އަޖޭ ދޭވްގަންގެ ކުރިއަށް އޮތް ފިލްމް މޭޑޭގެ ޝޫޓިންގ ފަށައިފިއެވެ.
ދުވަސް ތަކަކަށް ފަހު ސުޕަސްޓަރ އަމީތާބު ބައްޗަން އާއެކު އަޖޭ ސްކްރީން ހިއްސާ ކުރާނެ މި ފިލްމުގައި އަޖޭ އާއެކު 2018 ވަނަ އަހަރުގެ ފިލްމު "ދޭދޭ ޕިޔާރްދޭ" އިން ފެނިގެން ދިޔަ ތަރި ރަކުލް ޕްރީތު ވެސް މުހިންމު ރޯލަކުން ފެންނާނެއެވެ. ބައެއް ޚަބަރުތަށް ބުނާ ގޮތުން ރަކުލް މި ފިލްމުގައި ފެންނާނީ ޕައިލެޓެއްގެ ގޮތުގައެވެ. އަދި އަޖޭވެސް ފިލްމުގައި ފެންނާނި ޕައިލެޓެއްގެ ރޯލުންނެވެ. ނަމަވެސް އަމީތާބުގެ ރޯލު އަދި ވަނީ ހާމަ ނުކޮށެވެ.
އަޖޭ އަމީތާބާއެކު އެންމެ ފަހުން ފެނުނީ މީގެ 7 އަހަރު ކުރިން "ސައްތިޔަގަރަހާ" އިންނެވެ. 7 އަހަރު ފަހުން އަމީތާބާއެކު މަސައްކަތެއްގައި އަޖޭ ޝާމިލް ވާއިރު މި ފިލްމުގައި އަމީތާބުގެ ބައެއް މަންޒަރުތަށް ޑައިރެކްޓް ކުރުމަށް ވެސް ހަފަޖެހިފައި ވަނީ އަޖޭއެވެ. އެހެންކަމުން އަޖޭއަކީ ފިލްމުގެ ލީޑް އެކްޓަރުގެ އިތުރުން ޕްރޮޑިއުސަރ އަދި ޑައިރެކްޓަރ ވެސް މެއެވެ.
Happy to officially begin MayDay? in a start-to-finish shooting schedule. Seek blessings from the Almighty and my parents. Nothing is complete without the support of all my fans, family and well-wishers.
Releases on 29th April 2022.@SrBachchan @Rakulpreet @KumarMangat pic.twitter.com/QNKBjtvOu7— Ajay Devgn (@ajaydevgn) December 11, 2020
ފިލްމުގެ އަންހެން ތަރި ރަކުލް ބުނީ، އަމީތާބާއެކު މަސައްކަތް ކޮށްލަން ލިބުމަކީ ފިލްމީ ތަރިއަކަށްވާން ބޭނުންވަ އެންމެންގެ ވެސް ހުވަފެނެއް ކަމަށާއި މިއަދު އޭނަގެ އެ ހުވަފެން ހަގީގަތަކަށް ވީކަމަށެވެ. މީގެ އިތުރުން 2 ވަނަ ފަހަރަށް އަޖޭ އާއެކު މަސައްކަތްކޮށްލަން ލިބޭއިރު ހަމައެކަނި ކޯ އެކްޓަރެއްގެ އިތުރުން އަޖޭގެ ޑައިރެކްޝަން ލިބުމަކީ ލިބޭ އުފަލެއް ކަމަށެވެ.
ފްލްމުގެ ޕްރޮޑަކްޝަން ޓީމުން ބުނީ އަމާޒަކީ ފިލްމުގެ ޝޫޓިންގ ހުއްޓާނުލާ ޖެނުއަރީގެ ނިޔަލަށް ކުރިއަށް ގެންދިއުން ކަމަށެވެ. ހައިދަރް އާބާދުގައި ކުރިއަށްގެންދާ ޝޫޓިންގއާ މިމަހުގެ މެދުތެރޭ ރަކުލް ގުޅޭނެ ކަމަށާއި އޭރުން މުޅި ޓީމު ހައިދަރް އާބާދަށް ހަމަވާނެ ކަމަށްވެސް ޕްރޮދަކްޝަން ޓީމުން ބުނެއެވެ.
ފިލްމު ސިނަމާއަނާނެ ކަމަށް އަޖޭ ބުނީ 2022 ވަނަ އަހަރުގެ އޭޕްރީލް މަހުގެ 29 ވަނަ ދުވަހުއެވެ.
