އިދިކޮޅުން ރައްޔިތުންގެ މަޖިލިހުގައި މަސައްކަތް ކުރަމުން ދަނީ ޑިމޮކްރަސީއާ ހިލާފަށް ކަމަށާއި އަދި ގާނޫނުތަކާއިވެސް ޚިލާފަށް ކަމުގައި ޑރ. މުހައްމަދު މުއިއްޒު މިއަދު ވިދާޅުވެއްޖެއެވެ.
ރައީސް މުއިއްޒު މިހެން ވިދާޅުވީ މިއަދު ހުޅުމާލޭގައި ބޭއްވި، ޕީއެންސީގެ މޭޔަރ ކެނޑިޑޭޓް އާޒިމާ ޝަކޫރުގެ ކެމްޕޭން އިވެންޓުގައި ވާހަކަ ދައްކަވަމުންނެވެ.
އިދިކޮޅުން ރައްޔިތުންގެ މަޖިލިހުގައި މަސައްކަތް ކުރަމުން ދަނީ ޑިމޮކްރަސީއާ ހިލާފަށް ކަމަށާއި އަދި ގާނޫނުތަކާއިވެސް ޚިލާފަށް ކަމަށް ރައީސް މުއިއްޒު ވިދާޅުވެފައިވާއިރު، ރައްޔިތުންގެ މަޖިލިހުން ސަރުކާރުގެ ވަޒީރުންނަށް ރުހުން ދިނުން ލަސްވުމާއި ގުޅިގެން އެމްޑީޕީއަށްވަނީ ގިނަ ބައެއްގެ ފާޑުކިއުންވަނީ އަމާޒުވެފައެވެ. ވަޒީރުންނަށް ރުހުން ހުދީ މަޖިލިސްވަނީ ޗުއްޓީއަށް ގޮސްފައެވެ.
ހުރިހާ އެންމެން މި ތިބީ އެއް ޕާޓީއަކުންނެއް ނޫން. އަޅުގަނޑުމެންގެ ޕާޓީން އެއް ކެންޑިޑޭޓު މޭޔަރެއްގެ ގޮތުން. ދެން އެހެން ޕާޓީތަކުން އެހެން ކެންޑިޑޭޓުން. އެ ބޭފުޅުންގެ އަމަލާއި ބަސް މިހާރު ހުރީ ކިހިނެއްކަން އެބަ އެނގޭ ނޫންތޯ. މަޖިލިސް ތެރެއިން ވެސް ކަންކަން ކުރަނީ ޑިމޮކްރަސީއާ ޚިލާފަށް. ގާނޫނާ ވެސް ޚިލާފަށް.
މިއަދުގެ ކެމްޕޭން އިވެންޓުގައި ވާހަކަ ދައްކަވަމުން ރައީސް ވިދާޅުވިއެވެ.
މިއަދުގެ ކެމްޕޭން އިވެންޓުގައި ރައީސް ވިދާޅުވީ ލާމަރުކަޒީ އުސޫލުން ކަންކަން ކުރުމުގައި ކައުންސިލްތަކުގެ ދައުރު ވަރަށް ބޮޑުކަމަށާއި، އެހެންކަމުން ސަރުކާރާއެކު މަސައްކަތް ކުރެވޭނެ މޭޔަރަކު އިންތިޚާބު ކުރުން ވަރަށް މުހިންމު ކަމުގައެވެ.
ރައީސް މުއިއްޒު މިއަދު ވަނީ ވިލިމާލެއާއި ހުޅުމާލެ ފުރަތަމަ ފިޔަވަހީގައި، ޕީއެންސީގެ ކެނޑިޑޭޓްގެ ކެމްޕޭންގައި ބައިވެރިވެވަޑައިގެންފައެވެ.
ކޮމެންޓު ފޮނުވާ