ރިޔާސީ އިންތިޚާބު 2023 ގެ ދެވަނަ ބުރުގެ ވޯޓުލުން ނިމި ވޯޓުގުނުމުގެ މަސައްކަތް ކުރިއަށްދަނީ pic.twitter.com/AtnZ6qBWEL

— Elections Commission (@ElectionsMv) September 30, 2023

ބައެއް ފޮށިތަކުގެ ވޯޓުގުނާނިމި ނަތީޖާތަށް މިހާރު އަންނަނީ ލިބެމުން.

ބައެއް މަރުކަޒުތަކުގައި ވޯޓު ގުނަން ފަށައިފި.

އޮޕަރޭޝަން ބްލޫ ވޭވް އަޕްޑޭޓް:
ވޯޓް ކަރުދާސް ދެއްކުމާއި ފޮޓޯ ނެގުމާ ގުޅިގެން މިއަދު މިހާތަނަށް 14 މީހަކު ވަނީ ފުލުހުންގެ ބެލުމުގެ ދަށަށް ގެނެސްފައި.#OperationBlueWave

— Blue Wave 2023 (@OpsPoliceMv) September 30, 2023

ފައިސާ ބަހާކަމަށް ބުނެ މިނިސްޓަރ ސަމީރުއަށް ދުއްތުރާ ކުރިކަމުގެ ތުހުމަތުގައި ވިޔަފާރިވެރިޔާ ކޭޑީ ހައްޔަރު ކޮށްފި

ރިޔާސީ އިންތިޚާބުގެ 2 ވަނަ ބުރުގައި ވޯޓުލުމުގެ ޙައްޤު ލިބިފައިވާ މީހުންގެ 85 އިންސައްތަ މީހުން ވޯޓުލި: އިލެކްޝަންސް

އިންތިޚާބުގެ ފުރަތަމަ ބުރުގައި ވޯޓުލާފައި ވަނީ ވޯޓުލުމުގެ ޙައްޤު ލިބުނު މީހުންގެ  %79.85 މީހުން.

ގދ. ވާދޫ ގައި ވޯޓުލާން ދިޔަ މީހަކު ވޯޓް ފޮށި ފަޅާލާފައިވާ މައްސަލައެއް ރިޕޯޓްކުރުމާ ގުޅިގެން ފުލުހުން ހަރަކާތެރިވަނީ.

އެއްވެސް މަރުކަޒެއްގައި ވޯޓުލާ ގަޑި އިތުރެއް ނުކުރޭ. ގިނަ މަރުކަޒު ތަކުގެ ވޯޓުލުން ނިމި ފޮށިތައް ބަންދުކޮށްފި

ރިޔާސީ އިންތިޚާބުގެ ވޯޓުލުން މިއަދު ކުރިއަށްދާއިރު، މާލޭގެ ކުށްކުރާ ގްރޫޕްތަކުން އާދަޔާއި ޚިލާފަށް ނިކުމެ އިތުރުވެފައިވާތީ ފުލުހުން މާލޭގެ ސަލާމަތީ ކަންކަން ވަރުގަދަކޮށް ބަލާ ފާސް ކުރަން ފަށައިފި.

ފުލުހުން ވަނީ މީގެ އިތުރުކޮޅެއް ކުރިން އޮޑެގައްލާ ރެސްޓޯރަންޓު ސަރަހައްދަށް ގޮސް އެތާތިބި ޒުވާނުން ޗެކްކޮށް އޮޕަރޭޝަނެއް ހިންގާފަ. މަގުތަކަށް ނިކުމެފައިވާ ފުލުހުންނަކީ ރަޔަޓް ގިޔަރުގައި ތިބި ފުލުހުން. މީގެ އިތުރުންވެސް މާލެގައި މިހާރު ގިނަ އަދަދަކަށް ދަނީ އެކި ސަރަހައްދު ތަކުގައި ފުލުހުން ހަރަކާތްތެރިވެ، އެކި ގްރޫޕްތަކަށް ނިސްބަތްވާ މީހުންް ޗެކްކޮށް ސުވާލުކޮށް ހަދަމުން.

ރިޔާސީ އިންތިޚާބުގެ ވޯޓާއި ގުޅިގެން މާލެއާއި ރައްޖޭޭގެ ބައެއް ރަށްތަކުގައި ހިނގާ އެކި ހަމަނުޖެހުންތަކުގައި ޕީޕީއެމް/ޕީއެންސީގެ އެއްވެސް މެމްބަރެއްގެ ބައިވެރިވުމެއް ނޯންނާނެ ކަމަށް ޕްރޮގްރެސިވް ކޮންގްރެސް ކޯލިޝަނުން ބުނެފި.

#ފޮޓޯ | ރައީސް މައުމޫން ވޯޓު ލެއްވުން.

ތިނެއް ޖެހުމާއި ހަމައަށް، ވޯޓުލުމުގެ ޙައްޤު ލިބިފައިވާ މީހުންގެ ތެރެއިން 70.37 އިންސައްތަ މީހުން ވޯޓުލާފައިވާކަމަށް އިލެކްޝަންސް ކޮމިޝަނުން ވިދާޅުވެއްޖެ.

އިލެކްޝަންސް ކޮމިޝަނުން ޢާންމު ކުރި ތަފާސްހިސާބުތަކުން ދައްކާގޮތުން، މިއަދުގެ 2 ޖެހުމާއި ހަމައަށް ޖުމްލަ 199،023 މީހުން ވަނީ ވޯޓުލާފަ. އޭގެތެރޭގައި ގިނައީ ފިރިހެނުން. އެގޮތުން، 98،863 ފިރިހެނުން ވޯޓުލާފައިވާއިރު، 100،160 އަންހެނުން ވަނީ ވޯޓުލާފަ.

މިފަހަރުގެ ރިޔާސީ އިންތިޚާބުގައި 282،804 މީހުންނަށް ވޯޓުލުމުގެ ޙައްޤު ވަނީ ލިބިފަ.

މާލެއާއި ރާއްޖޭގައި ކުށްތަކަށް އަރައިގަންނަ ގްރޫޕްތަކުގެ ހަރަކާތްތައް އިތުރުވެފައިވާތީ ސަލާމަތީ ކަންކަން ވަރުގަދަކޮށްފައި ވާކަމަށް ފުލުހުން ބުނެފި.

ރިިޔާސީ އިންތިޚާބުގެ ދެވަނަ ބުރުގައި ކުރީގެ ރައީސް އަލް އުޘްތާޒު މައުމޫން އަބްދުލް ޤައްޔޫމްގެ ދެ ކަނބަލުން ވޯޓު ލައްވައިފި.

ރައީސް މައުމޫނާއި، އަނބިކަނބަލުން ނަސްރީނާ އިބްރާހިމް ވޯޓު ލެއްވީ ސްރީލައްކާގައި ބަހައްޓާފައިވާ ވޯޓު ފޮއްޓަށް.. ރައީސް މައުމޫންގެ ދެކަނބަލުން މިވަގުތު ތިއްބެވީ ލަންކާގަ. ރައީސް މައުމޫނަކީ އިންތިޚާބު ތަކުގައި ވޯޓު ލެއްވުމަށް ޚާއްސަ ސަމާލުކަމެެއް ދެއްވައި ކޮންމެ އިންތިޚާބެއްގައިވެސް ކޮންމެ ތާކު ހުރި ނަމަވެސް ބަރާބަރަށް ވޯޓު ދެއްވާ ފަރުދީ ޒިންމާ އަދާ ކުރައްވާ ބޭފުޅެއް.

ގޭންގުތައް ބޭއްނުންކޮށްގެން މަވޯޓާ ޝަރީފަށް އެމއޕީ ނިހާދަށް ހަމަލާދީފައިވާކަމަށް ތުހުމަތު ކޮށްފި. އޭގެ އޭގެ އިތުރުން، ރޭގަ އެމްޑީޕީގެ ކެމްޕޭނު އޮފީހަށް ވަދެގަންނަން މަސައްކަތްކޮށް އަދި ގަލޮޅު ޖަގަހައިގެ ބިއްލޫރިތައް ތަޅާލާފަ ވާކަމަށްވެސް ޕާޓީގެ އިސްބޭފުޅުން ވަނީ ވިދާޅުވެފަ.

އިދިކޮޅު ޕީޕަލްސް ޕްރޮގްރެސިވް ޕާޓީ (ޕީޕީއެމް)ގެ ނަމުގައި ފޭކު ބަޔާނެއް ދައުރުކުރަން ފަށާފައިވާކަމަށް އެޕާޓީން ބުނެފި.

އެ ބަޔާނުގައި ބުނެފައިވަނީ މިއަދު ކުރިއަށްދާ ރިޔާސީ އިންތިހާބުގެ ދެވަނަބުރުގެ ވޯޓުލުމުގެ ވަގުތު ކުޑަތަންވެފައި ވަނިކޮށް ޕީއެންސީގެ ރިޔާސީ ކެންޑިޑޭޓް ޑރ. މުހައްމަދު މުއިއްޒުއަށް ކުރައްވާ ތާއީދު ރައީސް ޔާމީން އަނބުރާ ގެންދެވިކަމަށް އެމަނިކުފާނުގެ އަނބިކަނބަލުން މެޑަމް ފާތިމަތު އިބްރާހިމް އިއްޔެ އިއުލާނުކުރެއްވުމާއި ގުޅިގެން އަރާފައިވާ އޮޅުންތައް ފިލުވުމަށް މިއަދު ރައީސް ޔާމީންގެ ލޯޔަރުންގެ ޓީމުން މާފުށި ޖަލަށް ވަޑައިގެން ރައީސް ޔާމީންއާ ބައްދަކުކުރައްވާފައިވާކަމަށް.

2 ޖެހުމާއި ހަމައަށް، ވޯޓުލުމުގެ ޙައްޤު ލިބިފައިވާ މީހުންގެ ތެރެއިން 60.80 އިންސައްތަ މީހުން (171,954 މީހުން) ވޯޓުލާފައިވާކަމަށް އިލެކްޝަންސް ކޮމިޝަނުން ވިދާޅުވެއްޖެ.

މިއަދު ކުރިޔަށްދާ ރިޔާސީ އިންތިޚާބުގެ ދެވަނަ ބުރުގެ ވޯޓު ކާމިޔާބު ކޮށްގެން، ދެން އިންތިޚާބުވާ ސަރުކާރަކުން ބޭނުންވާ އެހީތެރިކަމެއް ފޯރުކޮށް ދެއްވާނޭކަމުގައި، ދައުރު ފުރިހަމަކޮށް، މަގާމުން ދުރަށް ވަޑައިގެންނެވުމަށް މިހާރު ތައްޔާރުވަމުންދާ، ނައިބު ރައީސް ފައިސަލް ނަސީމް ވިދާޅުވެއްޖެ.

ލ.ފޮނަދޫގައި ވޯޓު ކަރުދާހުގައި ކުރަހާފައިވާ މައްސަލައެއް ފެންމަތިވެ ވޯޓު ލުން ހުއްޓުވައިފި.

އިލެކްޝަންސް ކޮމިޝަނުން ވަނީ ފޮނަދޫގައި ވޯޓު ކަރުދާހުގައި ކުރެހުމުގެ ސަބަބުން ވޯޓުލުން މެދުކަނޑާލިކަން ހާމަކޮށްފަ. އީސީން ބުނީ، ވޯޓު ކަރުދާސް ދޫކުރާ އޮފިޝަލް އަތުގައި ގަލަން ނޯންނާނެކަމަށް. އަދި ވޯޓު ކަރުދާހުގައި ކުރަހާފައިވާ މައްސަލަ ބަލަމުން އަންނަކަމަށާއި، އެކަމުގައި ޢަމަލުކުރާނެ ގޮތެއް ވޯޓު ފޮށީގެ ވެރިޔާއަށް އަންގާފައިވާކަމަށް އީސީން ބުނެފައިވޭ.

ވެރިކަންކުރާ ޕާޓީ އެމްޑީޕީގެ ރިޔާސީ ކެންޑިޑޭޓް ރައީސް އިބްރާހީމް މުޙައްމަދު ސާލިހް ރަރިންމޭޓް މުހައްމަދު އަސްލަމް ވޯޓު ލައްވައިފި.

އެމްޑީޕީގެ ކުރީގެ ރައީސް މުހައްމަދު ނަޝީދު ވޯޓު ލައްވައިފިއެވެ.

12 ޖެހުމާހަމައަށް އެއްލައްކަ ސައްބީސް ހާހަށްވުރެ ގިނަ މީހުން ވޯޓުލައިފި

މިހާރު ކުރިއަށްދާ ރިޔާސީ އިންތިޚާބު 2023ގެ ދެވަނަ ބުރުގައި 12:00އާ ހަމައަށް ވޯޓުލާފައިވާ ނިސްބަތް pic.twitter.com/EUFxszg7wH

— Elections Commission (@ElectionsMv) September 30, 2023

ރިޔާސީ އިންތިޚާބުގެ 2 ވަނަ ބުރުގެ ވޯޓުލުމުގެ ކަންކަމާގުޅިގެން ކުރިއަށްގެންދާ އޮޕަރޭޝަންގައި ފުލުހުން މިހާތަނަށް 10 މީހަކު ފުލުހުންގެ ބެލުމުގެ ދަށަށް ގެންގޮސްފި. އެތަނުން 7 މީހުން ވަނީ މިހާރު ދޫކޮށްލާފަ.

ވޯޓު ކަރުދާސް ދެއްކުމާއި ވޯޓު ކަރުދާސް ފޮޓޯ ނެގުމާ ގުޅިގެން މިހާތަނަށް 10 މީހަކު ފުލުހުންގެ ބެލުމުގެ ދަށަށް ގެނެސްފައިވޭ. އެމީހުންގެ ތެރެއިން 7 މީހަކު ވަނީ ދޫކޮށްލާފައި.#OperationBlueWave

— Blue Wave 2023 (@OpsPoliceMv) September 30, 2023

ރިޔާސީ އިންތިޚާބުގެ ދެވަނަ ބުރުގެ ވޯޓުލުން ކުރިއަށްދަނީ:

ހުޅުމާލެ ރެހެންދި ސްކޫލުގެ ވޯޓުލާ މަރުކަޒު

11 ޖެހުމާއި ހަމަށް 97 ހާހަށްވުރެ ގިނަ މީހުން ވޯޓުލައިފި. މިއީ 34.38 އިންސައްތަ.

މިހާރު ކުރިއަށްދާ ރިޔާސީ އިންތިޚާބު 2023ގެ ދެވަނަ ބުރުގައި 11:00އާ ހަމައަށް ވޯޓުލާފައިވާ ނިސްބަތް pic.twitter.com/cvxuje9sKp

— Elections Commission (@ElectionsMv) September 30, 2023

ލ.ފޮނަދޫގެ 3 ނަންބަރު ވޯޓު ފޮށީގެ ވޯޓުލުން މިވަގުތު ވަނީ މެދުކަނޑައިލާފަ. ނަމަވެސް މައްސަލަ ފާހަގަވި އޮފިޝަލް މަޤާމުގެ މަސްއޫލިއްތުން ދުރުކުރުމަށްފަހު ކުޑަ ވަގުތުކޮޅެއްގެ ތެރޭގައި ވޯޓުލުން ފެށުމަށް ދަނީ މަސައްކަތް ކުރަމުން.

އޮފިޝަލަކު ވޯޓުކަރުދާސްކޮޅުގައި ކުރަހާފައި ދޭ މައްސަލައިގެ ޝަކުވާ ލިބުމުން، ބަލަންޖެހޭ ކަންކަން ބަލަމުން ގެންދާކަމަށް ފުލުހުން ވިދާޅުވޭ.

އޮޕަރޭޝަން ބްލޫ ވޭވް އަޕްޑޭޓް:
ލ. ފޮނަދޫގައި ވޯޓުލާ މަރުކަޒުގެ އޮފިޝަލަކު ވޯޓު ކަރުދާހުގައި ކުރަހާފައި ދޭކަމުގެ ޝަކުވާ ފުލުހުންނަށް ހުށަހަޅާފައިވޭ. މިކަމާ ގުޅިގެން ބަލަންޖެހޭ ކަންކަން ފުލުހުން ދަނީ ބަލަމުން.#OperationBlueWave

— Blue Wave 2023 (@OpsPoliceMv) September 30, 2023

ލ. ފޮނަދޫގައި ވޯޓުލާ މަރުކަޒުގެ އޮފިޝަލަކު ވޯޓު ކަރުދާހުގައި ކުރަހާފައި ދޭކަމުގެ މައްސަލައެއް ފެންމަތިވެއްޖެ. އިދިކޮޅު ޕީޕީއެމުން ބުނަނީ ރަސްމީކޮށް މި މައްސަލަގެ ޝަކުވާ ހުށަހެޅުމަށް މަސައްކަތް ކުރަމުން ގެންދާކަމަށް.

ރައީސް ސާލިހު ވޯޓު ލައްވައިފި.

މަހުޖަނު އުއްޗު ވޯޓު ލައްވައިފި.

#ވީޑިއޯ | މަހުޖަނު އުއްޗު ވޯޓު ލެއްވުން.

ތަފްސީލު: https://t.co/y4HhuNbrXs pic.twitter.com/dElbxCE4T7

— Khabaru Online (@KhabaruOnline) September 30, 2023

މިއަދު ކުރިއަށްދާ ވޯޓުގައި ވޯޓު ކަރުދާހުގެ ފޮޓޯ ނެގި މީހަކު ހައްޔަރުކޮށްފި.

#ފޮޓޯ | ރިޔާސީ އިންތިޚާބުގެ ވޯޓުލުން ރާއްޖޭގެ އެކި ކަންކޮޅުތަކުގައި ފެށިގެން ކުރިޔަށް.

މިހާތަނަށް %13 މީހުން ވޯޓު ލައިފި. މިހާތަނަށް ވޯޓު ލާފައިވާ މީހުންގެ ޖުމަލް އަދަދަކީ 36،312 މީހުން.

ޑރ. މުއިއްޒުގެ އަނބިކަބަލުން ސާޖިދާ ވޯޓު ލައްވައިފި.

ރިޔާސީ އިންތިހާބުގެ ދެވަނަ ބުރުގައި ޕީޕީއެމްގެ ރައީސް، ޔާމީން ވޯޓުލައްވައިފި.

ޔާމީން ވޯޓު ލައްވާފައިވަނީ މާފުށީގައި ޖަލުގައި ބަހައްޓާފައި ހުރި ވޯޓު ފޮށި-2 އަށް.

އަބޫދާބީ އަދި ޔޫކޭ ފިޔަވައި އެހެން ހުރިހާ ތަނެއްގައި ވޯޓުލުން ފެށިގެން ކުރިޔަށް އެބަދޭ.
ބައެއް މަރުކަޒު ތަކުގައި ގާތްގަނޑަށް މިނިޓަކު 2 މީހުން ވޯޓު އެބަލައްވާ.#visnun23 @ElectionsMv

— Ismail Habeeb (@IsmailHabeeb) September 30, 2023

ފުލުހުންގެ އިލްތިމާސް!

އޮޕަރޭޝަން ބްލޫވޭވްގެ ކޮމާންޑަރުގެ އިލްތިމާސް – ވޯޓުލާން ބޭނުންވާ ތަކެތި ފިޔަވައި އެހެންތަކެތި ވޯޓުލާ ސަރަހައްދަށް ނުވައްދަވާ – ވޯޓުލާން ހުއްޓެންޖެހޭ ކިޔު ޔަގީން ކުރައްވާ – ޥޯޓު ލުމަށްފަހު މަޑުނުކުރައްވާ ވަޑައިގަންނަވާ – އަމާންކަމަށް ބުރޫއަރާނެފަދަ އެއްވެސް ކަމެއް ނުކުރައްވާ!

އޮޕަރޭޝަން ބްލޫވޭވްގެ ކޮމާންޑަރުގެ އިލްތިމާސް
– ވޯޓުލާން ބޭނުންވާ ތަކެތި ފިޔަވައި އެހެންތަކެތި ވޯޓުލާ ސަރަހައްދަށް ނުވައްދަވާ
– ވޯޓުލާން ހުއްޓެންޖެހޭ ކިޔު ޔަގީން ކުރައްވާ
– ޥޯޓު ލުމަށްފަހު މަޑުނުކުރައްވާ ވަޑައިގަންނަވާ
– އަމާންކަމަށް ބުރޫއަރާނެފަދަ އެއްވެސް ކަމެއް ނުކުރައްވާ pic.twitter.com/qJhvvvFK8X

— Maldives Police (@PoliceMv) September 30, 2023

އިދިކޮޅު ކެނޑިޑޭޓް ވޯޓު ލައްވައިފި.

ރިޔާސީ އިންތިހާބުގެ ދެވަނަބުރުގެ އޮބްޒާވަރުންނާއި މޮނިޓަރުންގެ ދައުރު ބައެއް ޕާޓީތަކުން ބަދަލު ކުރެއްވުމާ ގުޅިގެން، އެގޮތަށް ބަދަލުކުރި ބައެއް އޮބްޒާވަރުންނާއި މޮނިޓަރުންނަށް، ވޯޓުލާ މަރުކަޒަށް އެކްސެސް ނުވުމުގެ މައްސަލަ ދިމާވެދާނެ. އެއީ އީސީގެ މައްސަލައެއްނޫން. އެކަމަކު އެކަން ހައްލުކޮށް ވީހާވެސް އަވަހަކަށް އެކްސެސް ދިނުމުގެ މަސައްކަތް ކޯޑިނޭޝަން ސެންޓަރުން ކުރިޔަށް އެބަގެންދަވާ.

ރިޔާސީ އިންތިހާބުގެ ދެވަނަބުރުގެ އޮބްޒާވަރުންނާއި މޮނިޓަރުންގެ ދައުރު ބައެއް ޕާޓީތަކުން ބަދަލު ކުރެއްވުމާ ގުޅިގެން، އެގޮތަށް ބަދަލުކުރި ބައެއް އޮބްޒާވަރުންނާއި މޮނިޓަރުންނަށް، ވޯޓުލާ މަރުކަޒަށް އެކްސެސް ނުވުމުގެ މައްސަލަ ދިމާވެދާނެ. އެއީ އީސީގެ މައްސަލައެއްނޫން. އެކަމަކު އެކަން…

— Ismail Habeeb (@IsmailHabeeb) September 30, 2023

ކުރިޔަށް އޮތް ރިޔާސީ އިންތިޚާބުގައި ވާދަކުރައްވާ އިދިކޮޅު ކެނޑިޑޭޓް ޑރ. މުއިއްޒުގެ ރަނިންމޭޓް ހުސެއިން މުހައްމަދު ލަތީފް (ސެމްބެ) ވޯޓު ލައްވައިފި.

ކުރިއަށް އޮތް ފަސް އަހަރު ދުވަހު ރާއްޖޭގައި ވެރިކަން ކުރާނެ ވެރިއަކު ހޮވުމަށް ބާއްވާ ރިޔާސީ އިންތިހާބުގެ ދެވަނަ ބުރުގެ ވޯޓުލުން ފަށައިފި.

ގިނަ ވޯޓުލާ މަރުކަޒުތަކުގައި ވޯޓުލުން 8:00 ޖެހިއިރު ވަނީ ފަށާފަ. ވޯޓުލާން 8:00 ޖެހިއިރު ފެށިއިރު، އޭގެ ގަޑިއެއްހާ އިރު ކުރިން ފެށިގެން މީހުން ވަނީ ވޯޓު ލުމަށް ކިއު އަށް އަރަން ފަށާފަ. ހާއްސަކޮށް އުމުރުން ދުވަސްވީ މީހުން ވަނީ ކިއުތަކަށް އަރަން ފަށާފަ.

ދެވަނަ ބުރުގައި އަލަށް ވޯޓުލުމުގެ ހައްގު 408 މީހަކަށް ލިބިފައި ވެއެވެ.

ރިޔާސީ އިންތިހާބުގެ ދެވަނަ ބުރުގެ ވޯޓުލުން މާދަމާ ކުރިއަށް ދާއިރު، މާދަމާ ހެނދުނު 8 އިން ރޭގަނޑު 8 އަށް ބަރު އެއްގަމު އުޅަނދު ދުއްވުން ވަނީ މަނާކޮށްފައި. އަޅުގަނޑުމެން އެ ދެނީ މި އިރުޝާދާ އެއްގޮތަށް އެންމެހައި ފަރާތްތަކުން އަމަލު ކުރެއްވުމަށް – ޗީފް އެސްޕީ އަޙްމަދު ޝާކިރު pic.twitter.com/Vh3xlsbBgz

— Maldives Police (@PoliceMv) September 29, 2023

ރިޔާސީ އިންތިޚާބުގެ ދެވަނަ ބުރުގެ ސަލާމަތީ ކަންކަން ބެލެހެއްޓުމަށްޓަކައި ވޯޓުލާ މަރުކަޒުތަކުގައި 1200 އަށްވުރެ ގިނަ ފުލުހުން ހަރަކާތްތެރިވާނެ: ފުލުހުން

ވޯޓުކަރުދާހުގައި ފާހަގަ ޖެހުމުގައި ސަމާލުކަންދޭންވީ ކަންކަން pic.twitter.com/GRQuCDiJcg

— Elections Commission (@ElectionsMv) September 29, 2023

ފުރަތަމަ ބުރުގެ ތަޖުރިބާގެ އަލީގައި އިތުރު މީހުންނާއި އިސްލާހުތަކާ އެކު ދެވަނަ ބުރުގެ ވޯޓުލުން ކުރިއަށް ގެންދިޔުމަށް ފުރިހަމައަށް ތައްޔާރު: އިލެކްޝަންސް ކޮމިޝަން