މަޖިލިސް އިންތިހާބުގައި އަމިއްލަ ގޮތުން ވާދަކުރެއްވުމަށް ގިނަ ފަރާތްތަކުން އެދެމުން ދާނީ އެކަމާމެދު ވިސްނަމުންދާކަމުގައި މަރަދޫ ދާއިރާގެ މެންބަރު އިބްރާހިމް ޝަރީފު ވިދާޅުވެއްޖެއެވެ.
ޝަރީފް ކުރެއްވި އެކްސް ޕޯސްޓެއްގައި ވިދާޅުވީ ގިނަ ސަޕޯޓަރުން މަޖިލިސް އިންތުޚާބުގައި މިނިވަންކޮށް ވާދަކުރުމަށް އެދެމުންދާތީ އެކަމާއި ގުޅޭގޮތުން ޕީޕީއެމް/ޕީއެންސީގެ ލީޑަރޝިޕްގެ ބޭފުޅުންނާއި ވާހަކަދައްކަވަމުން ގެންދަވާ ކަމުގައެވެ.
އެހެންނަމަވެސް އޭގެ އިތުރު ތަތަފްސީލެއް ޝަރީފް ހާމަ ކުރައްވާފައެއް ނުވެއެވެ.
Independent candidate egge gothuga alhugandu vaadha kuran Dhaairaa ga thibi alhugandu ge varah gina supporters edhemun dhaathee gotheh nimmumuge PNC adhi PPM leadership ge beyfulhunnaa adhi ithurah supporters aa ves mashwaraa kuraanan
— Ibrahim Shareef (@AdduShareef) January 5, 2024
ދާދިފަހުން ޝަރީފްވަނީ އެމްޑީޕީ ދޫކޮށް ވެރިކަންކުރާ ޕީއެންސީއާއި ގުޅިވަޑައިގެންފައެވެ. ޝަރީފް ޕީއެންސީއާއި ގުޅިވަޑައިގަތުމާއެކު މެލޭޝިއާގެ ހައިކޮމިޝަންގައި ޑެޕިއުޓީ ހައިކޮމިޝަނަރއެއްގެ ވަޒިފާގައި ހުންނެވި އޭނާގެ ދަރިފުޅުގެ ވަޒީފާގެ މުއްދަތު މިސަރުކާރުންވަނީ އިތުރު ކޮށްދީފައެވެ.
އެމްޑީޕީން ވަކިވުމުގެ ކުރިން ޝަރީފްވަނީ ކުރިޔަށް އޮތް މަޖިލިސް އިންތިޚާބުގައި ވާދަނުކުރާނެ ކަމަށާއި ސިޔާސީ ދާއިރާއިން ދުރަށް ވަޑައިގަނނަވަން ނިންމަވާފައިވާކަން އިއުލާން ކުރައްވާފައެވެ.
