓީއެއް" ކަމަށް މަސްރަހު ދިރާސާކުރާ ފަރާތްތަކުން ބުނެ އެވެ.
ހުޅަނގުގެ ސަރުކާރުތަކުން، މިނިވަން އިންސާފުވެރި އިންތިޚާބެއް ކަށަވަރު ކުރުމަށް ހަސީނާގެ ސަރުކާރަށް ކުރި ޕްރެޝަރު ތަކާއެކު، އެއްވެސް ނުފޫޒެއް ނެތި އިއުލާނުކުރި ތަފާސް ހިސާބަކީ، ވޯޓުލާ މީހުންގެ އަދަދު ކަމަށް އެ ފަރާތްތަކުން ބުނެއެވެ.
އާދީއްތަ ދުވަހުގެ ހަވީރު 4:00 ގައި ވޯޓުލުން ހުއްޓާލުމަށްފަހު އިލެކްޝަންސް ކޮމިޝަނުން ބުނެފައިވަނީ ވޯޓުލީ މީހުންގެ ނިސްބަތަކީ 40 އިންސައްތަ ކަމަށެވެ.
އެހެންނަމަވެސް މި ތަފާސްހިސާބާމެދުވެސް ގިނަބަޔަކު ޝައްކު ކުރި އެވެ. އާދީއްތަ ދުވަހުގެ ނޫސްވެރިންގެ ބައްދަލުވުމަށްފަހު އިލެކްޝަންސް ކޮމިޝަންގެ މައި އޮފީހުގެ ޑޭޝްބޯޑުގައި (ޑިސްޕްލޭގައި) ވޯޓުލާ މީހުންގެ އަދަދު ކަމަށް 28 ޕަސެންޓް ފެންނަން ހުރިއިރު، އޭގެ ފޮޓޯއެއް އެ ގައުމުގެ ސޯޝަލް މީޑިއާގައި އާންމުވެ ގިނަ ބައެއްގެ ފާޑުކިޔުން ވަނީ އަމާޒުވެފަ އެވެ.
އިދިކޮޅު ބީއެންޕީގެ ލީޑަރުން ވިދާޅުވެފައިވަނީ 28 ޕަސެންޓްއަކީވެސް މަތީ އިންސައްތައެއް ކަމަށާއި، މުޅި ދުވަހު ބަންގްލަދޭޝްގެ ގިނަ ވޯޓުލާ މަރުކަޒުތައް ހުރީ ހުސްކޮށް ކަމަށެއެވެ.
ބަންގްލަދޭޝްގެ އިދިކޮޅު ޕާޓީން މީގެ ކުރިން ވަނީ ހޮނިހިރު ދުވަހުގެ ހެނދުނުން ފެށިގެން 48 ގަޑިއިރުގެ ހަޅުތާލެއް ވެސް އިއުލާނުކޮށްފަ އެވެ. މިއިންތިޚާ އެގައުމުގެ އިދިކޮޅު ޕާޓީ ބީއެންޕީންވަނީ ބޮއިކޮޓް ކޮށްފައެވެ. އެޕާޓީގެ ގިނަ ލީޑަރުން ތިބީ ޖަލަށް ލާފައެވެ.
