ރައީސުލްޖުމްހޫރިއްޔާ ޑރ. މުޙައްމަދު މުޢިއްޒަށް އަދި އެއް ދައުރަށް އިންތިޚާބުކުރައްވަން ބޭނުންފުޅުވާކަމަށް މަރަދޫ ދާއިރާގެ މެންބަރު އިބްރާހީމް ޝަރީފް ވިދާޅުވެއްޖެއެވެ. ވެރިކަންކުރާ ޕާޓީ، ކޮންގްރެސް ޕާޓީއާއި ގުޅިވަޑައިގެން ވާހަކަފުޅު ދައްވަމުން އިބްރާހީމް ޝަރީފް (މަވޯޓާ9 ވިދާޅުވީ މިދިޔަ ރިޔާސީ އިންތިޚާބުގައި އެމަނިކުފާނު ހުންނެވީ އޭރުގެ ރައީސް އިބްރާހީމް މުޙައްމަދު ޞާލިޙްގެ ފަހަތްޕުޅުގައިކަމަށެވެ.
ރައީސް ޞާލިޙް އިންތިޚާބުކުރުމަށް ފޫގަޅައިގެން މަސައްކަތްކުރެއްވިކަން ފާހަގަކުރައްވަމުން ޝަރީފް ވިދާޅުވީ އޭރުވެސް ހިތުގައި ނުތަނަވަސްކަމެއް އޮތްކަމަށެވެ. އެއީ ރައީސް ޞާލިޙްގެ ފަހަތްޕުޅުގައި ހުންނެވިނަމަވެސް، އޭރުވެސް ހިތުގައި އުފެދުނު ސުވާލަކީ އެމަނިކުފާނަށް ހުންނެވެނީ އެންމެ ރަނގަޅު ފަޅީގައިކަންކަމަށެވެ.
ރައީސް ޞާލީޙާ އެކު އޭރު ހުންނަވައި އެމަނިކުފާނު އިންތިޚާބުކުރަން ފޫގަޅައިލާގެން ހުންނެވީ، ގޮތް ދޫނުކުރަންވެގެންކަމަށްވެސް ޝަރީފް ވިދާޅުވިއެވެ.
ޝަރީފް ވިދާޅުވީ ޤައުމު ޙާލަތު ބަދަލުކުރެވޭނީ މިހާރުގެ ރައީސް ޑރ. މުޙައްމަދު މުޢިއްޒަށްކަމަށެވެ. ޤައުމުގެ ދަރަނި ހަމަމަގަށް އެޅުވޭނީވެސް އެމަނިކުފާނަށްކަމަށާއި، އެއީ ދުރު ވިސްނެވޭ ބޭފުޅެއްކަމަށްވެސް ޝަރީފް ވިދާޅުވިއެވެ.
ޝަރީފް ވިދާޅުވީ ކޮންގްރެސް ޕާޓީއާއި ގުޅިވަޑައިގަތީ ޤައުމުގެ ހައްގުގައި އަދި އެދާއިރާގެ ރައްޔިތުންގެ ހައްގުގައިކަމަށެވެ. މިއީ ޤައުމީ ފަޅިކަމަށްވެސް ޝަރީފް ވިދާޅުވިއެވެ.
ކޮމެންޓު ފޮނުވާ