ވަޢުދުވުމާއި ވައުދު ފުއްދުމަކީ ކުޅޭކުޅޭ ކަމެއް ނޫންކަން ވެރިންނަށް ހަދާންކޮށްދެއްވާކަމަށް ދީނީ ޢިލްމުވެރިޔާ ޝައިޚް ޢަލީ ޒައިދު ވިދާޅުވެއްޖެއެވެ. ޒައިދު މިހެން ވިދާޅުވީ މިދައުރުގައި ދެން އިތުރަށް ގޯއްޗާއި ފްލެޓު ނުދެވޭނެކަމަށް ސަރުކާރުން ބުނުމާއި ގުޅިގެންނެވެ.
ޒައިދު ވިދާޅުުވީ، ވަކިގޮަކަށް ރައްޔިތުންނަށް ވައުދެއް ވެއްޖެނަމަ އެކަން ފުއްދަން ޖެހޭނެކަމަށެވެ.
– ޝައިޚް ޒައިދު ވިދާޅުވިއެވެ.
ޒައިދު މިހެން ވިދާޅުވެފައިވާއިރު، ސަރުކާރުން ހިންގާ ބޯހިޔާވަހިކަމުގެ މަޝްރޫޢުކަމަށްވާ ގެދޮރުވެރިޔާ އަދި ބިންވެރިޔާ ސްކީމުގެ ވަނަ ބުރުގައި ހުށަހެޅި ފޯމުތައް އިވެލުއޭޓްކޮށް، ދާއިމީ ލިސްޓު ނުނެރެވޭނެކަމަށް ޕްލޭނިން މިނިސްޓްރީން ވަނީ ބުނެފައެވެ.
ގެދޮރުވެރިޔާ އަދި ބިންވެރިޔާގެ ދެވަނަ ބުރަށް 45 ހާހަށްވުރެ ގިނަ މީހުން ފޯމު ހުށައެޅިއެވެ. އެގޮތުން މިމަހުގެ 24އަށް މުއްދަތު ހަމަވީއިރު، 40،594 ފޯމު ހުށައެޅިއެވެ. އޭގެެތެރޭގައި ހިމެނެނީ ގޯއްޗަށް އެދި ހުށައެޅި 19،347 ފޯމާއި ފްލެޓަށް އެދި ހުށަހެޅި 21،247 ފޯމެވެ.
ޕްލޭނިން މިނިސްޓްރީން ބުނީ އެ ފޯމުތަށް މިއަދުރުގައި އިވެލުއޭޓު ނުކުރެވޭނެކަމަށާއި، އެއިން އެއްވެސް މީހަކަށް ގޯއްޗާއި ފްލެޓުވެސް މިދައުރުގަިއ ނުދެވޭނެކަމަށެވެ. އެ މަސައްކަތް އަވަސް އަރުވައިލައިގެން ކުރުމުގެ ނިޔަތުގައި، ލިސްޓުތަކެއް ނެރެ، ގޯތީގެ ރަޖިސްޓްރީ ދޫ ނުކުރާނެކަމަށް ޕްލޭނިން މިނިސްޓްރީގެ ސްޓޭޓް މިނިސްޓަރ އަކްރަމް ކަމާލުއްދީން ވިދާޅުވިއެވެ. އޭނާ ވަނީ ދެވަނަ ބުރުގެ މި މަޝްރޫއަށް ބިން ދޫކުރާ ސަރަހައްދު ކަމަށްވާ އުތުރު ތިލަފަޅު ހިއްކައި ނުނިމޭކަންވެސް ފާހަގަކުރައްވާފައެވެ.
ބިންވެރިޔާ އަދި ގެދޮރުވެރިގެ ސްކީމްގެ ދެވަނަ ބުރަށް މިސަރުކާރުން ހުޅުވާލީ ރިޔާސީ އިންތިޚާބަށް ކުޑަތަންވެފައިވަނިކޮށެވެ.
ސަރުކާރުން ބުނެފައިވަނީ މމިފަހަރު ދޫކުރާނެ ގޯތީގެ ސައިޒަކީ 1،250 އަކަ ފޫޓުކަމަށެވެ. ޖޮއިންޓްކޮށް ހުށަހަޅާ އެޕްލިކޭޝަނެއްނަމަ، އެކަކަށް ވުރެ ގިނަ މީހުންގެ ނަމުގައި ހުށަހަޅާ އެޕްލިކޭޝަނުގައި އިތުރަށް ބައިވެރިވާ ކޮންމެ މީހަކަށް 400 އަކަފޫޓު ގޯތީގެ ބޮޑުމިނަށް އިތުރު ކުރެވޭނެއެވެ. ހަތް މީހުންނަށް ވުރެ ގިނަ މީހުން ޖޮއިންޓް އެޕްލިކޭޝަނުގައި ބައިވެރިވާނަމަ އެ އެޕްލިކޭޝަނަށް ލިބޭނީ، ޖުމުލަ 4,000 އަކަފޫޓެވެ.
ނަމަވެސް މި ދައުރުގައި ގޯތި އަދި ފްލެޓު ދެން ނުދޭނެކަން އެމިނިސްޓްރީން ޔަޤީންކޮށްދެއެވެ.
