މަޝްހޫރު އެކްޓްރެސް އާލިއާ ބަޓް ދާދިފަހުން ވަނީ އޭނާގެ ދެންއަންނަން އޮތް ފިލްމު "އާރް އާރް އާރް” ގެ ޝޫޓިންގއަކަށް ހައިދަރް އާބާދަށް ގޮސްފައެވެ. އަދި ވަރަށް އަވަހަށް ޝޫޓިން ނިންމާލާފައި ހޮނިހިރު ދުވަހު އެނބުރި މުމްބާއީއަށް އައިސްފައި ވެއެވެ. މުމްބާއީގެ އެއާޕޯޓުން އާލިޔާ ނުކުމެގެން ދަނިކޮށްވަނީ ފޮޓޯގްރާފަރުންނަށް ފެނިފައެވެ.
ހީވާ ގޮތުގައި ފިލްމުގެ ކްރޫއާ އާލިއާ ގުޅޭނީ އަދި ދުވަސްކޮޅެއް ފަހުންކަމަށް ރިޕޯޓުތައް ބުނެއެވެ. އެހެން ކަމުން މިދުވަސްކޮޅު އޭނާ އަދި ގެންދަނީ ރެސްޓް ކުރަމުންނެެވެ.
މުމްބާއީ ގެ މޫސުން ހޮނިހިރު ދުވަހު އޮތީ ކުޑަކޮށް ވިއްސާރަކޮށެވެ. އެހެން ކަމުން އާދީއްތަ ދުވަހުވެސް ފިނި މޫސުމުގައި ހެނދުނުގެ ހިތްގައިމު ފިނިކަމުން އާލިއާ ވަނީ ހިތްހަމަޖެހުން ހޯދާފައެވެ. ހިތްހަމަޖައްސާލުމަށް އޭނާ ހެނދުނުގެ ސައިތަށި ބޮއެފައިވަނީ ބެލްކަނީގަ އެވެ. އަދި ވަރަށް ހިތްގައިމު ފޮޓޯއެއްނަގައި އިސްޓާގުރާމު ސްޓޯރީގައި ވަނީ "ސަންޑޭ މޫޑް" ލިޔެފައި ޕޯސްޓްކޮށްފައެވެ.
މި ފޮޓޯ އިން އާލިޔާގެ ސައި ތައްޓާއި، ގޭގެ ބެލްކަނީގައި ހައްދާފައިވާ ގަސްތަކުގެ އިތުރުން ބަނަވެފައިވާ އުޑުމަތިވެސް ކުޑަކޮށްފެނިގެންދެއެވެ.
އާލިއާ މިހާރު މަސައްކަތް ކުރަމުންދަނީ އެސްއެސް ރާޖާމައުލީގެ "އާރް އާރް އާރް” މި ފިލްމުގައެވެ. ސައުތު އިންޑިއަން ޓެލަގޫ، މި ފިލްމުން އާލިޔާ ބަޓްގެ އިތުރުން އެންޓީ ރާމާ ރާއޯ އަދި ރާމް ޗަރަން ލީޑު ރޯލުން ފެނިގެންދާނެއެވެ.
މި ފިލްމުގެ އިތުރުން އަޔާން މުކަރްޖީގެ ފިލްމު "ބްރަމާސްޓްރާ" އިން އޭނާގެ ލޯބިވެރިޔާ ރަންބީރު ކަޕޫރާއި އަމީތާބް ބަޗަންއާއެކު ވެސް އާލިޔާ ފެނިގެންދާނެއެވެ.
މި ހުރިހާ ފިލްމެއްވެސް ބެލުންތެރިންނާ ހަމައަށް އަންނާނީ އަންނަ 2021 ވަނަ އަހަރުއެވެ. އެހެންކަމުން 2021 އަކީ އާލިއާއަށް ވަރަށް ބިޒީ އަހަރަކަށް ވެގެންދާނެއެވެ.
