ސަރުކާރު ހަރަދުުގައި ބޯންމެރޯ ޓްރާންސްޕްލާންޓް ހެދުމަށް ހަމަޖެހިފައިވާ އިތުރު ދެ ކުދިން ޖެނުއަރީ މަހު ފުރުވާލުމަށް ހަމަޖައްސައިފިއެވެ.
ހެލްތު މިނިސްޓްރީން ބުނެފައިވަނީ 01 ޖެނުއަރީ 2024 ގައި ބޯންމެރޯ ޓްރާސްޕްލާންޓް ހަދަން ރާއްޖެއިން ބޭރަށް އެކުދިން ފުރަން ހަމަޖެހިފައިވާ ކަމަށެވެ. ފުރުމަށް ހަމަޖެހިފައިވާ ދެ ކުދިންނާއި އެކުދިންގެ އާއިލާއާ ހެލްތު މިނިސްޓަރ ޑޮކްޓަރ އަބުދުﷲ ޚަލީލް މިއަދު ވަނީ ބައްދަލު ކުރައްވާފައެވެ.
ތެލަސީމިއާ ބައްޔަށް އޮތް ދާއިމީ ހައްލަކީބޯންމެރޯ ޓްރާންސްޕްލާންޓޭޝަން ހެދުން ކަމަށްވާއިރު، މި ފަރުވާ ހޯދުމުގައި ދިގު މުއްދަތަކަށް ޚާއްސަ ސަމާލުކަމެއްދީގެން ކުއްޖާ ބަލަހައްޓަންޖެހެއެވެ.
އެގޮތުން ހޮސްޕިޓަލުން ދެއްވާ އިރުޝާދުތަކަށް އެއްބާރުލުން ދެއްވާ، ބޯންމެރޯ ޓްރާންޕްލާންޓްކޮށް، ރާއްޖެ އައުމަށްފަހުގައިވެސް ޤަވާއިދުން ހަދަންޖެހޭ ޓެސްޓްތައް ހެދުމަށާއި، ޑޮކްޓަރަށް ދެއްކުމަށް މޯލްޑިވިއަން ބްލަޑް ސަރވިސް (އެމް.ބީ.އެސް) އިންވަނީ އިލްތިމާސްކޮށްފައެވެ.
ކޮމެންޓު ފޮނުވާ