މަޝްހޫރު ޓީވީ އެކްޓަރ ޝަހީރް ޝެއިހް އަދި ބޮލީވުޑްގެ ޒުވާން ޕްރޮޑިއުސަރ ރުޗިކާ ކަޕޫރް އަލަތު ކައިވެނި، ފަހްތާއެއްހާ ދުވަސް ކުރިން، ކުރީ ވަރަށް އާދައިގެ ގޮތަކަށް ކޯޓުގަ އެވެ. މި ދެމީހުން ކޯޓުގައި ކައިވެނި ކުރަންނިންމީ ކޯވިޑް-19ގެ ހާލަތުގެ ސަބަބުންނެވެ.
ކައިވެނީގެ އެކި މަންޒަރުތަށް މި ދެ ތަރިން ސޯޝަލް މީޑިއާގައި މިހާރު ވަނީ އާންމުކޮށްފަ އެވެ. އެއާއެކު އިންޑަސްޓްރީގެ ވަރަށް ގިނަ މީހުންވަނީ މި ދެމީހުންގެ ކުއްލި ކައިވެންޔާއިމެދު ހައިރާންވެފައެވެ. މި ފޮޓޯތަކުގައި ޝަހީރް ޝެއިހް ލައިގެން ހުރީ ވަރަށް އާދައިގެ ހުދުކުލައިގެ ކުރުތާއެކެވެ. އަދި ރުޗިކާ ކަޕޫރްވެސް ލައިގެން ހުރީ މަޑު ނޫ ކުލައިގެ ހެދުމެކެވެ. ދެމީހުން ވަރަށް އުފަލުން ހެވިފައި ތިބިއިރު، ރުޗިކާގެ އަތުގައިވާ އަގުހުރި އެންގޭޖްމެޓް އަނގޮޓިވެސް ފޮޓޯއިން ފެނިގެންދެއެވެ.
ޝަހީރާއި ރުޗިކާވެސް އިންސްޓާގުރާމުގައި ކައިވެނީގެ ފޮޓޯތައް ހިއްސާކޮށްފައިވާއިރު ވަރަށް ގިނަ މަޝްހޫރު ތަރިންވަނީ މަރުހަބާކިޔާފައެވެ. އޭގެ ތެރޭގައި ބާލާޖީ ޓެލެފިލްމްސްގެ ވެރިއާ އެކްތާ ކަޕޫރާއި ސޯނަމް ކަޕޫރުވެސް ހިމެނެއެވެ. ދާދި ފަހުން އެދެމީހުންގެ އެންގޭޖްމެޓްގެ ފޮޓޯތަކެއްވެސް ވަނީ ސޯޝަލް މީޑިޔާގައި ހިއްސާކޮށްފައެވެ.
View this post on Instagram
އެކުގައި އުޅޭތާ 1 އަހަރާއި 6 މަސް ވެފައިވާއިރު، ޝަހީރް ޝެއިހް އަދި ރުޗިކާ ކަޕޫރް އެންމެ ފުރަތަމަ ދިމާވެފައިވަނީ ފިލްމް " ޖަޖްމެންޓަލް ހޭ ކިޔާ" ގެ ސެޓުންނެވެ. މި ފިލްމުގެ ލީޑުން ފެނިގެން ދަނީ ކަންގަނާ ރަނާވަތު އާއި ރާޖްކުމާރް ރާއޯއެވެ. ޝަހީރް ބުނިގޮތުގައި ފުރަތަމަ އުޅުނީ ދެ ރަހުމަތްތެރިންގެ ގޮތުގައެވެ. އަދި ރުޗިކާވީ އެނާ އެންމެ ބޭނުންވި ކަހަލަ ކުއްޖަކަށް ކަމަށްވެސް ބުނެފައިވެއެވެ. ރުޗިކާ ބުނގޮތުގައި ޝަހީރްގެ ހުރި ރަނގަޅު ސިފަތަކެއްގެ ސަބަބުން ޝަހީރް ދެކެ ލޯބިވެވުނީއެވެ.
View this post on Instagram
ޝަހީރަކީ ގިނަ ޓީވީ ޑްރާމާތަކަކުން ބެލުންތެރިން ބަލައިގަނެފައިވާ ތަރިއެކެވެ. އޭގެތެރޭގައި "މަހާބާރަތު"، "ދާސްތާން އޭ މޮހައްބަތު"، "ކުޗް ރަންގް ޕިޔާރްކޭ އޭސޭބީ" އަދި " ބެސްޓް އޮފް ލަކް ނިކީ" ފަދަ ޓީވީ ޑްރާމާ ސީރީޒްތައް ހިމެނެވެ. ރުޗިކާއަކީ ވަރަށް އުފެންދުންތެރި ޕްރޮޑިއުސާއެކެވެ. އެގޮތުން އޭނާވަނީ "ލައިލާ މަޖްނޫ"، "ވީރެ ދީ ވެޑިން"، "އޭކް ވިލެން"، "ރާގިނި އެމްއެމްއެސް2″ ފަދަ ފިލްމު ތަކުގައި މަސައްކަތްކޮށްފައެވެ.
