އަންނަ މަހު ރިލީޒްކުރަން ތައްޔާރުވަމުން އަންނަ ރިތިކް ރޯޝަނާއި ދީޕިކާ ޕަދްކޯންގެ ފިލްމު "ފައިޓާ" ގެ ފުރަތަމަ ލަވަ ދައްކައިލައިފިއެވެ.
ބޮލީވުޑްގެ އޭ ލިސްޓްުގެ ދެ ތަރިން އެކުގައި ފެނިގެންދާ ފުރަތަމަ ފިލްމްގެ ޓީޒާއެއް ވެސް ވަނީ މިފަހުން ދައްކައިލައިފައިއެވެ. މި ޓީޒާގައި ނޭވާ ހިފަހައްޓައިލަން ޖެހޭ ގިނަ މަންޒަރު ތަކެއް ވަނީ ހިމަނާފައިއެވެ.
View this post on Instagram
އެއަށް ފަހު މިއަދު މިވަނީ ފިލްމް ގެ ފުރަތަމަ ލަވަ ދައްކައިލައިފައިއެވެ. ވިދުން ގަދަ ސެޓެއްގައި ދެ ތަރިންގެ ވަރުގަދަ ނެށުންތަކެއް ފެނިގެންދާނެ މި ލަވައިގެ ނަމަކީ "ޝޭރު ކުލް ގައޭ" އެވެ. ވިޝާލް-ޝޭކަރު މިއުޒިކް ހަދާފައިވާ މި ލަވަ ކިޔާފައި ވަނީ ޝިލްޕާ ރާއޯ އާއި ބެނީ ދަޔާލް އެވެ. ލަވައިގެ ކޮރިއޯ ހަދާފައި ވަނީ ބޮސްކޯ-ސީޒާ އެވެ.
"ފައިޓާ" އަކީ ބޮލީވުޑްގެ ފުރަތަމަ އޭރިއަލް އެކްޝަން ތުރިލާ އެވެ. މި ފިލްމްގެ ވާހަކަ ބިނާކޮށްފައި ވަނީ އިންޑިއާގެ ވައިގެ އަސްކަރީ އޮފިސަރުންގެ ގައުމީ ހިދުމަތަށެވެ. އެހެންވެ ފައިޓަރޖެޓްގެ ވަރަށް ގިނަ ހާދިސާތަކެއް މިފިލްމުން ފެނިގެންދާނެއެވެ.
މި އަހަރު ގެނެސްދިން ޝާހްރުކް ޚާންގެ ކާމިޔާބު ފިލްމް "ޕަތާން" ގެ ޑައިރެކްޓަރު ސިދާތު އާނަންދު ގެނެސްދޭ "ފައިޓާ" އަކީ އިންޑިއާގެ ވައިގެ އަސްކަރިއްޔާ އަށް ޓްރިބިއުޓެއްގެ ގޮތުގައި ގެނެސްދޭ އެއްޗެކެވެ.
