ރައްޔިތުންގެ ތަނަވަސް އަޣްލަބިއްޔަތުން ރައީސް ޑރ. މުޢިއްޒަށް ދެއްވުމުންވެސް އެމްޑީޕީން އެކަމަށް އިޙްތިރާމް ނުކުރާކަމަށާއި، އެޕާޓީ ދަނީ ލާހޫރެމުންކަމަށް އެމްޑީޕީގައި އިސްކޮށް ހުންނެވުމަށްފަހު ވެރިކަންކުރާ ޕީއެންސީއާއި މިރޭ ގުޅިވަޑައިގެންނެވި މަރަދޫ ދާއިރާގެ މެންބަރު އިބްރާހީމް ޝަރީފް (މަވޯޓާ) ވިދާޅުވެއްޖެއެވެ. އޭނާ މިހެން ވިދާޅުވީ ޕީއެންސީއާ ގުޅިވަޑައިގެން ދަރުބާރުގޭގައި ބޭއްވި ފެށުން ޖަލްސާގައި ވާހަކަފުޅު ދައްޖަވަމުންނެވެ.
ރައީސް ޑރ. މުޢިއްޒު ބައިވެރިވެވަޑައިގެންނެވި ޖަލްސާގައި ވާހަކަފުޅު ދައްވަމުން ޝަރީފް ވިދާޅުވީ، ޚިޔާލު ބަދަލުވީކަމަށް ބައެއް މީހުން ސުވާލުކުރައްވާކަމަށާއި، ނަމަވެސް ފިކުރެއް ބަދަލުނުވާކަމަށެވެ. އެމަނިކުފާނުގެ ފިކުރަކީ ޤައުމީ ފިކުރުކަމަށާއި، މީގެ 40 އަހަރު ކުރިން ނިކުންނެވީ ޤައުމު އިސްލާހުކުރެއްވުމަށް ޤައުމައިގެންކަމަށް ޝަރީފް ވިދާޅުވިއެވެ.
ހުންނެވީ ކުރިން ޕީއެންސީއާ ގުޅިވަޑައިގަތުމަށް ނޫންކަމަށާއި، ކުރިން ނިންމީ ސަރުކާރު ޒިންމާދާރުކުރުވުމަށްކަމަށެވެ. ނަމަވެސް އެ ފުރުޞަތު ނުލިބުނުކަމަށް ޝަރީފް ވިދާޅުވިއެވެ. މީގެ އެތައް އަހަރެއް ކުރިން ނިކުންނެވީ ޤައުމު އިސްލާހުކުރުމަށްކަމަށާއި، ޤައުމަށްޓަކައި ކުރާ މަސައްކަތަށް ފަހަތަށް ނުޖެހޭނެކަމަށް ޝަރީފް ވިދާޅުވިއެވެ.
ތަކުރާރުކޮށް އެމްޑީޕީގައި ދެންނެވީ ރައްޔިތުންގެ ތަނަވަސް އަޣްލަބިއްޔަށް ބޯލަނބާ އިހްތިރާމްކުރުމަށްކަމަށެވެ. ރައީސް ރުހުން ހޯދަން މަޖިލީހަށް ފޮނުވި ނަންތަކުގައި ރުހުންދޭން ނުފެންނަ ނަމަށް ނުދީ ދެން ތިއްބެވި ބޭފުޅުންނަށް ރުހުންދޭން އެމްޑީޕީގެ އިސް ބޭފުޅުންނަށް ދެންނެވިކަމަށް ޝަރީފް ވިދާޅުވިއެވެ. ނަމަވެސް އެ އަމާޒު ލާހޫރެން ފެށީކަމަށް ޝަރީފް ވިދާޅުވިއެވެ.
ރައީސާ ނައިބު ރައީސް އަޒުލް ކުރަން ފާސްކުރި އިސްލާހަކީ ޤައުމަށް ގައްދާރުވުންކަމަށް ޝަރީފް ސިފަކުރެއްވިއެވެ.
މިޤައުމު ހަލަބޮލިކަމަށް ވެއްޓެން ބޭނުން ނޫންކަމަށް ޝަރީފް ވިދާޅުވިއެވެ. ޤައުމެއް ތަރައްޤީވާނީ ޤައުމުގައި އަމާންކަމާ ސުލްހަމަސަލަސްކަން އޮވެގެންކަމަށް ޝަރީފް ވިދާޅުވިއެވެ. މިހާތަނަށްވެސް އިސްކުރީ ޤައުމީ މަސްލަހަތުކަމަށާއި، ދެންވެސް އިސްކުރައްވާނީ ޤައުމީ މަސްލަހަތުކަމަށް ޝަރީފް ވިދާޅުވިއެވެ.
އިހްސާސްވީ އެނބުރި ގެއަށް އާދެވުނީކަމަށް ޝަރީފް ވިދާޅުވިއެވެ. ޕީޕީއެމް ޕީއެންސީއަކީ ޑީއަރުޕީގެ އުފަން ދަރިންކަމަށާއި، އެމަނިކުފާނު ގިނަ އަހަރުތަކެއް ވަންދެން ޑީއާރުޕީގެ ޑެޕިއުޓީ ލީޑަރުކަން ކުރެއްވިކަން ފާހަގަކުރެއްވިއެވެ.
ރައީސް ޞާލިޙް ހޮވަން ފޫގަޅައިގެން ހުންނެވިނަމަވެސް ރަނގަޅު ފަޅީގައި ހުންނެވިކަމުގެ ސުވާލު އޭރުވެސް ހިތާހިތާ ކުރެވުނުކަމަށެވެ. ނަމަވެސް ގޮތްދޫ ނުކޮށް ހުންނެވީކަމށެވެ.
ރައީސް މުޢީއްޒަކީ ވިޒަނަރީ ލީޑަރެއްކަމށާއި، ރައްޔިތުންގެ މުސްތަޤްބަލު އުޖާލާކުރައްވާނެ ލީޑަރެއްކަމަށެވެ. ޤައުމުގެ މުސްތަޤްބަލު ހަލާކުވެދާނތީ ރައްޔިތުންނާއި ދާއިރާގެ ހައްގުގައި ގުޅިވަޑައިގަތީކަމަށް ޝަރީފް ވިދާޅުވިއެވެ.
ޤައުމުގެ އިޤްތީޞާދީ ގޮންޖެހުމާ ދަރަނި ހަމަ މަގަށް އަޅުވާނެ ލީޑަރަކަށް ޑރ. މުޢިއްޒު ވެވަޑައިގަންނަވާނެކަމަށެވެ.
One Response
އެހެން ޕާޓީއަކަށް ވެރިކަން ބަދަލުވާއިރައް ދާނެ އެޕާޓީއަކަށް ގޮސް ބުނާނެ ހީޥަނީ އަމިއްލަ އަމާ ކައިރިއަށް ވަދެވުނުހެނޭ