އެމްޑީޕީގެ ޕީޖީ ގުރޫޕާ ރައީސް ސާލިހު ބައްދަލު ކުރައްވައިފިއެވެ.
މި ބައްދަލު ކުރެއްވުމުގައި މަޝްވަރާ ކުރެވުނު ކަންކަމުގެ ތަފްސީލް އެޕްޑީޕީން ކުރި އެކްސް ޕޯޓުގައި ހާމަ ކޮށްފައެއް ނުވެއެވެ.
މި ބައްދަލުވުމުގައި ޕާޓީގެ ރައީސް ސޯލިހްގެ އިތުރުން ޕާޓީގެ ޗެއާޕާސަން ފައްޔާޒު އިސްމާއިލާއި ތަރުޖަމާނު އަނަސް އަބްދުލްސައްތާރު އިތުރުން ޕީޖީ ގްރޫޕްގެ ލީޑަރު އަލިފުށީ ދާއިރާގެ މެމްބަރު މުހައްމަދު ރަޝީދު ހުސައިން (ބިގޭ) ވެސް ބައިވެރިވެ ވަޑައިގެންފައިވެއެވެ.
އެމްޑީޕީގެ ވަގުތީ ރައީސަކަށް، ރައީސް ސޯލިހް އައްޔަން ކުރެވުނުފަހުން އެމަނިކުފާނު ގެންދަވަނީ އެމްޑީޕީގެ ކޮމިޓީތަކާއި ބައްދަލު ކުރައްވަމުންނެވެ. ރައީސް ސާލިހު އެމްޑީޕީގެ ވަގުތީ ރައީސަކަށް ހަމަޖައްސާފައިވަނީ ދާދިފަހުން އއ. އުކުޅަހުގައި ބޭއްވި އެޕާޓީގެ ގައުމީ މަޖިލިހުގެ ބައްދަލުވުމުގައެވެ.
ނިމިދިޔަ ރިޔާސީ އިންތިހާބުގައި ލިބުނު ބޮޑު ނާކާމީޔާބީއަށް ފަހު، އެމްޑީޕީ ވަރުގަދަ ސިޔާސީ ޕާޓީއެއްގެ ގޮތުގައި ނުކުތުމަށް އެ ޕާޓީން އަންނަނީ މަސައްކަތް ކުރަމުންނެވެ.
ކޮމެންޓު ފޮނުވާ