ރައީސް އުފައްދަވާ އާ ސިޔާސީ ޕާޓީ އުފެއްދުމަށް އެންމެ އިސްކޮށް ހަރަކާތްތެރިވަމުންދާ ކުރީގެ ނާއިބު ރައީސް ޑރ. ޖަމީލްއާއި ކުރީގެ މިނިސްޓަރު މަލީހުއައި ދެމީހުންނަކީވެސް ސިޔާސީ މަސްރަހުގައި ލާހޫރޭ ދެމީހުން ކަމަށާއި، އެ ދެބޭފުޅުން ނޫޅުއްވާ ސިޔާސީ ޕާޓީއެެއް ރާއްޖޭގައޮ ނެތްކަމަށް، ރައީސް މުއިއްޒުގެ ޚާއްސަ މުޝީރު އަބުދުއްރަހީމް ވިދާޅުވެއްޖެއެވެ.
އަބުދުއްރަހީމް މިހެން ވިދާޅުވީ ރޭ ސަންގު ޓީވީގައި ވާހަކަ ދައްކަވަމުންނެވެ.
ރައީސް ޔާމިނާއި ޕީޕީއެމް/ޕީއެންސީގެ ލީޑަރޝިޕާއިދެމެދު އޮތް މައްސަލަތަކުގެ ތަފްސީލުތައް ހާމަކޮށް ދެއްވުމަށް ރޭ ސަންގު ޓީވީގައި އޮތް ޕްރޮގްރާމެއްގައި ވާހަކަ ދައްކަވަމުން އަބުދުއްރަހީމް ވިދާޅުވީ ޑރ. ޖަމީލުއަކީ އަބަދުވެސް މޮޅުވާ ކޮޅުގައި ހުންނަވަން ބޭނުންވާ މީހެއް ކަމުގައެވެ.
އަދި އަބުދުއްރަހީމް ވިދާޅުވީ ރައީސް ޔާމިންގެ ވެރިކަމުގައި ޖަމީލް މަސައްކަތް ކުރެއްވީ ބަޢާވާތް ކުރުމަށް ކަމުގައެވެ.
ހަގީގަތުގަ ރައީސް ޔާމިންގެ ސަރުކާރާ ދެކޮޅަށް އެންމެ ފުރަތަމަ ނުކުތް މީހަކީ ޑރ. ޖަމީލު. ތިބޭފުޅުންނަށް އެނގިވަޑައިގަންނަވާނެ ރާއްޖެއިން ބޭރުގަ އިނގިރޭސިވިލާތުގަ ހުންނަވައިގެން ހެއްދެވި ޔުނައިޓެޑް އޮޕޮޒިޝަން އުފައްދަވައިގެން އޭގެ ލީޑަރަކީ ކާކުތޯ؟ ޑރ. ޖަމީލް. މިއަދު ރައީސް ޔާމިން ވަރުގެ އިޚްލާސްތެރި، ރައީސް ޔާމިންވަރުގެ ތެދުވެރި، ރައީސް ޔާމިންވަރުގެ ޚިދުމަތްތެރި ލީޑަރަކު ނެތޭ ވިދާޅުވާ ބޭފުޅަކު އެދުވަހު ކީކޭތޯ ވިދާޅުވީ؟ ބާރު ސްޕީޑުގަ ރައީސް ޔާމިން ދިވެހި ގައުމަށް ގެންނެވީ ކޮރަޕްޝަނާއި ފަސާދައޭ. ވައްކަމޭ. ޚިޔާނާތޭ. މިއީ ނޫންތޯ ދެއްކެވި ވާހަކައަކީ!
ޖަމީލް ރައީސް ޔާމިނަށް ނިސްބަތްކޮށް ދައްކަވާފައިވާ ވާހަކަތަކަށް އިޝާރާތް ކުރައްވަމުން އަބުދުއްރަހީމް ވިދާޅުވިއެވެ.
އަބުދުއްރަހީމް އިތުރަށް ވިދާޅުވީ ރައީސް ޔާމިންއާއި ދެކޮޅަށް ދެން އެންމެ ގިނައިން ވާހަކަ ދެއްކެވި ބޭފުޅަކީ މަލީހު ކަމުގައެވެ.
ކީކޭތޯ މަލީހު ވިދާޅުވީ؟ 2018ގެ އިންތިޚާބު ކާމިޔާބު ވީމަ ކީކޭތޯ ވިދާޅުވީ؟ ތިމަންނަމެން ނިކުތީ ޕީޕީއެމްއާ ދެކޮޅަކަށް ނޫނޭ. ޕީޕީއެމް ބަލިކުރާކަށް ނޫނޭ. ރައީސް ޔާމިން ބަލިކުރާށޭ ނިކުތީ. މިއީ ނޫންތޯ ވިދާޅުވި ވާހަކައަކީ.
އަބުދުއްރަހީމް ވިދާޅުވިއެވެ.
އަބުދުއްރަހީމް ވިދާޅުވީ ކުރީ ސަރުކާރުން ރައީސް ޔާމިން ޖަލަށް ލުމުން، ރައީސް ޔާމިން ހިމާޔަތުގައި ޕީޕީއެމްއިން މަސައްކަތް ކުރިއިރުވެސް ރައީސް ޔާމިންއަކީ އަނިޔާވެރިއެއްކަމަށް ބުނެ، އެވާހަކަތައް އޭރުވެސް އެންމެ ބޮޑަށް ދެއްކެވީ ކުރީ ސަރުކާރުގެ ވަޒީރުކަމުގައި ހުންނަވައިގެން މަލީހު ކަމުގައެވެ.
އަބުދުއްރަހީމް ވިދާޅުވީ ރައްޔިތުން އެމީހުންނަށް އިތުބާރު ނުކުރާނެ ކަމަށާއި، މަލީހުއާއި ޖަމީލުއާއި ދެމީހުންނަކީ ރާއްޖޭގެ ސިޔާސީ މަސްރަހުގައި ލާހޫރޭ ދެމީހުން ކަމުގައެވެ.
ދެން ކިހިނެއްތޯ މިމީހުނަށް ރައްޔިތުން އިތުބާރު ކުރާނީ؟ މިރާއްޖޭގަ އެބައޮތްތޯ މިމީހުން ނޫޅޭ ޕާޓީއެއް؟ މިހަކަލަ ދެކޮޅު ދިމާނުވާ ކަންތައް ކޮށްފަ ތިބޭ މީހުން ދެން އަރާ އެހެންމީހުންނަށް ފާޑުކީމަ ރައްޔިތުންގެ ގާތަށް އަންނާނީ ހިނި. އެހެންވީމަ އަޅުގަޑު މި ދެންނެވީ އަޅުގަޑު ގަބޫލެއް ނުކުރަމޭ ޖަމީލާ މަލީހާ ދެމީހުން ދައްކާ ވާހަކައައް އަޅުގަޑުމެން ރައްދު ދޭން ޖެހޭނެކަމަށް. އެއީ ދިވެހިރާއްޖޭގެ ސިޔާސީ މައިދާނުގަ ލާހޫރޭ ދެމީހުން އެއީ. އޭގެ އެންމެ ރަގަޅު ބަހަކަށް ވާނީ އެއީ. މަލީހުވެސް ޖަމީލުވެސް އެއީ ދިވެހިރާއްޖޭގެ ސިޔާސީ މައިދާނުގައި ލާހޫރޭ މީހުން.
އަބުދުއްރަހީމް ވިދާޅުވިއެވެ.
އޭގެ އިތުރުން ޕީޕީއެމްގެ އެތެރޭގައި ބަޢާވާތެއް ގެނެސްފައިވާކަމަށް ވިދާޅުވެ ޖަމީލް ދައްކަވާފައިވާ ވާހަކަތަކަށްވެސް ރޭގެ ޕްރޮގްރާމްގައި ވާހަކަ ދައްކަވަމުން، އަބުދުއްރަހީމް ވަނީ ޖަވާބު ދެއްވާފައެވެ.
އަބުދުއްރަހީމް ވިދާޅުވީ ރައީސް ޔާމިން ޖަލުގައި އޮންނެވިއިރު، ޖަމީލް ޖަލުން ގެނެސްދިން ނޯޓުގައި، އެމަނިކުފާނަށް ދެމުންދަނީ އަނިޔާކަމުގައި ގަބޫލުކުރާނަމަ އިންތިޚާބު ބޮއިކޮޓް ކުރުމަށް ރައީސް ޔާމިން އެދިވަޑައިގެންނެވި ކަމަށެވެ.
އެހެންނަމަވެސް އެ ނޯޓާއި ގުޅޭގޮތުން މަޝްވަރާ ކުރެވުނު ބައްދަލުވުމުގައި ގޮތް ނިމިގެން ދިޔައީ އެ ބައްދަލުވުމުގައި ބައިވެރިވި ޖޮއިންޓް ސެނެޓްގެ މެމްބަރުންގެ ވޯޓަކުން ކަމުގައި އަބުދުއްރަހީމް ވިދާޅުވިއެވެ. އަބުދުއްރަހީމް ވިދާޅުވީ އެ ބައްދަލުވުމުގެ ރިޔާސަތު ބެލެހެއްޓުމަކީ އޭނާ އަބަދުވެސް ފަޚުރުވެރިވާނެ ކަމެއް ކަމަށާއި، ޕީޕީއެމް ޕީއެންސީން އެއްވެސް ހާލަތެއްގައި ބަޢާވާތެއް ގެނެސްފައި ނޯންނާނެ ކަމުގައެވެ.
މި ޕްރޮގްރާމްގައި ވާހަކަ ދައްކަވަމުން އަބުދުއްރަހީމް ވިދާޅުވީ ޑރ. ޖަމީލުއަކީ އަބަދުވެސް މޮޅުވާ ކޮޅުގައި ހުންނަވަން ބޭނުންވާ މީހެއް ކަމުގައެވެ. އަބުދުއްރަހީމް ވިދާޅުވީ ރައީސް ޔާމިންގެ ވެރިކަމުގައި ޖަމީލް މަސައްކަތް ކުރެއްވީ ބަޢާވާތް ކުރުމަށް ކަމުގައެވެ.
ހަގީގަތުގަ ރައީސް ޔާމިންގެ ސަރުކާރާ ދެކޮޅަށް އެންމެ ފުރަތަމަ ނުކުތް މީހަކީ ޑރ. ޖަމީލު. ތިބޭފުޅުންނަށް އެނގިވަޑައިގަންނަވާނެ ރާއްޖެއިން ބޭރުގަ އިނގިރޭސިވިލާތުގަ ހުންނަވައިގެން ހެއްދެވި ޔުނައިޓެޑް އޮޕޮޒިޝަން އުފައްދަވައިގެން އޭގެ ލީޑަރަކީ ކާކުތޯ؟ ޑރ. ޖަމީލް. މިއަދު ރައީސް ޔާމިން ވަރުގެ އިޚްލާސްތެރި، ރައީސް ޔާމިންވަރުގެ ތެދުވެރި، ރައީސް ޔާމިންވަރުގެ ޚިދުމަތްތެރި ލީޑަރަކު ނެތޭ ވިދާޅުވާ ބޭފުޅަކު އެދުވަހު ކީކޭތޯ ވިދާޅުވީ؟ ބާރު ސްޕީޑުގަ ރައީސް ޔާމިން ދިވެހި ގައުމަށް ގެންނެވީ ކޮރަޕްޝަނާއި ފަސާދައޭ. ވައްކަމޭ. ޚިޔާނާތޭ. މިއީ ނޫންތޯ ދެއްކެވި ވާހަކައަކީ!
ޖަމީލް ރައީސް ޔާމިނަށް ނިސްބަތްކޮށް ދައްކަވާފައިވާ ވާހަކަތަކަށް އިޝާރާތް ކުރައްވަމުން އަބުދުއްރަހީމް ވިދާޅުވިއެވެ.
