ފަލަސްތީނުގައި ހާލުގައި ޖެހިފައިވާ ރައްޔިތުންނަށް ރ. އަތޮޅު ކައުންސިލުން 1 ލައްކަ ރުފިޔާ ހަދިޔާ ކޮށްފިއެވެ.
ރ. އަތޮޅު ކައުންސިލުން ބުނެފައިވަނީ މި ފައިސާ ހަދިޔާ ކޮށްފައިވަނީ އެ ކައުންސިލްގެ ބަޖެޓުންނާއި އަދި އެރަށުގައި ފަންޑު ފޮށި ބަހައްޓައިގެން ޖަމާކުރި ފައިސާއިން ކަމުގައެވެ. ކައުންސިލުން ބުނެފައިވަނީ އެރަށުގައި ކުރިޔަށްދިޔަ ހޭންޑްބޯލް މުބާރާތް ކުރިއަށް ގެންދިޔައިރު ބެހެއްޓި ފަންޑުފޮށިން 5179 ރުފިޔާ ފަންޑަށް ޖަމާވެފައިވާ ކަމުގައެވެ.
އިސްރާއީލުން ފަލަސްތީނަށް ދެމުންދާ އަނިޔާވެރި ހަމަލާތަކުގައި ހާލުގައި ޖެހެމުންދާ މީހުންނަށް އެހީވުމަށް ރާއްޖޭގައިވަނީ ފުޅާ ދާއިރާއެއްގައި ހަރަކާތްތައް ހިންގާފައި ވެއެވެ. މި ހަރަކާތްތަކުން މިހާތަނަށް ވަނީ އެތައް މިލިއަން ރުފިޔާއެއް ފަލަސްތީނަށް އެހީވުމަށް އެއްކޮށްފައެވެ.
އިސްރާއީލުން ފަލަސްތީނަށް ދެމުންދާ ހަމަލާތަކުގައި މިހާތަނަށް ވަނީ 10،812 މީހުން ޝަހީދު ވެފައެވެ. އޭގެ ތެރޭގައި 4،000 އަށްވުރެ ގިނަ ކުޑަކުދިންވެސް ހިމެނެއެވެ.
