ބޮލީވުޑްގެ ޒުވާން އެކްޓަރު ޓައިގާ ޝްރޮފްގެ އެކްޝަން ތުރިލާ "ގަނަޕަތު: ޕާޓް 1″ މި އަހަރުގެ އޮކްޓޯބަރު 20 ގައި ސިނަމާތަކަށް ގެންނަން ނިންމައި އެކަން އިއުލާން ކޮށްފިއެވެ.
ދެ ބަޔަކަށް ގެނެސްދޭން ނިންމާފައިވާ މި ފިލްމްގައި ބޮކްސިންގ ތަޅާމީހެއްގެ ރޯލުން ޓައިގާ ޝްރޮފް ފެންނަ އިރުގައި މި ފިލްމް ކުރިން ގެެނެސް ދިނުމަށް ތާވަލް ކޮށްފައި އޮތީ ޑިސެމްބަރު 3 ކަށެވެ. ނަމަވެސް ފިލްމް އަވަސް ކުރިކަން ވަނީ ސޯޝަލް މީޑިއާގައި މިހާރު ހިއްސާކޮށް ކަށަވަރު ކޮށްދީފައިއެވެ.
މިދިޔަ އަހަރު އަމީތާބް ބައްޗަނާ އެކީ "ގުޑް ބާއި" ގެނެސްދިން ޑައިރެކްޓަރު ވިކާސް ބާލް ގެ މި ފިލްމްގައި ޓައިގާގެ ބައްޕަގެ ރޯލަށް އަމީތާބް ބަޗަން ފެނިގެންދާނެ ކަމަށް މަައުލޫމާތު ލިބެއެވެ.
މި ފިލްމުގެ ލީޑް ރޯލުން ޓައިގާ އާއެކު ފެނިގެން ދާނީ ކްރިތީ ސެނޮން އެވެ. މީގެ ކުރިން އެދެމީހުން ވަނީ އެކުގައި ފެނިގެން ގޮސްފައިއެވެ. އެއީ ޓައިގާއާ އެކީ 2014 ގެ "ހީރޯޕަންތީ" އިން ބޮލީވުޑަށް ތައާރަފްވި ފިލްމްއެވެ.
ކޮމެންޓު ފޮނުވާ