ޔޫކުރެއިންގެ ކާކިވްގެ އިރުދެކުނުން އޮންނަ ހޮރޯޒާ އަވަށަށް ރަޝިޔާއިން ދިން ހަމަލާއެއްގައި ހަ އަހަރުގެ ކުއްޖަކާއެކު 51 މީހުން މަރުވެއްޖެއެވެ.
ގަޑިން 13:15ގައި ރަޝިއާގެ މިސައިލް އަމާޒުވި އިރު އެއަވަށުގެ މީހުން ދިޔައީ އަބަށުގެ އެހެން މީހެއްގެ ޖަނާޒާގައި ބައިވެރި ވަމުންނެވެ. ޔޫކްރެއިންގެ ދިފާއީ ވުޒާރާއިން ބުނީ އެ ސަރަހައްދުގައި އަސްކަރީ އެއްވެސް އަމާޒެއް ނެތް ކަމަށާއި އެއީ ހަމައެކަނި އާންމުން ކަމަށެވެ.
ކާކިވްގެ ރީޖަނަލް ހެޑް އޮލެހް ސިންޔެހުބޯވް ސިފަކުރެއްވި ގޮތުގައި މި ހަމަލާއަކީ މި ސަރަހައްދުގައި ހިންގުނު އެންމެ ބޮޑު ލޭއޮހޮރުވުމުގެ ޖަރީމާތަކުގެ ތެރޭގައި ހިމެނޭ ޖަރީމާއެއް ކަމުގައެވެ. އޭނާ ވިދާޅުވީ މަރުވި އެންމެންނަކީ ވެސް 2020 ވަނަ އަހަރު ގާތްގަނޑަކަށް 501 މީހުންގެ އާބާދީއެއް އޮތް އެ ރަށުގެ ރައްޔިތުން ކަމަށާއި އޭގެ މާނައަކީ މިއަދު ދިން ބޮމުގެ ހަމަލާތަކުގައި އެކަނި ވެސް އާބާދީގެ 10 ޕަސެންޓް މީހުން މަރުވި ކަމަށެވެ.
ޔޫކްރެއިންގެ ދާޚިލީ ވަޒީރު އިހޯރް ކްލައިމެންކޯ ވިދާޅުވީ ކޮންމެ އާއިލާއަކުން، ކޮންމެ ގޭބިސީއަކުން ވެސް މީހަކު ސަރަހައްދުގައި ތިބި މީހުންގެ ތެރޭގައި ހިމެނޭކަމަށެވެ. މި ވިލެޖްގައި ހިމެނޭ ކުޕިއަންސްކް އަވަށަކީ މިދިޔަ އަހަރުގެ ފެބްރުއަރީ މަހުގެ ތެރޭގައި ރަޝިއާ އާއި ޔޫކްރެއިންގެ އަސްކަރިއްޔާއާ ދެމެދު ހިނގި ހަމަނުޖެހުންތަކުގެ އެންމެ ކުރީ ސަފުގައި އޮތް އަވަށެވެ.
މި ވިލެޖްކީ ޔޫކުރެއިން ހަނގުރާމަ ފެށުނުއިރު ރަޝިއާ ސިފައިންގެ ސަޕްލައި ހަބަކަށް ވެފައި ވީ ނަމަވެސް އެތައް މަހެއްވަންދެން ކުރި ހަނގުރާމައަކަށް ފަހު 2022 ވަނަ އަހަރުގެ ސެޕްޓެމްބަރު މަހު ކިއެވް ވަނީ އެ ތަން އަލުން އަތުލާފައެވެ. ޔޫކްރެއިންގެ ރައީސް ވޮލޮޑިމިރް ޒެލެންސްކީ މި ހަމަލާ ސިފަކުރެއްވީ ރަޝިޔާގެ އަނިޔާވެރި ޖަރީމާއެއްގެ ގޮތުގަ އެވެ. ޓެލެގްރާމްގައި އޭނާ ވިދާޅުވީ ރަޝިއާއަށް މިހަމަލާއާއި މިފަދަ ޓެރަރިސްޓް ހަމަލާތައް ހެދުމަށް ރަޝިއާއިން ބޭނުންވަނީ އެންމެ ކަމަކަށް ކަމަށާއި އެއީ އެގައުމުގެ ޖަރީމާތަކަކީ މުޅި ދުނިޔެއަށް އާ އުސޫލަކަށް ހެދުމަށް ކަމަށެވެ. ޔޫކުރެއިންގެ އިންޓީރިއާ މިނިސްޓަރު ވިދާޅުވީ ހަމަލާދިނުމުގައި އިސްކަންދަރު މިސައިލެއް ބޭނުންކޮށްފައިވާ ކަމަށާއި ނަމަވެސް ބީބީސީއިން ބުނެފައިވަނީ، އެ ވާހަކަ ތައް މިނިވަންކަމާ އެކު ކަށަވަރު ކޮށްދެވިފައި ނުވާ ކަމަށެވެ.
ރަޝިއާއިން އެ އަވަށަށް ބޮން އެޅީ ސްޕެއިންގެ ގްރެނާޑާގައި ބޭއްވި ޔޫރަޕްގެ ލީޑަރުންގެ ސަމިޓުގައި ޒެލެންސްކީ ބައިވެރިވެވަޑައިގަންނަވަމުން ގެންދަވަނިކޮށެވެ. އެތަނުގައި ޔޫރަޕިއަން ޔޫނިއަންގެ ފޮރިން އެފެއާޒް ޗީފް ޖޯސެފް ބޮރެލް ވަނީ ސިޔާސީ ހަމަނުޖެހުންތަކުގެ ސަބަބުން ޔޫކްރެއިންގެ އަސްކަރިއްޔާއަށް ފަންޑު ކުރުމަށް އެމެރިކާގެ ގާބިލުކަމަށް ނުރައްކާވަމުންދާ ކަމުގެ އިންޒާރު ދެއްވާފައެވެ. ދާދި ފަހުން އެމެރިކާގެ ކޮންގްރެސްގައި ހެދި ބަޖެޓް އެއްބަސްވުމެއްގައި ޔޫކްރޭނަށް ފައިސާ ދިނުން ހިމަނާފައެއް ނުވެ އެވެ. ބޮރެލް ވިދާޅުވީ އެމެރިކާގެ ތާއީދު ގެއްލުމުން ޔޫރަޕުގެ އެއްވެސް ގައުމަކަށް އެ ފަރަގު ފޫނުބެއްދޭނެ ކަމަށެވެ. "ޔޫރަޕަށް އެމެރިކާ އިން ދޫކޮށްލި ފަރަގު ފޫބެއްދޭނެތަ؟ ޔަގީނުން ވެސް ޔޫރަޕަށް އެމެރިކާގެ ބަދަލުގައި ނުދެވޭނެ،" އޭނާ ވިދާޅުވި އެވެ.
މިދިޔަ ބުރާސްފަތި ދުވަހު ޒެލެންސްކީ ވަނީ ވައިގެ ދިފާއީ އިތުރު މިސައިލްތައް ހޯދުމަށް ޔޫރަޕްގެ ލީޑަރުންގެ ކިބައިން އެދިވަޑައިގެން، ރަޝިއާގެ ހަމަލާތަކުން ޔޫކްރެއިން ސަލާމަތްކޮށްފައިވާތީ އެހެން ގައުމުތަކުން ޔޫކްރެއިންއަށް ޝުކުރު އަދާކުރެވޭނެ ކަމަށް ވިދާޅުވެފައެވެ.
