ޕްރިޔަންކާ ޗޯޕްރާ ޖޯނަސްއަކީ އޭނާގެ ހިތްވަރާއި މިންނެތް މަސައްކަތުން ބޮލީވުޑްގެ އިތުރުން ހޮލީވުޑްގައި ވެސް މަޝްހޫރު ނަމެކެވެ. ނިކް ޖޯނަސްއާއި ކައިވެނި ކުރުމަށްފަހު، ޕްރިޔަންކާ ދިރިއުޅެމުންދަނީ މުމްބާއީއާ ދުރުގައި ނިއުޔޯކް ސިޓީގައެވެ. އަދި އޭނާވަނީ މީގެ ކުރިން ބޭއްވި ކޮންފަރެސްއެއްގައި މުމްބާއީ އިން އޭނާ އެންމެ މިސްވަނީ ކޮންކަމެއްކަން ބުނެދީފައެވެ.
މީޑިޔާގައި ދައުރުވަމުންދާ ވީޑިއޯއެއްގައި ފެންނަނީ މައިކް ހިފަހައްޓައިގެން ހެވިފައި ހުއްޓައެވެ. އަދި ސްމިތު ކިޔާ މީހަކު ސުވާލުކުރަން މައިކު ކައިރިކޮށްގެން ހުރެ ނޭވާލާ އަޑު ވަރަށް ބާރަށް އިވެންފެށުމުން އެހާ ބާރަށް ނޭވާ ނުލުމަށް ޕްރިޔަންކާ ބުނެއެވެ. އަދި ހީލާފައި މައިކްއާއި ދިމާކޮށް ނޭވާ ނުލުމަށާއި ފުރަތަމަ ނޭވާލާފައި ވާހަކަ ދެއްކުމަށް ބުނެއެވެ.
އަދި ސްމިތު ވަނީ މިހާރަކަށް އައިސް އަޑު ހުންނަނީ ހަމައެކަނި ނޭވާލުމުގައި ކަމަށްބުނެފަ އެވެ. އެއީ ނޫސްވެރިޔާ މަޖާޒީ ގޮތަކަށް ބުނެލި އެއްޗެކެވެ. ރައްދުގައި ޕްރިޔަންކާވެސް ވަނީ އެގޮތަށް ކުރާ ސަމާސާތަށް މިސްވާކަމުގައި ބުނެފަ އެވެ. އަދި އެފަދަ މަޖާ ސަމާސާތަކާއި އޭނާއަށް ކުރާ ފްލާޓް ތަކަކީ ގައުމުން ބޭރުގައި އުޅޭއިރު މުމްބާއި އެންމެ މިސްވާކަންތައް ކަމަށަށް ޕްރިޔަންކާ ބުންޏެވެ. އެއީ އެެމެރިކާގައި އެކަހަލަ ވާހަކައެއް އޭނާއަށް އަމާޒުކޮށް ނުބުނާތީކަމަށެވެ. އަދި ޕްރިންކާ ނެތުމުން އެވަރޑް ޝޯވތައް ވަރަށް ފަޅުކަމަށް ބުނެ ގިނައިން އައުމަށް ނޫސްވެރިޔާ ބުނުމުން ޕްރިޔަންކާ އާނއެކޭ ބުނެއެވެ.
ޕްރިޔަންކާ ބުނީ މިހާރަކަށް އައިސް އެކިތަންތަނަށް ދަތުރުކުރަން ޖެހުމުން ހަފްލާތަކުގައި ބައިވެރި ނުވެވެނީ ކަމަށެވެ. އަދި އެފަހަރުވެސް އައީ އޭނާގެ އާއިލާއާއި ރައްޓެހިންނާއެކު އުފަންދުވަސް ފާހަގަ ކޮށްލާ މަޖާކޮށްލަން ކަމަށެވެ. އަދި އުޅެނީ އޭނާގެ މަންމަ އާއި ބޭބެ އާއެކު ޗުއްޓީއަކަށްދާން ކަމަށްވެސް ބުންޏެވެ. އެ ވީޑިއޯގައި އޭނާ ބުނެފައި ވެއެވެ.
