ޖުމުހޫރީ ޕާޓީގެ ލީޑަރު ގާސިމް އިބުރާހިމް ރައީސުލްޖުމުހުރިއްޔާ ޑރ. މުހައްމަދު މުއިއްޒުއާއި ބައްދަލު ކުރައްވައިފިއެވެ. މި ބައްދަލުކުރެއްވުން އޮތީ ރައީސުލްޖުމްހޫރިއްޔާގެ އޮފީހުގައެވެ.
މި ބައްދަލު ކުރެއްވުމުގައި މަޝްވަރާ ކުރެއްވި ކަންކަމުގެ ތަފްސީލް އެއްވެސް ފަރާތަކުން އަދި ހާމަކޮށްފައެއް ނުވެއެވެ.
ގާސިމް މުއިއްޒުއާއި ބައްދަލުކުރައްވާފައި މިވަނީ، ކުރިޔަށް އޮތް ތައްޔިތުންގެ މަޖިލިހުގައި ވާދަކުރުމަށް ގާސިމްގެ ޖޭޕީން އެހެން ޕާޓީތަކާއި މަޝްވަރާ ކުރަމުންދާ ދަނޑިވަޅެއްގައެވެ.
އެގޮތުން ޖޭޕީން އައްޔަންކޮށްފައިވާ ޚާއްސަ ކޮމިޓީއަކުންވަނީ މީގެކުރިން ޕީއެންސީގެ އިސްޓީމަކާއި ބައްދަލުކޮށް، ދެޕާޓީން ގުޅިގެން މަޖިލިހަށް ވާދަކުރުމާއި ގުޅޭގޮތުން މަޝްވަރާ ކޮށްފައެވެ. އަދި ޖޭޕިންވަނީ އެމްޑީޕީއާވެސް މަޝްވަރާ ބައްދަލުވުންތައް ބާއްވާފަައެވެ.
One Response
މީ ނިކަން ބޯހުރި ހިޔަޅެކެވެ. މިހާރު މިއުޅެނީ މީގެ ތެރެއަށް އުދުޅި ނުބޭނިގެންނެވެ. ހުރިހާ ދައުރެއްގައިވެސް ފޮނިކޮޅު ބޯލާނީ މީނައެވެ. ގޯސްކޮށް ކަމެއް ދާނަމަ، ގައިގޮޅު ގައިގާ ދުރެވެ. ހީވަނީ މިއުޅެނީ ބޮޑު ފަޅެއް ވިއްކާ ވާހަކައަށެވެ. ބައެއް ދަމާގަނެފައި ވިއްކާނުލިއްޔާ ވާ ރަގަޅެވެ.