ދެ ރަށަކާއި ތިން އަތޮޅެއްގެ ބައި އިލެކްޝަން އަންނަ ފެބްރުއަރީމަހު ބޭއްވުމަށް ހަމަޖައްސާފައިވާކަމަށް އިލެކްޝަންސް ކޮމިޝަނުން ބުނެފިއެވެ.
އިލެކްޝަންސް ކޮމިޝަނުން ކުރި އިއުލާނުގައި ބުނެފައި ވަނީ ކ. އަތޮޅު ކައުންސިލްގެ ރައީސާއި، ފ. އަތޮޅު ކައުންސިލްގެ ރައީސާއި އަދި ވ. ފެލިދޫ ކައުންސިލްގެ ރައީސްގެ އިތުރުން، ށ. މަރޮށީ ކައުންސިލްގެ މެންބަރުކަމާއި ގދ. ފަރެސްމާތޮޑާ ކައުންސިލްގެ މެންބަރު ކަމުގެ މަގާމަށް ބޭފުޅުން އައްޔަން ކުރުމަށް ބާއްވާ ބައި އިލެކްޝަން ބާއްވަން ފެބްރުއަރީ 10 ވަނަ ދުވަހު ބާއްވަން ނިންމާފައިވާ ކަމަށެވެ.
މި މަގާމުތަކަށް ކުރިމަތިލުމަށް އެދޭ މީހުންނަށް އެ ފުރުސަތު، އިއްޔެއިން ފެށިގެންޖަނަވަރީ 10 ވާ ބުދަ ދުވަހުގެ 14:00 ގެ ނިޔަލަށް ހުޅުވާލެވިފައިވާކަމަށްވެސް އީސީން ބުނެފައި ވެއެވެ.
ބައެއް ކައުންސިލްތަކުން މަގާމްތައް ހުސްވަމުން ދަނީ، އެ މަގާމްތަކުގައި ތިއްބެވި ބައެއް ފަރާތްތަކުން ސަރުކާރުގެ އިސް މަގާމްތަކަށް ވަޑައިގަތުމުންކަން ފާހަގަ ކޮށްލެވެއެވެ.
