އެމެރިކާގައި ފުރަތަމަ ފަހަރަށް ކޯވިޑް19 ވެކްސިން ދޭން ފަށައިފިއެވެ. އެންމެ ފުރަތަމަ ވެކްސިން ދީފައިވަނީ، އެގައުމުގައި ކޯވިޑް19ގެ ހާލަތު އެންމެ ގޯސް ސިޓީ ކަމުގައިވާ، ނިއުޔޯކު ސިޓީގެ ސިއްޙީ އެހީތެރިއަކަށެވެ.

އެންމެ ފުރަތަމަ، ކްލިނިކަލް ތަހުލީލުތަކުން ބޭރުގައި، އެމެރިކާގައި މިވެކްސިން ދިން މީހަކަށް ވެގެންދިޔައީ، ލޯންގް އައިލޭންޑް ޖެވިޝް މެޑިކަލް ސެންޓަރުގައި، އައިސީޔޫ ނަރުހެއްގެ ގޮތުގައި މަސައްކަތް ކުރާ، ސަންޑްރާ ލިންޑްސޭ އެވެ.

މުޅި ދުނިޔޭގައިވެސް، ކޯވިޑް19ގެ ހާލަތު އެންމެ ގޯސްވެގެންދި، އަދި 300،000 މީހުން މަރުވެ، 16 މިލިއަން މީހުންނަށް މިބަލި ޖެހިފައިވާ އެމެރިކާގައި މިވެކްސިން ދޭން ފެށުން ވެގެން މިދިޔައީ މުޅި ދުނިޔެއަށްވެސް ލިބިގެން ދިޔަ އުއްމީދެއްގެ ގޮތުގައި ސިއްޙީ މާހިރުން ގެންދަނީ ފާހަގަ ކުރަމުންނެވެ.

އެމެރިރާކެ ސިއްޚީ އިދާރާތަކުން މައުލޫމާތު ދޭގޮތުގައި، ފައިޒަރ-ބައޯއެންޓެކްގެ ވެކްސިންގެ3 މިލިއަން ޑޯޒް އެގައުމުގެ636 ސަރަހައްދަކަށް ކުރިޔަށް އޮތް މަދު ދުވަސްކޮޅެއްގެ ތެރޭގައި ފޯރުކޮށް ދެވޭނެއެވެ. އަދި 145 ތަނަކަށް، މައިގަޑުކޮށް ސިއްހީ ފަރުވާ ދޭ ތަންތަނަށް، ހޯމަދުދުވަހު މިވެކްސިން ފޯރުކޮށް ދެވޭނެއެވެ.

ފާހަގަ ވާންހުރި މުހިންމު ކަންކަން:

• އެމެރިކާގައި ކޯވިޑް19 ވެކްސިންދޭ އެންމެ ފުރަތަމަ މީހުންގެ ތެރޭގައި ވައިޓްހައުސްގެ މުވައްޒަފުން ހިމެނުމަށް މިންމާފައިވާ ނިންމުން އެގައުމުގެ ރައީސް ޓްރަމްޕް ވަނި ބަދަލު ކުރައްވާފަ. ވައިޓްހައުސްގެ އިސް އޮފިޝަލުން ކުރިން ބުނެފައިވަނީ، ވެކްސިން ދިނުމުގައި ވައިޓްހައުސް ސީނިއަރ އޮފިޝަލުންނަށް އިސްކަން ދެވޭނެ ކަމުގައި.
• އެމެރިކާއިން މިހާރު ދަނީ،2021 ވަނަ އަހަރުގެ ފުރަތަމަ ކުއާޓަރުގައި، ވެކްސިންގެ އިތުރު100 މިލިއަން ޑޯޒު ގަތުމަށް މަސައްކަތް ކުރަމުން. އެހެންނަވެސް، ފައިޒާ ކުންފުނީގެ ސީއީއޯ އަލްބާރޓް ބޯލާ ވިދާޅުވެފައިވަނީ، އަދި އެއްބަސްވުމަކާ ހަމައަށް އާދެވިފައި ނުވާކަމަށް.
• އެމެރިކާގެ ސަރުކާރުން މިހާރު ދަނީ، އެންމެ ފަހުވަގުތުވެސް، ވެކްސިން ޖެހުމަށް ހިތްވަރު ދިނުމުގެ ގޮތުން ޕަބްލިކް ސާވިސް ވަރުގަދަ ކެމްޕޭނެއް އެގައުމުގައި ހިންގުމަށް މަސައްކަތް ކުރަމުން. މިހާތަނަށް ކުރެވިފައިވާ ދިރާސާތަކުން ދައްކާގޮތުގައި، އެމެރިކާގެ ކޮންމެ10 މީހަކުން8 މީހަކު، ވެކްސިން ޖެހުމަށް ބޭނުންވޭ. އެހެންމަވެސް، މިމީހުންވެސްވަނީ، ވެކްސިން ޖަހާނީ ކިހާ އަވަހަކަށް ކަމާމެދު ޚިޔާލުތަފާތު ވެފަ.
• މީގެ ހަފްތާއެއް ކުރިން ވެކްސިން ދޭން ފެށުނީސްކަމަށް، ޓްރަމްޕްގެ ސަރުކާރުން ބުނާ ބުނުމަށް، އެމެރިކާގެ ފުޑް އެންޑް ޑްރަގް އެޑްމިނިސްޓްރޭޝަންގެ ކޮމިޝަނަރ ސްޓެފަން ހާން ވަނީ، ދެކޮޅު ހައްދަވާފަ.
• ޖަރުމަނުވިލާތުން ބުނެފައިވަނީ، ކުރިޔަށް ކުރިސްމަން ބަންދުގައާއި އަދި އާހަރުގެ ބަންދުގައި، އެގަމުން ހަރުކަށި ލޮކްޑައުންއަކަށް ދޭނަކަމަށް. މިގޮތުން، އަަޅުކަންކުރުމުގެ ގޮތުން ޗާޗްތަކަށް އެއްފަހަރާ މީހުން އެއްވުން މަނާކުރެވި، ފިހާރަތައްވެސް ބަންދު ކުރެވޭނެ ކަމަށް އެގައުމުގެ ސަރުކާރުން ވަނީ ބުނެފަ.

ކޯވިޑް19 ވެކްސިން އެމެރިކާގައި ބޭނުން ކުރެވެން ފެށުމާއެކު، ސިއްޙީ މާހިރުން ގަބޫލުކުރާގޮތުގައި، އެމެރިކާގައި މިހާތަނަށް 300،000 މީހުން މަރުވެ، 16 މިލިއަން މީހުންނަށް ޖެހިފައިވާ މިބަލީގެ ނުރައްކާތެރިކަމުން، އެމެރިކާ ސަލާމަތް ކުރެވޭނެއެވެ.

އެމެރިކާއަކީ މުޅި ދުނިޔޭގައިވެސް، މިބަލީ ނުރައްކާތެރިކަން އެންމެ ބޮޑުވެގެން ދިޔަ ގައުމެވެ.

އެމެރިކާގައި ކޯވިޑް19 ވެކްސިން ބޭނުން ކުރުމުގެ އެމަޖެންސީ ހުއްދަ ދޫކުރުމާ ގުޅޭގޮތުން ނެރުނު ބަޔާނެއްގައި، އެފްޑީއޭއިން ބުނެފައިވަނީ، އެ އޭޖެންސީން މިހާރުވަނީ، ޔޫއެސް ސެންޓަރސް ފޯރ ޑިސީސް ކޮންޓްރޯލް އެންޑް ޕްރިވެންޝަން (CDC) އަދި، ވެކްސިން ދިނުމުގެ ހުރިހާ ކަމެއް ކުރިޔަށް ގެންދިއުމަށް ޓަރަމްޕް އެކުލަވާލައްވާފައިވާ، "އޮޕަރޭޝަން ރެޕް ސްޕީޑް"އަށްވެސް، އެމެރިކާގެ ރައްޔިތުންނަށް ވެކްސިން ޖެހުމުގެ މައްސައްކަތް އަވަހަށް ފެށުމަށް އިލްތިމާސް ކޮށްފައެވެ.

އެމެރިކާގެ ސަރުކާރުން ކުރިން ބުނެފައިވަނީ، އެފްޑީއޭއިން ހުއްދަ ދޫކުރުމާއެކު، އެންމެ ފުރަތަމަވެސް، ވެކްސިންގެ 2.9 މިލިއަން ޑޯޒް ދޫކުރެވެނޭއެވެ. މިއީ ވެކްސިން ބޭނުން ކުރުމުގެ ހުއްދަ ލިބޭ ހަފްތާގައި ފައިޒާ/ބައޯއެންޓެކްއިން ތައްޔާރު ކުރުމަށް ހަމަޖެހިފައިވާ އަދަދުގެ %50އެވެ. އަނެއް %50 ރައްކާ ކުރެވޭނީ، ފުރަތަމަ ވެކްސިން ދޭ މީނުންނަށް 3 ހަފްތާފަހުން ދޭންޖެހޭ ދެވަނަ ޑޯޒް އެއްވެސް ދަތިކަމަކާ ނުލާ ދެވޭނެކަން ޔަގީން ކުރުމަށްޓަކައެވެ.

ފައިޒާއިން ބުނެފައިވަނީ، އެކުންފުނިން އީޖާދު ކޮށްފައިވާ ވެކްސިނަކީ %95 ރައްކާތެރި ވެކްސިނެއް ކަމުގައެވެ. އަދި، ތަހުލީލުތަކުން ދައްކާފައިވާ ގޮތުގައި، ވެކްސިންގެ ފުރަތަމަ ޑޯޒަށްފަހުވެސް، ވެކްސިން ޖަހާ މީހުން %85 ކޯވިޑް19 އިން ރައްކާތެރި ކޮށްދެއެވެ.

އެހެންނަމަވެސް، ތަފާތު ބޭސްތަކަށާއި އަދި، ވެކްސިންތަކަށް އެލާޖިކްވާ ފަރާތްތަކަށް ކޯވިޑް19 ވެކްސިން ދިނުން ރައްކާތެރި ނޫންކަމުގެ އިންޒާރު އިގިރޭސިވިލާތުން ވަނީ މިހަފްތާގައި ދީފިއެވެ.

އިގިރޭސިވިލާތުގެ ނޭޝަނަލް ހެލްތު އޭޖެންސީން މިއިންޒާރު ދީފައިވަނީ، އިގިރޭސިވިލާތުގައި މިވެކްސިން އެންމެ ފުރަތަމައަށް ދިން މީހުންގެ ތެރޭގައި ހިމެނޭ ދެމީހެއްގެ ކިބައިން ފެންނަން ނުޖެހޭ ބާވަރުގެ ސީރިއަސް އަލާމާތަތްކެއް ފެނުމާއި ގުޅިގެންނެވެ.

އެއޭޖެންސީން ނެރުނު ބަޔާނެއްގައި ބުނެފައިވަނީ، ކޯވިޑް19 ވެކްސިން ދީގެން، އެގައުމުގެ ދެ ސިއްޙީއެހީތެރިއަކަށް އުދަގޫތަކެއް ކުރިމަތިވެފައިވާ ކަމަށާއި، އަދި މި ދެމީހުންނަކީވެސް، އެލާޖިކް ވުމުގެ ރިކޯޑް އޮތް ދެމީހުންކަމަށެވެ. އެހެންމަވެސް، ފަރުވާ ދިނުމަށްފަހު، މިހާރެ ދެމީހުންވެސް ރަގަޅުވެފައިވާ ކަމަށްވެސް މިބަޔާނުގައި ބުނެފައި ވެއެވެ.