މާލެއިން ފުރައިގެން އައްޑޫ ސިޓީއަށް ދަތުރުކުރަމުންދިޔަ "އާގަލާ ކުއީން" ނަމަކަށް ކިޔާ ބާޓެއްގެ އިންޖީނަށް މައްސަލަތަކެއް ދިމާވެ، ހާލުގައިޖެހި އެހީތެރިކަމަށް އެދުމުން އެމްއެންޑީއެފްއިން އެހީތެރިކަން ފޯރުކޮށް ދީފިއެވެ.
އެމްއެންޑިއެފްއިން ބުނެފައިވަނީ މިބޯޓުގައި ނުވަ ފަޅުވެރިން ތިބިކަމުގައެވެ. އަދި މާލެއިން ފުރައިގެން ސ.ހިތަދޫއަށް ދަތުރުކުރަމުން ދިޔަ މުދާ އުފުލާ މިބޯޓު، ލ.އިސްދޫ ކައިރިން ސްޓިއަރިންގ ފެއިލްވެގެން އެހީތެރިކަމަށް އެދުމުން އެމްއެންޑީއެފްގެ ސެންޓްރަލް އޭރިއާ ކޮމާންޑް، ކޯސްޓްގާޑް ތާޑް ސްކޮޑްރަންއިން އެ ބޯޓަށް އެހީތެރިކަން ފޯރުކޮށްދީފައިވާކަމުގައެވެ.
ނުވަ ފަޅުވެރިންނާއެކު މާލެއިން ފުރައިގެން ސ.ހިތަދޫއަށް ދަތުރުކުރަމުން ދިޔަ “އާގަލާ ކުއީން” ނަމަކަށް ކިޔާ މުދާ އުފުލާ ބޯޓެއް، ލ.އިސްދޫ ކައިރިން ސްޓިއަރިންގ ފެއިލްވެގެން އެހީތެރިކަމަށް އެދުމުން ސެންޓްރަލް އޭރިއާ ކޮމާންޑް، ކޯސްޓްގާޑް ތާޑް ސްކޮޑްރަންއިން އެހީތެރިކަން ފޯރުކޮށްދީފި. pic.twitter.com/Bd4Q4kPqmw
— Maldives National Defence Force (@MNDF_Official) December 8, 2023
ރާއްޖޭގެ މި ހަފްތާ ބަންދުގައި މޫސުން ގޯސްވެ ރީދޫ ސަމާލުވެސް ނެރެފައިވާއިރު ކަނޑުދަތުރުކުރުމުގައި ސަމާލުވުމަށްވެސް ވަނީ އިލްތިމާސްކޮށްފައެވެ.
އަދި ކަނޑުމަތީގައި އެއްވެސް މައްސަލައެއް ދިމާވެއްޖެނަމަ ވީހާ އަވަހަކަށް އެމްއެންޑީއެފްގެ އެހީތެރިކަމަށް އެދުމަށްވެސް ރަސްމީ އިދާރާތަކުން ވަނީ އިލްތިމާސް ކޮށްފައެވެ.
ކޮމެންޓު ފޮނުވާ