ބޮލީވުޑްގެ އޭ ލިސްޓްުގެ ދެ ތަރިން ކަމުގައިވާ ރިތިކް ރޯޝަން އާއި ދީޕިކާ ޕަދުކޯން އެކުގައި ފެނިގެންދާ ފުރަތަމަ ފިލްމް، "ފައިޓާ" ގެ ޝޫޓިން ނިންމާލައިފި އެވެ.
މިދިޔަ އަހަރުގެ ތެރޭގައި ޝޫޓިން ފެށި މި އޭރިއަލް އެކްޝަން ތުރިލާގެ ޝޫޓިން ނިމުނު ވާހަކަ ރިތިކް އިންސްޓަގްރާމްގައި ވެސް ހިއްސާކޮށްފައިވެ އެވެ. ގިނަ ބަޔަކު ސްކްރީނުން ބަލާލަން ބޭނުންވެފައިތިބި މި ޖޯޑުގެގެ ފިލްމް ގެ މަސައްކަތް ނިމުން ކަމުގައިވިސް ފިލްމް ވަނީ އެޅުވުން ފަސްކޮށްފައިއެވެ.
"ފައިޓާ" އަކީ ބޮލީވުޑްގެ ފުރަތަމަ އޭރިއަލް އެކްޝަން ތުރިލާ އެވެ. މި ފިލްމްގެ ވާހަކަ ބިނާކޮށްފައި ވަނީ އިންޑިއާގެ ވައިގެ އަސްކަރީ އޮފިސަރުންގެ ގައުމީ ހިދުމަތަށެވެ. އެހެންވެ ފައިޓަރޖެޓްގެ ވަރަށް ގިނަ ހާދިސާތަކެއް މިފިލްމުން ފެނިގެންދާނެއެވެ.
View this post on Instagram
މި އަހަރު ގެނެސްދިން ޝާހްރުކް ޚާންގެ ކާމިޔާބު ފިލްމް "ޕަތާން" ގެ ޑައިރެކްޓަރު ސިދާތު އާނަންދު ގެނެސްދޭ "ފައިޓާ" އަކީ އިންޑިއާގެ ވައިގެ އަސްކަރިއްޔާ އަށް ޓްރިބިއުޓެއްގެ ގޮތުގައި ގެނެސްދޭ އެއްޗެކެވެ.
ދީޕިކާ އާއި ރިތިކް ލީޑުން ފެނިގެންދާ މި ފިލްމުގެ މުހިންމު ރޯލަކުން އަނިލް ކަޕޫރު ވެސް ފެނިގެން ދާނެއެވެ. ފިލްމުގެ ވާހަކަ ލިޔެފައި ވަނީ ވެސް ސިދާތެވެ. ފިލްމު ގެނެސްދެނީ އޭނަގެ ފިލްމު ކުންފުނި މާފްލިކްސް ޕިކްޗާސް އާއި ވަޔަކޮމް 18 ގުޅިގެންނެވެ.
