ހުރިހާ މަސައްކަތެއް ނިމި ސިނަމާ ތަކުގައި އެޅުވުމުގެ އިންތިޒާރުގައި އޮތް ފިލްމް "ނޮވެމްބަރ" ގެ ޓިކެޓް އޮންލައިންކޮށް ވިއްކަން ފަށައިފި އެވެ.
ޑާކް ރެއިން އެންޓަޓައިންމަންޓުންގެ ސްޓޫޑިއޯގެ ޑްރީމް ޕްރޮޖެކްޓް ގެ ގޮތުގައި އިޝްތިހާރު ކުރަމުން އަންނަ މި ފިލްމް އަޅުވަން މިހާރު ތާވަލް ކޮށްފައި ވަނީ ޑިސެމްބަރު 4 ގައި ކަމަށެވެ.
އެ ފިލްމު ގެނެސްދޭ ޑާކް ރެއިން އެންޓަޓައިންމަންޓުން މިއަދު ބުނީ އެތަނުގެ ވަޓްސްއެޕް/ވައިބާ ނަންބަރަށް މެސެޖްކޮށްގެން ޓިކެޓް ބުކުކޮށް، ޓިކެޓަށް ފައިސާ ޓްރާންސްފާކުރެވޭނެ ކަމަށެވެ. ޓްރާންސްފާކުރާނީ ޑާކް ރެއިން އެންޓަޓައިމަންޓްގެ ނަމުގައި ހުޅުވާފައިވާ އެކައުންޓް 7701139602001 އަށެވެ.
View this post on Instagram
"ނޮވެމްބާ" އަކީ އެންމެ ފުރަތަމަ ޖުލައި 6، 2020 ގައި ރިލީޒްކުރަން ތާވަލުކުރި ފިލްމެކެވެ. މި އަހަރުގެ ޑިސެމްބަރު 4 އަށް ފިލްމު ތާވަލުކުރީ ޑާކް ރެއިން އެ ތާރީހުގައި ގެނެސްދޭން ނިންމާފައި އޮރް ރިވެންޖް ތުރިލާ "ފުރޭތަ" އަންނަ އަހަރުގެ ޖެނުއަރީ 8 އަށް ފަސްކުރުމަށް ފަހު އެވެ.
މި ފިލްމް ގެ ސްކްރީންޕްލޭ ލިޔުނީ ޢާއިޝަތު ފުއާދު އާއި ޢަހްމަދު ޠަލާލް އެވެ. ޑައިރެކްޓްކޮށް ކެމެރާކުރީ ޝިފާއު (ޗިއްޕެ) އެވެ. ކޯ-ޑައިރެކްޓަރެއްގެ ގޮތުގައި ހަރަކާތެރިވެފައިވަނީ އާއިޝަތު ފުއާދެވެ. ޗިއްޕެއާއެކު ކެމެރާކުރުމުގައި އަޙްމަދު ޝިނާން ވެސް ހަރަކާތެރިވިއެވެ.
View this post on Instagram
މީގެ މަންޒަރުތައް ސިންގަޕޫރުގެ އިތުރުން އައްޑު އާއި ލ. އަތޮޅާއި މާލޭގެ އިތުރުން ކ. އަތޮޅުގެ ބައެއް ރަށްރަށުގައި ވެސް ނަގާފައިވެ އެވެ. މަޖުދާ (މަޖޫ) އާއި ޖުމައްޔިލް ނިމާލު (ޖުމަލް) ލީޑް ރޯލު ކުޅެފައިވާ ފިލްމްގެ ރޯލަކުން ކުރީގެ އެކްޓަރު އިސްމާއީލް ވަޖީހު ވެސް ފެންނާނެ އެވެ.
