ރާއްޖޭގެ މަޝްހޫރު ލަވަ ކިޔުންތެރިޔާ އައްމަޑޭއާއި، މިއުޒީޝަން އަދި ގިޓަރިސްޓު ޝަހީދު ލެގަސީ މިރޭ ޕީޕީއެމްއަށް ސޮއިކޮށްފިއެވެ.
ރާއްޖޭގެ ފަންނާނުންގެ ތެރެއިން ގިނަ ބަޔަކު ދަނީ މުއިއްޒުއަށް ތާއީދުކޮށް ޕީޕީއެމްއާއި ގުޅެމުންނެވެ. މިރޭ މި ފަންނަނާނުން ޕީޕީއެމްއާއި ގުޅި ފޯމް ހަވާލުކުރީ ފޯވައްމުލަކު ޖަގަހަ ހުޅުވުމަށް މުއިއްޒުގެ ރަނިންމޭޓް ހުސެއިން މުހައްމަދު ލަތީފް، ސެމްވެ ބައިވެރިވި އިވެންޓުގައެވެ.
އައްމަޑޭއަކީ ރާއްޖޭގެ އެންމެ މަތީ ފަންތީގައި ލަވަކިޔާފައިވާ އަދި މިހާރުވެސް އެތައް ބައެއްގެ މަގުބޫލުކަން ހޯދާފައިވާ ފަންނާނެކެވެ. މީގެ އިތުރުން މިރޭ ގުޅުނު ޝަހީދު ލެގަސީއަކީ ރާއްޖޭގެ އެންމެ ކުޅަދާނެ ގިޓަރިސްޓެވެ. އޭނާ އަކީ ސޯޝަލް މީޑިއާ މެދުވެރިކޮށް ސިޔާސީ އެކި ބޭފުޅުން ދައްކާ ވާހަތަކަށާއި، ހިނގާ އެކިއެކި ކަންކަމަށް މީހުންގެ ޝައުގުވެރިކަން އުފެދޭ އެތައް ވީޑިއޯތަކެއް ހިއްސާ ކުރަމުންދާ ފަންނާނެއްވެސް މެއެވެ.
ރާއްޖޭގެ ފިލްމީ ދާއިރާގެ ގިނަ ފަންނާނުންވެސް ވަނީ މުއިއްޒުގެ ކެމްޕޭނާއި ގުޅި އަތޮޅު ތެރޭގައި އަމަލީ ގޮތުން ކެމްޕޭން ހަރަކާތްތަކުގައި ބައިވެރި ވަމުންނެވެ.
ކޮމެންޓު ފޮނުވާ