ހުޅުމާލޭގެ ފުރަތަމަ ފިޔަވހީގެ ފްލެޓްތަކުގެ ކުލި ކުޑަކޮށްފިއެވެ.
ރައީސް މުއިއްޒު މިކަން ހާމަކުރައްވާފައިވަނީ މިއަދު ހުޅުމާލޭގެ ފުރަތަމަ ފިޔަވަހީގައި ބޭއްވި، ޕީއެންސީގެ ޓިކެޓުގައި މާލޭގެ މޭޔަރުކަމަށް ވާދަކުރައްވާ އާޒިމާ ޝަކޫރުގެ ކެމްޕޭން އިވެންޓުގައި ވާހަކަ ދައްކަވަމުންނެވެ.
މި އިވެންޓުގައި ވާހަކަ ދައްކަވަމުން ރައީސް ވިދާޅުވީ އެހެން ކަމުން އަންނަ މަހުން ފެށިގެން 20 އިންސައްތަ އެ ފްލެޓްތަކުގެ ކުލިން ކުޑަވެގެން ދާނެ ކަމަށެވެ.
އަޅުގަނޑު މިއަދު މިތަނުގައި އިއުލާނު ކޮށްލަން ބޭނުން ވަނީ ފުރަތަމަ ފިޔަވަހީގައި ހުރި ހުރިޙާ ފްލެޓަކުން މިއަންނަ މަހުން ފެށިގެން 20 ޕަސެންޓް އަގު ކުޑަވެގެން ދާނެ.
ރައީސް ވިދާޅުވިއެވެ.
މި އިވެންޓުގައި ވާހަކަ ދައްކަވަމުން ރައީސް، މުއިއްޒު ވިދާޅުވީ، ހުޅުމާލޭ ފުރަތަމަ ފިޔަވަހީގެ ފްލެޓްތަކުގެ ކުލި މިހާތަނަށް ކުޑަކުރެވިފައި ނުވާ ކަމަށާއި، މެއިންޓަނަންސް ފީ ހަމަނައިގެން އެތަންތަނަށް 4000 އާއި 7000 ދެމެދުގެ ކުއްޔެއް ދައްކަމުން އަންނަ ކަމަށެވެ.
ސަރުކާރުން ދެން އެ 20 ޕަސެންޓް މެނޭޖް ކުރާނެ. ގިނައީ ޖީޓުޖީ ލޯންސް، ދެގައުމުގެ ދޭތެރޭގައި ހެދިފައި ހުރި އެގްރީމެންޓްތަކުން ދައްކަން ހުރި ލޯނުތައް ފޭސް އެކެއްގައި ހުރި ފްލެޓްތަކުގައި. އެހެން ކަމުން އެކަން އަޅުގަނޑުމެންނަށް މެނޭޖް ކުރެވޭނެ. އެހެންކަމުން އެކަމަކާއި ރައްޔިތުން ކަންބޮޑުވާކަށް ނުޖެހޭނެ.
ކުލި ކުޑަކުރިޔަސް އިގްތިސާދަށް ނޭދެވޭ އަސަރު ނުކުރާނެކަން ހާމަކުރައްވަމުން ރައީސް ވިދާޅުވިއެވެ.
