ބޮލީވުޑްގެ އޭ ލިސްޓްުގެ ދެ ތަރިން ކަމުގައިވާ ރިތިކް ރޯޝަން އާއި ދީޕިކާ ޕަދުކޯން އެކުގައި ފެނިގެންދާ ފުރަތަމަ ފިލްމް، "ފައިޓާ"ގެ ލަވަތަކުގެ ޝޫޓިން ފަށައިފި އެވެ.

އިންޑިއާގެ 76 ވަނަ މިނިވަން ދުވަހާ ގުޅުވައި ރިތިކް އާއި ދީޕިކާ ގެ ފިލްމު "ފައިޓާ" ގެ ފަސްޓްލުކް ދައްކައިލައިފައި ވަނީ އިންޑިއާގެ ވައިގެ އަސްކަރިއްޔާ އަށް ޓްރިބިއުޓެއްގެ ގޮތުގައިއެވެ.

ރިޕޯޓްތައް ބުނި ގޮތުގައި، އެ ފިލްމުގައި ރިތިކް އާއި ދީޕިކާ އެކުގައި ފެންނަ ދެ ލަވައެއް ގެނެސްދޭނެ އެވެ. އެ ދެ ލަވައަކީ ވެސް ލޯބީގެ ދެ ޑާންސް ނަންބަރެވެ. އެ ލަވަތައް ޝޫޓްކުރަނީ އިޓަލީގައި ކަމަށާއި ޝޫޓިންނަށް 15 ދުވަހު ހޭދަވާނެ ކަމަށް ވެސް ރިޕޯޓްތައް ބުންޏެވެ.

 

View this post on Instagram

 

A post shared by दीपिका पादुकोण (@deepikapadukone)

ޑައިރެކްޓަރ ސިދާތު އާނަންދުގެ މި ފިލްމުގެ މުހިންމު ރޯލަކުން އަނިލް ކަޕޫރު ވެސް ފެނިގެން ދާނެއެވެ. ފިލްމުގެ ވާހަކަ ލިޔެފައި ވަނީ ވެސް ސިދާތެވެ. ފިލްމު ގެނެސްދެނީ އޭނަގެ ފިލްމު ކުންފުނި މާފްލިކްސް ޕިކްޗާސް އާއި ވަޔަކޮމް 18 ގުޅިގެންނެވެ.

 

View this post on Instagram

 

A post shared by Hrithik Roshan (@hrithikroshan)

މީގެ ކުރިންވެސް ދެފަރެއްގެ މަތިން ޕްރިމިއާކުރާ ތާރީހު ފަސްކޮށްފައިވާ ފިލްމް މިހާރު ތާވަލް ކޮށްފައިވަނީ  އަންނަ އަހަރުގެ ޖެނުއަރީ 25 ގަ އެވެ.