ބޮލީވުޑްގެ އެފަދަ ދެވަނައެއް ނެތް ހުނަރުވެރި ދެ އެކްޓަރުން ކަމުގައިވާ ދީޕިކާ ޕަދުކޯން އާއި ރިތިކް ރޯޝަން ފެނިގެންދާ އަލަތު ފިލްމް "ފައިޓާ" ގެ އިތުރު ލަވައެއް ބެލުންތެރިން ނަށް ދޫކޮށްލަން ތައްޔާރު ވެއްޖެއެވެ.
މާދަމާ ބެލުންތެރިންނަށް ދޫކޮށްލާ ލަވަ އަކީ މި ފިލްމްގައި ހިމެނޭ ވަރަށް ރޮމޭންޓިކް އަދި އެހާމެ ހިތްގައިމު ލަވައެކެވެ. ލަވައިން ލީޑުން ދެތަރިން ކަމުގައިވާ ދީޕިކާ ޕަދުކޯން އާއި ރިތިކް ފެނިގެންދާއިރުގައި މިހާރު އަންނަނީ ސޯޝަލް މީޑީިއާގައި މީގެ ޓިޒާ ދައްކަމުންނެވެ.
މި ލަވަ އަކީ "އިޝްގް ޖެއިސާ ކުޗް" އެވެ. ލަވައިގެ ޓީޒާއެއް މިހާރު އާންމުކޮށްފައިވާ އިރު މި "އެގްޒޯޓިކް" ލަވަ އެއްކޮށް މާދަމާ އާންމުންނަށް ދޫކޮށްލާނެ އެވެ. ވިޝާލް-ޝޭކަރު މިއުޒިކަށް ލަވަ ކިޔާފައި ވަނީ ޝިލްޕާ ރާއޯ އާއި މެލޮ ޑީ އެވެ.
View this post on Instagram
"ފައިޓާ" އަކީ ބޮލީވުޑްގެ ފުރަތަމަ އޭރިއަލް އެކްޝަން ތުރިލާ އެވެ. މި ފިލްމްގެ ވާހަކަ ބިނާކޮށްފައި ވަނީ އިންޑިއާގެ ވައިގެ އަސްކަރީ އޮފިސަރުންގެ ގައުމީ ހިދުމަތަށެވެ. އެހެންވެ ފައިޓަރޖެޓްގެ ވަރަށް ގިނަ ހާދިސާތަކެއް މިފިލްމުން ފެނިގެންދާނެއެވެ.
މި އަހަރު ގެނެސްދިން ޝާހްރުކް ޚާންގެ ކާމިޔާބު ފިލްމް "ޕަތާން" ގެ ޑައިރެކްޓަރު ސިދާތު އާނަންދު ގެނެސްދޭ "ފައިޓާ" އަކީ އިންޑިއާގެ ވައިގެ އަސްކަރިއްޔާ އަށް ޓްރިބިއުޓެއްގެ ގޮތުގައި ގެނެސްދޭ އެއްޗެކެވެ.
ދީޕިކާ އާއި ރިތިކް ލީޑުން ފެނިގެންދާ މި ފިލްމުގެ މުހިންމު ރޯލަކުން އަނިލް ކަޕޫރު ވެސް ފެނިގެން ދާނެއެވެ. ފިލްމުގެ ވާހަކަ ލިޔެފައި ވަނީ ވެސް ސިދާތެވެ. ފިލްމު ގެނެސްދެނީ އޭނަގެ ފިލްމު ކުންފުނި މާފްލިކްސް ޕިކްޗާސް އާއި ވަޔަކޮމް 18 ގުޅިގެންނެވެ.
