ހިންދީ ސިނަމާއަށް މިހާތަނަށް އައި އެންމެ ކާމިޔާބު ހަނގުރާމަ މަތީގެ ފިލްމް "ބޯޑާ" ގެ ދެވަނަ ބައި ހަދަން ތައްޔާރުވަމުން އަންނަ އިރުގައި މި ފިލްމްގެ ރޯލެއް ކުރީގެ މަޝްހޫރު އެކްޓަރު ސުނިލް ޝެޓީ ގެ ފިރިހެން ދަރިފުޅު އަހާން ޝެޓީ އަށް ލިބިފައިވާކަމަށް ރިޕޯޓްތަށް ބުނެފިއެވެ.
27 އަހަރުގެ އަހާން ބޮލީވުޑްއަށް ތައާރަފްވީ 2021 ވަނަ އަހަރުގެ ފިލްމް "ތަޅަޕް" އިންނެވެ. ނަމަވެސް އެ ފިލްމް އަކީ މާބޮޑު ކާމިޔާބެއް ހޯދުނު ފިލްމް އެއް ނޫނެވެ. އަދި ހަމަ އެއާއި އެކުގައި އަހާން އަށް ވެސް ބޮލީވުޑް އިން ފުރުސަތު ލިބިގެން ނުދާކަން ފާހަގަކޮށްލެވެއެވެ. އަދި އެ ފިލްމް އަށް ފަހު އިތުރު ފިލްމް އަކަށް އޭނާ ސޮއި ކޮށްފައިއެއް ނުވެއެވެ.
View this post on Instagram
ފިލްމީ ޚަބަރުތައް ގެނެސްދޭ މީޑިއާތަކުން ބުނީ ޑައިރެކްޓަރު ޖޭޕީ ދައްތާ 1997 ގައި ގެނެސްދިން "ބޯޑާ" ގެ ސީކްއެލް، ފުރަތަމަ ބައިގައި ވެސް މުހިއްމު ރޯލެއް ކުޅުނު ސަނީ ޑިއޯލްއާ އެކީ ހަދަން ތައްޔާރީތައް ވަމުން އަންނަ މީގެ ކާސްޓަށް މިހާރު އެކްޓަރުން ނަގަމުން އަންނަ ކަމަށެވެ. އެގޮތުން އަހާން އަށް ވެސް ފިލްމް އިން މުހިންމު ރޯލެއް ލިބިފައިވާ ކަމަށް މީޑިއާއިން ވަނީ ބުނެފައިއެވެ.
އެގޮތުން އަހާންގެ އިތުރުން "ބޯޑަރު 2″ ގެ ކާސްޓްގައި އަޔޫޝްމަން ކްރާނާ އާއި އައްމީ ވާކް ވެސް ހިމެނޭނެ ކަމަށް މީޑިއާތަކުން ބުނެ އެވެ. "ބޯޑަރު 2″ ގެ ވާހަކަ ދެކެވެމުން އައި ނަމަވެސް މިއާ ބެހޭ ގޮތުން ޑައިރެކްޓަރު ރަސްމީކޮށް އަދި އެއްވެސް އެއްޗެއް ނުބުނެ އެވެ.
https://www.youtube.com/watch?v=e8XHBK7OdFk
ލީޑުން ސަނީ ޑިއޯލް އާއި ޖެކީ ޝްރޮޕް އަދި ސުނިލް ޝެޓީ ފެނިގެން ދިއަ މި ފިލްމްގެ ދެވަނަ ބައެއް ހަދަން ތައްޔާރު ވަމުން އަންނަ އިރުގައި މި ފިލްމްގެ ދެވަނަ ބައެއް ހެދުމުގެ ވާހަކަތަށް ދެކެވޭތާ މިހާރު ދުވަސްތަކެއް ވެފައި ވާކަމަށް ބުނެއެވެ. މި ފިލްމަކީ އިންޑިއާ އާއި ޕާކިސްތާނާ ދެމެދު 1971 ގައި ކުރި ހަނގުރާމަ އަށް ބިނާކޮށް ގެނެސްދިން ވަތަނީ ފިލްމެކެވެ.
