ހުޅުމާލޭގެ މުނިސިޕަލް ޚިދުމަތްތައް މާދަމާއިން ފެށިގެން މާލެ ސިޓީ ކައުންސިލަށް ބަދަލު ކުރަން ނިންމާފައިވާކަމަށް ރައީސް މުއިއްޒު ވިދާޅުވެއްޖެއެވެ.
މިކަން ހާމަކޮށްފައިވަނީ ރައީސް މުއިއްޒު ދާދި ދެއްމެއަކު ކުރެއްވި އެކްސް ޕޯސްޓެއްގައެވެ.
ރައީސް އެކްސް ޕޯސްޓުގައި ވިދާޅުވެފައި ވަނީ، މަޖިލީހުގައި، ހުޅުމާލޭގެ މުނިސިޕަލް ޚިދުމަތްތައް، ޤާނޫނުގައި ވަރަށް ސާފުކޮށް ބަޔާންކޮށްފައިވާ ފަދައިން، 1 ޖަނަވަރީ 2024 އިން ފެށިގެން، މާލެ ސިޓީ ކައުންސިލަށް ބަދަލުކުރަން ވަޒީރުންގެ މަޖިލިހުން މިއަދު ނިންމާފައިވާ ކަމުގައެވެ.
މިއަދު އަޅުގަނޑުމެން ވަޒީރުންގެ މަޖިލީހުގައި، ހުޅުމާލޭގެ މުނިސިޕަލް ޚިދުމަތްތައް، ޤާނޫނުގައި ވަރަށް ސާފުކޮށް ބަޔާންކޮށްފައިވާ ފަދައިން، 1 ޖަނަވަރީ 2024 އިން ފެށިގެން، މާލެ ސިޓީ ކައުންސިލަށް ބަދަލުކުރަން ނިންމައިފިން. އޮފީސް، މެޝިނަރީ، އިކުއިޕްމަންޓް، މުނިސިޕަލް ބިން، މުވައްޒަފުން ފަދަ ތަންތަން ބަދަލުކުރުމުގެ މަސައްކަތް 1 މަސް ދުވަހުގެ ތެރޭގައި ނިމެނެ. އަދި ހުރިހާ މުވައްޒަފުންނަށް ވެސް މިހާރު ލިބެމުން އަންނަ އުޖޫރައާ އެއްވަރުގެ އުޖޫރައެއް 1 އަހަރު ވަންދެން ލިބޭނެ. އެކަމުގެ ތަފްސީލް ވަރަށް އަވަހަށް އިއުލާނު ކުރާނެ. މިއީ އަޅުގަނޑު އިންތިޚާބާ ދިމާކޮށް ވީ ވަޢުދެއް.
ރައީސް މުއިއްޒުގެ އެކްސް ޕޯސްޓުގައި ވިދާޅުވެފައި ވެއެވެ.
މާލޭ މުނިސިޕަލް ޚިދުމަތްތައް މާލޭ ސިޓީ ކައުންސިލަށް ބަދަލު ކުރުމާއެކު، އާރބަންކޯއިން ދެން ބަލަހައްޓާނީ ހުޅުމާލޭގެ ތަރައްގީއާއި ގުޅުންހުރި ކަންކަމެވެ.
