ރަންބީރު ކަޕޫރުގެ ކުރިއަށް އޮތް އެކްޝަން ތުރިލާ ފިލްމު "އެނިމަލް"ގެ ފުރަތަމަ ލަވަ ބެލުންތެރިންނަށް ދޫކޮށްލައިފިއެވެ.
ބަތަލާ އާލިއާ ބަޓްއާއި 2022 ވަނަ އަހަރުގެ އެޕްރިލް 14 ވުނަދުވަހުގައި ކައިވެނި ކުރި ފަހުން ރަންބީރު ބޮޑު ސްކްރީންއިން ފެނިގެންދާ ފުރަތަމަ ފިލްމް "އެނިމަލް" އަކީ ތަފާތު ފިލްމް އަކަށް ވާނެ ކަމަށް އަންނަނީ ބުނަމުނެވެ. އަދި މި ފިލްމްގައި ރަންބީރު ފެނިގެންދާނީ މީގެ ކުރިން ދުވަހަކުވެސް ނުފެންނަ ފަދަ ރޯލަކުން ކަމަށްވެއެވެ.
ޕްރީތަމް އަދި ރާގަވް ޗައިތަންޔާގެ އަޑު ކިޔާފައިވާ މި ލަވައިގެ ނަމަކީ "ހުއާ މެއި" އެވެ. ޓީ-ސީރީޒްގެ ޔޫޓިއުބްގައި މި ލަވަ ރިލީޒްކުރިތާ އެއް ދުވަސް ތެރޭގައި މިހާރު ވަނީ 16 މިލިއަނަށް ވުރެ ގިނަ ވިއުސް ލިބިފަ އެވެ. ލޯބީގެ މި ލަވައިގައި ފެންނަނީ މި ފިލްމުގެ ލީޑު ތަރިން ކަމަށްވާ ރަންބީރު އާއި ރަޝްމީކާ މަންދަނާ އެވެ.
މި ފިލްމަކީ "ކަބީރު ސިންގް" އާއި "އަރުޖުން ރެއްޑީ" ކަހަލަ ފިލްމުތައް ހެދި ސަންދީޕު ވެންގާ ރެއްޑީގެ ޑައިރެކްޝަނެކެވެ. ލީޑުން ރަންބީރު އާއި އެކައި ފެނިގެންދާނީ ސައުތުގެ މަޝްހޫރު ބަތަލާ ރަޝްމިކާ މަންދަނާއެވެ. މީ ދެތަރިން އެކުގަިއ ފެނިގެންދާނެ ފުރަތަމަ ފިލްމްއެވެ. ފިލްމްގެ ކާސްޓުގައި އަނިލް ކަޕޫރާއި ބޮބީ ޑިއޯލްގެ އިތުރުން ޓްރިޕްތީ ދިމްރީ ވެސް ހިމެނެ އެވެ.
