ދިވެހި ފިލްމް އިނޑަސްޓްރީގައި ބެލުންތެރިންގެ މަގުބޫލު ކަން ހޯދައިފައިވާ ޑައިރެކްޓަރު ޒްހާން އިބްރާހިމްގެ ފުރަތަމަ ފީޗާ ފިލްމު "މީ އިޝްގު"ގެ ޓިޒާ އެއް ބެލުންތެރިންނަށް ދޫކޮށްލައިފިއެވެ.
މިދިޔަ މާޗް މަހު ލޯންޗްކުރި މި ފިލްމަކީ އަސަރު ގަދަ ލޯބީގެ ވާހައަކަ އެއްގެ މައްޗަށް ބިނާކޮށް ހަދާ ފިލްމެކެވެ. މާލެ އާއި މާފުށީގައި މައިގަނޑު މަންޒަރުތައް ނަގާ "މީ އިޝްގު" ގެ ޝޫޓިން ނިންމާ މިހާރު ވަނީ ސިނަމާ އަށް އައުމަށް އަމާޒު ހިފައިފައިއެވެ.
View this post on Instagram
މި ފިލްމަކީ ދިވެހި ފިލްމު ސްޓޫޑިއޯ އިން އުފައްދައި، ޑާކް ރެއިން އެންޓަޓައިންމަންޓުން ގެނެސްދިނުމަށް ހަމަޖެހިފައިވާ ފިލްމެކެވެ. "މީ އިޝްގު" ގެ ލީޑް ތަރިންގެ ގޮތުގައި ފެނިގެންދާނީ ދިވެހި ސިނަމާގައި މިހާރު ކުރިއަރަމުން އަންނަ ދެ ތަރިން ކަމަށްވާ ޝަރަފު އާއި އައިމިނަތު ރަޝްފާ (އާޝާ) އެވެ.
މިއީ ޑާކް ރެއިން އެންޓަޓައިންމަންޓުން މާޗް މަހު ޑިޖިޓަލްކޮށް ޕްރީމިއާކުރި "ހިނދުކޮޅެއް" ފިލްމަށް ފަހު، މި ޖޯޑު އެކީގައި ކުޅޭ ދެވަނަ ފިލްމެވެ.
