ރާއްޖެ އަށް މިހާރު ކުރަމުންދާ ވިއްސާރާގައި މިއަދުގެ މެންދުރު 1:30 އާ ހަމައަށް މޫސުމާ ބެހޭ އިދާރާ އިން ހުދު އެލާޓެއް ނެރެފި އެވެ.
މެޓް އޮފީހުން ބުނީ، މިއަދުގެ ހެނދުނު 7:30 އިން މެންދުރު 1:30 އާ ހަމައަށް މުޅި ރާއްޖެ އަށް ހުދު އެލާޓެއް ނެރެފައިވާ ކަމަށެވެ.
މޫސުމާބެހޭ އިދާރާއިން ބުނެފައިވަނީ މުޅި ރާއްޖެ އަށް ވެސް މެންދުރު 1:30 ވަންދެން ގުގުރާ ބޯކޮށް ވާރޭ ވެހޭނެކަމުގައެވެ. އަދި ވިލާގަނޑުގައި ގަޑިއަކު 40 މޭލަށް ވައިގަދަވާނެ ކަމަށް މެޓުން އޮފީހުން ލަފާކޮށްފައި ވެއެވެ.
މި ދުވަސްވަރަކީ ޚާއްސަކޮށް ރާއްޖޭގެ ދެކުނަށް ވަރަށްބޮޑަށް ވިއްސާކުރަމުންދާ ދުވަސްވަރެކެވެ.
