މާލޭގައި ހުންނަ ކޮކާ ކޯލާ، ކޭއެފްސީ، އަދި ޕިއްޒާ ހަޓަށް މިރޭ ބަޔަކު ކަޅުތެޔޮ ޖަހައިފިއެވެ.
އެނގިފައިވާ ގޮތުގައި އެ ތަންތަނަށް ވަދެ ކަޅުތެޔޮ ޖަހާފައިވަނީ މޫނު ނިވާކޮށްގެން ތިބި ބައެކެވެ. ކަޅު ތެޔޮ ޖެހުމުގެ އިތުރުން އެ ތަންތަނުގެ ހިދުމަތް ހުއްޓާލަން އިންޒާރު ވެސް ދީފައިވެއެވެ. އެކަމަކު، މޫނު ނިވާކޮށްގެން އައި އެއްވެސް މީހަކު އެ ތަންތަނުގައި ތިބި މުވައްޒަފުންނަށް ހަމަލާއެއް ދީފައެއް ނުވެއެވެ.
އިންޒާރު ދިން މީހުން ބުނާ ގޮތުގައި އެ ތަންތަނަކީ އިސްރާއީލަށް ފަންޑު ކުރާ ތަންތަނެވެ.
ކަޅު ތެޔޮ ޖެހުމާ ގުޅިގެން ފުލުހުން އެ ސަރަހައްދަށް ގޮސްފައިވެއެވެ.
ފުލުހުންގެ މީޑިއާ އޮފިޝަލް ވިދާޅުވީ، ކަޅުތެޔޮ ޖެހި ސަރަަހައްދުގައި ތަހުގީގަށް ފުލުހުން ހަރަކާތްތެރިވަމުންދާ ކަމަށެވެ.
އިސްރާއީލުން ފަލަސްތީނުގެ ޣައްޒާ އަށް ދެމުން އަންނަ އުދުވާނީ ހަމަލާތަކާ ގުޅިގެން ބައިނަލްއަގުވާމީ ބައެއް ކުންފުނިތައް ބޮއިކޮޓްކުރުމުގެ ހަރަކާތެއް ދުނިޔޭގައި ވަނީ ފަށައިފައެވެ. އަދި ރާއްޖޭގައި ވެސް ދަނީ އިސްރާއީލް ފަތުރުވެރިން ރާއްޖެ އައުން މަނާ ކުރުމަށް ގޮވާލައި ޕެޓިޝަނެއްގައި ސޮއިކުރަމުންނެވެ.
ކޮމެންޓު ފޮނުވާ