މިސަރުކާރުގައި ބައެއް ކުންފުނިތައް ހިންގަން ހަވާލުކުރާނެ ބައެއް ބޭފުޅުން ކަށަވަރުވެއްޖެއެވެ.
މިހާތަނަށް ސަރުކާރު ހިއްސާވާ ކުންފުނިތަކުގެ ބޯޑަށް ބޭފުޅުން އައްޔަން ކުރެވިފައިނުވަނީ ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ)އަށް މެންބަރުން ހަމަނުވެގެންނެވެ. ނަމަވެސް ރައީސް ޑރ. މުޙައްމަދު މުޢިއްޒު މ ިހާރު ވަނީ ޕީސީބީއަށް މެންބަރުންއައްޔަންކުރައްވާފައެވެ. މިއާއެކު ލަސްތަކެއް ނުވެ ސަރުކާރު ހިއްސާވާ ކުންފުނިތަކުގެ ބޯޑުތަކަށް ބޭފުޅުން އައްޔަންކުރައްވަން ފަށްޓަވާނެކަމަށް ސަރުކާރުން ހާމަކޮށްފައިވެއެވެ.
އެނގިފައިވާގޮތުގައި ރީޖަނަލް އެއަރޕޯޓްސް ކޮމްޕެނީއާއި، އާބަންކޯ އަދި ޕީއެސްއެމަށް އައްޔަންކުރާނެ ވެރިން ކަނޑައަޅާ މިހާރު ކުރިއަށްދަނީ ކުރަންޖެހޭ އިދާރީ މަސައްކަތްތަކެވެ.
މިގޮތުން ރީޖަނަލް އެއަރޕޯޓްސް ކޮމްޕެނީއަށް އައްޔަންކުރަނީ 18 ވަނަ ރައްޔިތުންގެ މަޖިލީހުގައި ބިލެތްދޫ ދާއިރާ ތަމްސީލްކުރެއްވި މެންބަރު އަޙްމަދު މުބީނެވެ. އާބަންކޯއަށް އައްޔަންކުރައްވަނީ މިހާރުގެ ފެލިދޫ ދާއިރާގެ ޕީއެންސީ މެންބަރު އަދި ރައީސް ޔާމީންގެ ދައުރުގައި އެމްޑަބްލިއުއެސްސީގެ މެނޖިންގ ޑިރެކްޓަރ އިބްރާހީމް ފަޟުލް ރަޝީދެވެ. އަދި ދައުލަތުގެ މީޑިއާ ޕީއެސްއެމްގެ މެނޭޖިންގ ޑިރެކްޓަރަކަށް އައްޔަންކުރަން ނިންމާފައިވަނީ ނޫސްވެރިޔާ ޒީނާ ޒާހިރެވެ. އޭނާ ވަނީ މޯލްޑިވްސް ބްރޯޑްކާސްޓިން ކޮމިޝަންގެ މެންބަރުންކަންވެސް ކުރިން ކުރައްވާފައެވެ.
މީގެ އިތުރުން އެހެން ކުންފުނިތަކުގެ ބޯޑަށްވެސް ބޭފުޅުން އައްޔަންކުރުން ކުރިއަށްދާކަމަށް ސަރުކާރުން ބުނެފައިވެއެވެ.
