ނިމި މިދާ ސަރުކާރުގެ ކޮރަޕްޝަންގެ މައްސަލަތައް ބެލުމަށް ކަމާގުޅޭ އިދާރާތަކުގައި އެދެން ޑިމޮކްރެޓުން މަސައްކަތް ފަށާފައިވާކަމަށް ދަ ޑިމޮކްރެޓްސްގެ ޕީޖީ ލީޑަރު އަދި މެދު ހެންވާރު ދާއިރާގެ މެންބަރު ޢަލީ ޢާޒިމް ވިދާޅުވެއްޖެއެވެ.
ރިޔާސީ އިންތިޚަބުގައި އެމްޑީޕީއަށް ލިބުނު ނާކާމިޔާބީއަށް އިޝަރާތްކުރައްވާ އަދި ސަރުކާރަށް ފާޑުވިދާޅުވެ އާޒިމް ވިދާޅުވީ، ބަލިވީމަ ބަލި ގަބޫލުނުކުރެވިގެން ތެޅިގަތުން އެހާ ބުއްދިވެރިއެއްނުވާނެކަމަށެވެ.
– ޢަލީ އާޒިމް ވިދާޅުވިއެވެ.
އާޒިމް މިހެން ވިދާޅުވެފައިވާއިރު، ދަ ޑިމޮކްރެޓްސްގެ ބާނީ އަދި މަޖިލީހުގެ ރައީސް މުޙައްމަދު ނަޝިދުގެ އިތުބާރު ނެތްކަމުގެ މައްސަލަ މަޖިލީހަށް ވެއްދުމަށް އެމްޑީޕީން އަންނަނީ މަސައްކަތް ކުރަމުންނެވެ.
އާޒިމް އެކްސްގައި ކުރެއްވި ޕޯސްޓެއްގައި ވިދާޅުވީ އެކަމުގެ ބޭނުމަކީ އިންތިހާބީ ރައީސް ހުވާ ކުރުމަށް ހުރަސް އެޅުން ކަމަށެވެ.
"ބޭނުމަކީ އިންތިހާބީ ރައީސް ހުވާ ކުރުމުގެ ކަންކަމަށް ހުރަސް އެޅުން،" އާޒިމް ވިދާޅުވިއެވެ.
އެމްޑީޕީގެ ބައެއް މެންބަރުން ވިދާޅުވީ، ރައިސް ނަޝިދުގެ އިތުބާރު ނެތްކަމުގެ މައްސަލަ ހުށައެޅުމުގެ ބޭނުމަކީ، މަޖިލީހުގެ އަޣްލަބިއްޔަތު އެމްޑީޕީއަށްއޮވެ، މަޖިލީހުގެ ރައީސަކަށް ހުންނަވަންޖެހޭނީ އެޕާޓިގެ ބޭފުޅެއްކަމަށްވާތީކަމަށެވެ. އެ މަޤާމަކީ އެޕާޓީއަށް މުހިންމު މަޤާމެއްކަމަށްވެސް އެމްޑީޕީގެ ބައެއް މެންބަރުން ވިދާޅުވިއެވެ.
އެނގިފައިވާގޮތުގައި ރައީސް ނަޝީދުގެ އިތުބާރު ނެތްކަމުގެ މައްސަލަ ހުށައެޅުމަށް ބޭނުންވާ ޢަދަދަށް ސޮއި ވަނީ ހަމަވެފައެވެ.
މަޖިލީހުގެ ރައީސްއާއި ނައިބު ރައީސްގެ އިތުބާރު ނެތްކަމަށް އެމްޑީޕީގެ ޕީޖީ ގްރޫޕުން ހުށަހެޅީ 54 މެމްބަރުންގެ ސޮޔާއިއެކުގައެވެ. ނަމަވެސް ރިޔާސީ އިންތިޚާބުގެ ފުރަތަމަ ބުރުގައި ރައީސް ޞަލިޙަށް ލިބިވަޑައިގެންނެވި ދަށް ނަތީޖާއާއެކު، އެމްޑީޕީން ޑިމޮކްރެޓްސްއާއި އެކު ގުޅިގެން މަސައްކަތްކުރުމުގެ ބޭނުމުގައި އެ މައްސަލަތައް އަނބުރާ ނެގިއެވެ. އެ މައްސަލަތައް އަނބުރާ ނެގިނަމަވެސް ޑިމޮކްރެޓޤސްއިން އެމްޑީޕީއަށް ތާޢިދުކޮށްފައެއް ނުވެއެވެ.
