ކާބޯތަކެތީގެ ރައްކާތެރިކަމާ މެދު ރައްޔިތުން ހޭލުންތެރިކަން ކުރުމަށް ހިންގާ ޚާއްސަ ކެމްޕޭން "މުކައްބަ" ޕްރޮގްރާމް، މޯލްޑިވްސް ފުޑް އެންޑް ޑްރަގް އޮތޯރިޓީ (އެމްއެފްޑީއޭ) އިން އިފްތިތާހްކޮށްފިއެވެ.
މި ރަސްމިއްޔާތު ޝަރަފްކޮށްދެއްވީ، ހެލްތު މިނިސްޓަރ ޑރ. އަބްދުﷲ ޚަލީލެވެ. މި ރަސްމިއްޔާތުގައި ފަސްޓްލޭޑީ ސާޖިދާ މުހައްމަދުވެސް ބައިވެރިވަަޑައިގެންނެވިއެވެ.
މިޕެއިނަކީ ކާބޯތަކެތީގެ ރައްކާތެރިކަމުގެ މިންގަނޑުތައް ރާއްޖޭގެ އެކި ކަންކޮޅުތަކުގައި ހަރުދަނާ ކުރުމަށްޓަކައި ފެށޭ މުހިންމު ޕްރޮގްރާމެއް ކަމުގައި އެމްއެފްޑީއޭ އިން ބުނެފައި ވެއެވެ
އެމްއެފްޑީއޭއިން ވަނީ، މި ކެމްޕޭން މެދުވެރިކޮށް ކާބޯތަކެތީގެ ރައްކާތެރިކަމަށް ހޭލުންތެރިކަން އިތުރުކުރުމަށް ކޮންމެ ގޭބިސީއެއްގައި ވެސް ކާބޯތަކެތީގެ ރައްކާތެރިކަމުގެ ސަގާފަތެއް އުފައްދަން މަސައްކަތް ކުރުމަށް އިލްތިމާސްކޮށްފައެވެ.
މި ރަސްމިއްޔާތުގައި ވާހަކަ ދައްކަވަމުން އެމްއެފްޑީއޭގެ ޑެޕިއުޓީ ޑިރެކްޓާ ޖެނެރަލް ސަތީޝް މޫސާ ވަނީ މިފަދަ ސޯޝަލް މީޑިއާ ކެމްޕެއިންތަކުގެ މުހިންމު ކަމުގެ މައްޗަށް އަލިއަޅުއްވާލައްވައި، ވާހަކަ ދައްކަވާފައެވެ.
