ޕޯސްޓް މެދުވެރިކޮށް ރާއްޖެއެތެރެކުރަން އުޅުނު ގިނަ އަދަދެެއްގެ މަސްތުވާތަކެތި އަތުލައިގެންފި މޯލްޑިވްސް ކަސްޓަމްސްއިން މިއަދު އަތުލައިގެންފިއެވެ.
ކަސްޓަމްސް އިން މިއަދު އާންމުކުރި މައުލޫމާތުގައިވަނީ، ޕޯސްޓު މެދުވެރިކޮށް ގެނައި ޕެކޭޖެއްގައި މަސްތުވާތަކެތި ހުރި ކަމަށް ޝައްކު ކުރެވިގެން ބަލައި ފާސްކުރި އިރު މަސްތުވާތަކެތީގެ ބާވަތެއް ފެނިފައިވާ ކަމަށެވެ.
އަދި އެ ޕެކޭޖު ތެރެއިން ފެނުނީ މަސްތުވާތަކެތީގެ ބާވަތެއް ކަމަށްވާ ސިންތެޓިކް ކެތިނޯން ކަމަށް ތަހުލީލު ކުރުމުން އެނގިފައިވާ ކަމަށް ކަސްޓަމްސްއިން ބުނެފައި ވެއެވެ. އެތަކެތީގެ ބަރުދަނުގައި 1.132 ކިލޯ ގްރާމް ހުރި ކަމަށްވެސް ކަސްޓަމްސްއިން ބުނެފައި ވެއެވެ.
މިތަކެއްޗާއެކު މި ޕެކޭޖާ ހަވާލުވާން އައި 20 އަހަރުގެ ދިވެހި ފިރިހެނަކު ހައްޔަރުކޮށް ފުލުހުންނާ ހަވާކުކޮށްފައިވާ ކަމަށް ކަސްޓަމްސް އިން ބުނެފައި ވެއެވެ.
