ތ.ބުރުނީގެ 4 ނޯޓިކަލް މޭލު ބޭރުން ދަތުރުކުރަމުންދިޔަ "އެމްއާރުސްޕީޑް" ނަމަކަށް ކިޔާ ލޯންޗެއް ދިޔަވެ ގެއްލުންވުމުން އެމްއެންޑީއެފް ސެންޓްރަލް އޭރިއާ ކޮމާންޑް ކުޑަހުވަދޫ ޕޯސްޓްގެ ސިފައިން އެހީތެރިކަން ފޯރުކޮށްދީފައިވާކަމަށް އެމްއެންޑިއެފްއިން ބުނެފިއެވެ.
އެމްއެންޑީއެފްއިން ބުނެފައިވަނީ މި ހާދިސާގައި އެއްވެސް މީހަކަށް ގެއްލުމެއް ލިބިފައި ނުވާކަމުގައެވެ.
ތ.ބުރުނީގެ 4 ނޯޓިކަލް މޭލު ބޭރުން ދަތުރުކުރަމުންދިޔަ "އެމްއާރުސްޕީޑް" ނަމަކަށް ކިޔާ ލޯންޗަށް ދިޔަވެ ގެއްލުންވުމުން އެމްއެންޑީއެފް ސެންޓްރަލް އޭރިއާ ކޮމާންޑް ކުޑަހުވަދޫ ޕޯސްޓްގެ ސިފައިން އެހީތެރިކަން ފޯރުކޮށްދެމުން ދަނީ. މި ހާދިސާގައި އެއްވެސް މީހަކަށް ގެއްލުމެއް ލިބިފައެއް ނުވޭ. pic.twitter.com/BUf0T9ftRN
— Maldives National Defence Force (@MNDF_Official) January 1, 2024
އެމްއެންޑީއެފްއިން ބުނެފައިވަނީ "އެމްއާރުސްޕީޑް" ލޯންޗު މިހާރު ވަނީ ތ.ބުރުނީ އަށް ރައްކާތެރިކަމާއެކު ގެންދެވިފައިވާކަމުގައެވެ.
އިއްޔެއިން ފެށިގެން ރާއްޖޭގެ އެކި ހިސާބުތަކަށް ކުރަމުންދާ ވިއްސާރާގައި ކަނޑުމަތީގެ އެކިހާދިސާތައް ދަނީ ކުރިމަތިވަމުންނެވެ.
އެމްއެންޑީއެފް އަދި ފުލުހުންވެސް ވަނީ މިދުވަސްވަރު ކަނޑު ދަތުރުފަތުރު ކުރުމުގައި ސަމާލުވުމަށް އިލްތިމާސް ކޮށްފައެވެ.
ކޮމެންޓު ފޮނުވާ