ޖެންޑާ މިނިސްޓްރީގެ "ގެވެށި ގުޅުން" ކެމްޕެއިންގެ ދަށުން ހެދި ފީޗާ ފިލްމު "ޒޯޔާ" ޕްރީމިއާކޮށްފި އެވެ.
މި ފިލްމު އިއްޔެ ހަވީރު އޮލިމްޕަހުގައި ޕްރީމިއާކޮށް ދެއްވީ ފަސްޓްލޭޑީ ފަޒުނާ އަހުމަދެވެ. މީގެ އިތުރުން ޖެންޑާ މިނިސްޓަރު އައިޝަތު މުހައްމަދު ދީދީ އަދި ހެރިޓޭޖް މިނިސްޓަރު ޔުމްނާ މައުމޫން ވެސް މި ހަފްލާގައި ވަނީބައިވެރިވެވަޑައިގެންފައިއެވެ. އަދި އެ ހަފުލާގައި މިނިސްޓްރީގެ އެހެން ބައެއް އިސްވެރިން ވެސް ބައިވެރިވެވަޑައިގެންނެވި އެވެ.
އާއިލީ ގުޅުމުގެ މުހިންމު ކަމާ ގުޅޭ ގޮތުން އުފެއްދި ދޮޅު ގަޑިއިރު އިގެ މި ފިލްމްގައި ގެވެށިއަނިޔާ އާއި އެފަދަ އަނިޔާއެއްގެ ޝިކާރަކަށްވާ މީހުންނަށް އާއިލާ ތެރެއިން ލިބެންވާ އެހީތެރިކަމާއި އެއްބާރުލުނުން ނުލިބުން ފަދަ ކަންކަމުގެ ސަބަބުން ދިމާވެދާނެ މައްސަލަތަކަށް އަލިއަޅުވާލައިފައިވާނެއެވެ.
މި ފިލްމުގެ ވާހަކަ ލިޔުނީ "ބީވީމާ" ލިޔެ، ޑައިރެކްޓްކުރި އަހުމަދު ޒަރީރެވެ. އޭނާ ލިޔެފައިވާ ބައެއް ފިލްމް ތަކުގެ ތެރޭގައި "ވާށޭ މަށާ އެކީ" އާއި "އެންމެ ފަހު ވިންދާ ޖެހެންދެން" އަދި "ވިޝްކާ" ފާހަގަ ކޮށްލެވެއެވެ. އަދި ދާދި ފަހުން މީޑިއާ ނެޓުން ޕްރީމިއާކުރި "ގަރީނާ" އަކީ ވެސް ޒަރީރުގެ ސްކްރީންޕްލެއަކަށް ހެދި ސީރީޒެކެވެ.
"ޒޯޔާ" ޑައިރެކްޓަރަކީ އަޝްހަރު އަލީ އެވެ. މީގެ މީގެ ލީޑުން ފެނިގެންދާނީ މިހާރު ކުރިއަރަމުން އަނަން ޒުވާން ބަތަލާ ޝަރާ އަދުނާން އަދި މުހައްމަދު ސައީދެވެ.
