އަންނަ އަހަރުން ފެށިގެން ރާއްޖޭގެ ހުރިހާ ސްކޫލެއްގެ ހުރިހާ ސެޝަނެއްވެސް ގައުމީ ސަލާމުން ފަށަގޮތަށް ރައީސް މުއިއްޒު ހަމަޖައްސަވައިފިއެވެ.
މިކަން ހާމަކޮށްފައިވަނީ، މިއަދު ރައީސް އޮފީހުގައި ބޭއްވި ނޫސްވެރިންގެ ބައްދަލުވުމުގައި ރައީސް މުއިއްޒުއެވެ.
މިއަދުގެ ނޫސްވެރިންގެ ބައްދަލުވުމުގައި ރައީސް ވިދާޅުވީ މި ޑިސެމްބަރުގައި ސްކޫލްތައް ބަންދުވުމަށްފަހު އާ ޓާމަށް ފަށާއިރު، ހުރިހާ ސްކޫލެއްގެވެސް ދުވަހުގެ ސެޝަންތައް ފަށާނީ ގައުމީ ސަލާމުންކަމުގައެވެ.
އަޅުގަނޑުމެންގެ އެންމެ މުހިންމު އެއް ވައުދަކީ، ގައުމިއްޔަތު ދިރާވާ އާލާ ކުރުން، އެހެންވީމަ އެގޮތުން ތުއްތު ކުދިން، ސްކޫލް ކުދިން، ސްކޫލްތަކުގައި އަށަގަންނަ ގައުމީ ލަވަ ދެކެ، ގައުމީ ދިދަ ދެކެ ލޯބި ޖައްސާ އެ ކިޔޭ އެއްޗެއްގެ މާނަ ވިސްނި، އެއަށް ލޯބި ކުރުމަށް ހިތްޖެއްސުމަށްޓަކައި ކޮންމެ ދުވަހަކު، ކޮންމެ ސްކޫލެއްގައި ސްކޫލް ފަށާނީ ގައުމީ ސަލާން ކިޔައިގެން.
މިއަދު ނޫސްވެރިންގެ ބައްދަލުވުމުގައި ރައީސް ވިދާޅުވިއެވެ.
ރައީސް ވިދާޅުވީ ގައުމީ ސަލާމް ކިޔާނީ ކޮންމެ ސެޝަނެއްވެސް ފެށުމަށް ބާއްވާ އެސެމްބްލީގައި ކަމުގައެވެ.
ކޮމެންޓު ފޮނުވާ