ގައުމީ ބެންކު ބީއެމްއެލްގެ އަމީނީމަގު ބްރާންޗުގެ ލޯނުސެންޓަރުން ދެމުންގެންދާ ލޯނުގެ ހުރިހާ ހިދުމަތެއް ބެންކުގެ މަޖީދީމަގު ބްރާންޗަށް (ކުރީގެ ސްޓާރސިނަމާ އިމާރާތް) އާދީތަދުވަހުން ފެށިގެން ބަދަލުވާނެކަމަށް އެ ބެންކުން ބުނެފިއެވެ.
ބީއެމްއެލުން ލޯނާގުޅޭ ހިދުމަތްތައް މިހާރު ދެމުންގެންދަނީ އަމީނީމަގު ގާކޮށި ފްލެޓް (މާލެ ސްކެއަރ) ގެ ފުރަތަމަ ފަންގިފިލާއިން ނެވެ. އަދި މަޖީދީމަގު މ. ސްޓަރ ކްލައުޑްގައި އެކުންފުނިން އަލަށްހެދި ބްރާންޗަށް މި ހިދުމަތްތައް ބަދަލުކުރަން ނިންމީ ލޯނާގުޅޭ ހުރިހާ މައުލޫމާތު އެއްތަނަކުން ލިބޭނެ އިންތިޒާމް ހަމަޖައްސައިދީ ކަސްޓަމަރުންނަށް ފަސޭހަކޮށްދިނުމުގެ ގޮތުންކަމަށް ބެންކުން ބުނެއެވެ.
— Bank of Maldives (@bankofmaldives) December 10, 2020
މަޖީދީ މަގު ބްރާންޗުން މިހާރުވެސް ސެލްފް ސަރވިސް އޭޓީއެމްގެ ހިދުމަތް އެބެންކުން އަންނަނީ ފޯރުކޮށްދެމުން ނެވެ.
ކޮމެންޓު ފޮނުވާ